Kum 2010 Krismas ruaia sum chevêl

Ramthar Field-a Krismas hmangte kha

December ni 22, nilaini-a kan Kohhran atanga Ramthar Field hmun hniha Krismas hmang tura chhuakten rawngbâwlna tha tak an neih hnûin Dec. ni 27, thawhtanni Krismas Ruaitheh Ni hian Aizawl rawn thleng tura beisei an ni.
Dibong-a hmuna fehchhuakte hi Dec. ni 22 zan dar 6:30-ah an thleng a. Ni 23 & 24-ah group-a inthenin Gospel Campaign neiin an fehchhuak a. Urlâwk zân inkhâwmah Team Leader, Upa Chawngthanthuaman thuchah a sawi a, Krismas Ni-ah Nl. Hmingthansangin a sawi thung. Krismas Ni-a ruaitheh hi, Kristian leh ringlote nên mi 80 an tling. Kan Kohhran hi Dibong hmuna hmundang atanga Krismas hmanpuitu hmasaber an ni. Ni 27 zing karah an rawn chhuak ang a, kan Kohhranin Biak In a sakna hmun Bahadurgram an rawn tlawh kual leh ang; ruaitheh nawlpui nang lovin zan lama an rawn thlen beisei a ni.
Madhiripathar hmuna kal mi pali-te chu Dec. ni 23 tûkah an thleng a. An thlen ni leh a tûkah te rawngbâwlin an fehchhuak a. Krismas Ni-ah Upa Kapmawian thuchah a sawi a. Ni 26-ah khaw thenawm Likabali-a Kristiante hun an hmanpui a, Pu C. Rosiama f/o Nl. C. Lalhmangaihsangi (Sangteii)-in thu a sawi a; Kristian hi mi 20 vêl an ni. Anni hi ni 26 tlai dar 3-ah Madhuripathar an chhuahsan a, ni 27 tlaiah an rawn thlen beisei a ni.

Krismas Lêngkhâwm- II

Kum 2010 Krismas programme hrang hrangte tluang taka hman chhoh zêl a ni a. Kohhran Zaipawl tum 3 an zai a, mi 60 vêl an tel thin. An zai a ngaihnawm a, Asst. Conductor pathum- Tv. H.VL.Biakrinawma, Tv. F. Lalzidinga & Tv. C. Lalhriatkima te hla thlan leh zirtir an rem a, an hruai zêl bawk. Lêngkhâwm boruak a tha thawkhat a, kum dang anglo takin thalai an tel tha thin hlê. Zaikhâwm pawh mi 50-70 inkar an ni thin.
Biak In inkhâwmah pawh kan zai tui a, lam tual mawi tham an lâm thin a, Krismas thupui sawi pawh a ngaihnawmin a tha thei khawp mai. Krismas Ni zânah Kohhran Zaipâwl bâkah Kohhran Hmeichhe lam atangin thianho zai ngaihthlâk tur a awm bawk. Ni 26 zânah Pavalai Pâwl an zai thung.

NPSS KAI THA LAWMMAN SEM

December ni 26, Pathianni chawhmaah NPSS lamah kum 2010 chhûnga Sunday School kai tha lawmman sem a ni a, Puitling S.S.-ah bialtu Pastor C. Sanglianan hun a hmang. Department tina Sunday School kai tha lawmman dawng thei zat chu heti ang hi a ni:-

KRISMAS KAN HLIM TLANG

Kumin 2010 Krismas chu kan va hlim tlang tehlul em, Vawiin Pathianni Chawhma Inkhawmah kan Pastor Rev.C.Sangliana'n Thuchah a sawi a, a nupui leh a fanuten an rawn tawiawm bawk.

Senior Zirtirtu ho pawh an Leader Pu K.Zomuana hovin, Pastor leh Kohhran Secy Upa tenen College Veng ATM Booth ah an hlim hle. ATM card kenglo pawn Book mark tal an keng vek.

2010 Krismas Lêngkhâwm -I

December ni 24, Urlâwk Zân Kohhran lêngkhâwm chu dâr 10:05 khân kan tin ta! Kohhran Committee chuan lêngkhâwm hruai hna hi KTP kutah a dah a, Pu Laldinpuia (Ex- Branch Secretary)-in a hruai a ni.
Kum dang anglo takin lêngkhâwmnaah nuho an tel miah lo va, thalai hlang deuh thaw kan ni a, pavalai 5 an awm a, 2 chu khuangpu an ni. Lêngkhâwm zawng zawng hi mi 50 vêl kan ni. Kohhran Committee Member zingah kan Branch Treasurer T.L. Haungura chauh a tel! Lêngkhâwm hla (khuang hnih) sâ-in zai kan tui hlê. Marka Group-ten thingpui an lum a, kum dang anglo takin Kohhran Comm.-in a hmeh a buatsaih lo!!!

CHALLENGER ISSUE 53 (December 26, 2010)

Krismas programme, Kohhran sum audit report, etc. hei hi click rawh

Presbyterian Hospital-a damlo mi harsate tanpui

KTP College Veng Branch Committee-in a lo rêl tawh angin, Dec. ni 23 ningani tlaiah Prebyterian Hospital-a damlo, mi harsa zual mi 22+1 (Pu F. Krawschhuanga)- te chu Branch Office Bearer-ten tanpuina Rs. 1,000/- theuh an hlân. Tanpuina hlanna hmunah hian kan member, Damdawi ina thawklai Dr. (Tv.) Abraham Lalhruaitluangan a lo kaihruai a ni.

ATM hman theih ta

College Veng Branch YMA building, Godfrey Tower-a SBI ATM chu Dec. ni 23, ningani chawhnu lam atang khan hman theih a ni ta.

Ramthar Field-ah Krismas

Kan Kohhran Ramthar Committee ruahman angin, Dec. ni 22 (thawhlehni) zing dâr 6:50 khân, Dibong (Nagaland) hmuna Krismas hmang tûr mi 16 te chu, Biak In kawt atangin sumo pahnih hmangin an chhuak ta.

Dibong (Nagaland)-a kalte:- 1) Upa Chawngthanthuama, 2) Nl. Hmingthansangi, 3) Pu H. Biakthuama, 4) Nl. R. Zohmingthangi, 5) Pi Lalpari, 6) Tv. C. Lalruatsanga (2011 Br. Asst. Secretary), 7) Tv. Lalhmangaiha, 8) Tv. C. Malsawmzuala, 9) Tv. Zohmingthanga, 10) Tv. J.H. Lalchhanhima, 11) Nl. Ramdinthari Khiangte, 12) Nl. Lalmuanzovi, leh 13) Pu Neihthanga te chhûngkua (mi 4) te an ni.

Tlai lamah kan Branch member, Nl. C. Lalhmangaihsangi thawhna Madhuripathar (Arunachal Pradesh) lama Krismas hmang tur mi 4 - 1) Upa Kapmawia, 2) Pu C. Rosiama, 3) Nl. C. Lalthantluangi, & 4) Pi C. Lalmuanpuii te an chhuak ang. Ramthim lama rawngbâwl tura fehchhuakte hi Dec. ni 27, Krismas Ruaitheh Ni-ah an rawn kir leh ang. Rawngbâwlna hlâwk tak leh tha tak an neih theih nân i tawngtaipui ang u.

2011 College Veng Branch Y.M.A hruaitu (O.B.)

December ni 21, Thawhleh zânah College Veng Presby. Kohhran Sunday School Hall-ah, kum 2011 chhûnga College Veng Branch Y.M.A hruaitu tûr (O.B.) thlanna neih a ni a. Returning Officer-ah Pu Vanhranga Fanchun, Chairman, College Veng Local Council a ni a, P.O.-ah Branch YMA Adviser-te hman a ni. Branch President thlanah vote 102 a tla a, Asst. Secretary-ah 122 leh Treasurer thlanah vote 127 lai a tla thung! Inthlan hi Post-by-Post a neih a ni a, hêng mite hi thlan tlin an ni:-
President: Pu H.S. Lalrampara
Vice President: Pu R. Zapliana
Secretary: Pu C. Lalremruata
Assistant Secretary: Pu K. Zohmingthanga
Treasurer: Nl. Lalchansangi
Financial Secretary: Pu V. Lalrohlua

Bial chhûnga Branch dang hruaitute

Carol Service- hlim leh hlâwk taka hman a ni

December ni 20, Thawhtan zân inkhâwm bân dar 8:15 atanga zanlai dâr 2:10 thlengin Christmas Carol Service chu ruahman lâwk angin, hlim leh hlâwk taka hman a ni a. Pavalai Pâwl mi 20 vêl zet tiamin mi 120 chuang Carol Service-ah hian an tel a. Vêngchhûnga in thlan sa 26 kal kualin, Presby. Hospital Durtlang-a damlo, mi harsa zualte tanpuina tur khawn a ni a, Rs. 18, 162/- kan hmu a ni.

In hrang hrang tlawh kualte chu:- 1) Upa P.C. Tlangmawia (L), 2) Pu F. Manghnuna, 3) Upa F. Saibuaia, 4) Nl. Lalthantluangi, 5) Pu H. Lalzawmliana, 6) Pu R. Lalruala, 7) Pu Lalsangliana, 8) Pu J. Lalremruata, 9) Pu V. Lalrinawma, 10) Pu C. Laldinliana, 11) Pu Zoliana, 12) Pi Thanzâmi, 13) Pu Lalremruata, 14) Pu B. Lalchhanhima, 15) Upa Lalbiaktluanga, 16) Pu C. Lalsona, 17) Upa Lalmanliana, 18) Pu R. Dokunga, 19) Pu Lalchhuanmawia, 20) Upa K. Sangthuama, 21) Pu C. Lalrosanga, 22) Pu C. Chawnghnuna, 23) Pi Vanlalauvi Chawngthu, 24) Pu H.S. Vanlalfela, 25) Pi Manthangi & 26) Pi Chalmawii te a ni a. Hêng bâkah hian mi thahnemngaite atangin tanpuina kan dawng bawk. Tûn thlenga Damdawi Ina awm mi harsate tâna sum hmuh tlingkhâwm chu heti ang hi a ni (Inkhâwm thawhlawm-ah hian mi thahnemngai thenkhatte thawh a tel):-

NPSS Exam, Kai tha/ Buhfaithâm lawmman sem

December ni 19, Pathianni chawhmâah NPSS & Masihi Sangati-te Pathian Thu Ekzam neih a ni a. Kan Kohhran atangin mi 301-in an ekzam a, Department tina ekzam awm dân chu heti ang hi a ni- Beginners: 61, Primary: 60, Junior: 72, Intermediate: 41, Sakramen: 26, Senior: 35 leh Masihi Sangati: 6 an ni.

Puitling Sunday School lamah kumin chhûnga S.S. kai tha lawmman leh Buhfai thâm tha lawmman sem a ni thung. S.S. kai tha lawmman hi kai kim vek (1-na): mi 97, 2-na: mi 53 leh 3-na: mi 55 an awm a. Kohhran Hmeichhe Committee lam sem buhfai thâm tha (no 600 chin chunglam) lawmman dawng thei zât chu:- 1-na (no 1500 chin chunglam thâm): mi 11; 2-na (no 1000 - 1499): mi 27 leh 3-na (no 600 - 999): mi 121 an awm.
Kumin chhûnga buhfai thâm tha ber chu Pi Zozaihmingi a ni a, no 2,258 a thâm a; 2-na: Pi Laldanglovi'n no 1,932 leh 3-na Pi Remruati Hauhnar-in no 1,906 a thâm a ni.

Pathianni Naupang Inkhâwm (Beg.-Junior) te chuan Advance Christmas hun hlim takin an hmang a, item hrang hrang an neih bâkah, Gift exchange an nei bawk.

DAMLO HARSA TE PUALA CAROL

Presbyterian Hospital-a Damlo harsa zualte tanpuina atana Branch K.T.P ten Carol kan neih tur chu naktuk 20/12/2010(thawhtan) zan hi alo ni ta a, hemi hunah hian kan kohhrana PAVALAITE min telpui turin kan sawm bawk a, anni pawh an phur khawp mai. He Carol hi Inkhawmbanah neih a ni anga, Carol neih zawhah Gospel Centenary Hall ah Ei leh In tuihnai tak buatsaiha chan tlan tum a ni.

He kan Carol bakah hian kar hmasa K.T.P inkhawmah hemi pual hian THILPEK lakkhawm a ni a, Vawiin Chawhnu Tleirawl Inkhawm ten thilpek an kengkhawm bawk a, kan Carol hma hauhin, tunah hian Branch leh Tleirawl Inkhawm leh Mi thahnemngai te atangin 9,976/- a tlingkhawm tawh a, a lawmawm hle.

Mi thahnemngaite leh Branch K.T.P memberte bakah Tleirawl Inkhawm te chungah lawmthu kan sawi tak meuh meuh a ni.

'PE RAWH U, TICHUAN PEKIN IN AWM ANG'

GROUP & CHALLENGER SUM AUDIT

Branch Committee rêl angin, Group leh Challenger sum chu vawiin (Dec. ni 19) tlai khân Gospel Centenary Hall-ah endik (audit) a ni a, sumte hi felfai taka vawn a ni. Auditor te chu Pu F. Lalhmuchianga, Branch Finance Secretary leh T/Upa T.L. Haungura, Branch Treasurer te an ni. Group leh Challenger sum audit dinhmun chu heti ang hi a ni:

1. JOHANA GROUP
Hmuh zawng zawng : 19,080.00
Hmanral zawng zawng : 12,640.00

2.MATTHAIA GROUP
Hmuh zawng zawng : 32,195.00
Hmanral zawng zawng : 27,740.00

3. MARKA GROUP
Hmuh zawng zawng : 31,939.00
Hmanral zawng zawng : 23,789.00

4. LUKA GROUP
Hmuh zawng zawng : 22,515.00
Hmanral zawng zawng : 17,275.00

Group Thawhchhuah zawng zawng : 105729.00
Group Hmanral zawng zawng : 81,444.00

Challenger ten an Budget 10,000/- an pek tawh bakah balance 4057/- an la nei bawk, heta tang hian a semtute lawmman la pek tur a ni ang.

Heti zat zet mai sum Group tinten kan thawkchhuak thei hi Pathian hnênah lawmthu sawi ila, kumthar lehzêl ah pawh i tang sauh sauh ang u.

NPSS Christmas Carol Service neih a ni

December ni12, zirtâwm zân khân, Gospel Centenary Hall-ah NPSS Christmas Carol Service hlim taka hman a ni a, naupang an kal tha hle. Upa H. L. Lawmzuala, Asst. Suptd NPSS-in a kaihruai a, Nl. R. Zohmingthangi, Asst. Leader Sakramen Deptt chu programme announcer a ni. Pu K. Zomuana, Sr. Deptt Leader-in thuchah tawi a sawi a ni.
Beginners Deptt.-in châng an sawi rual a, Junior atangin Recitation, Senior Deptt. atangin Solo leh Sakramen Deptt. ten lemchan tawi (Musical drama) hmuhnawm tak an entir bawk.
Chipchiar zâwka chhiar duh tân hetah, Challenger sem ruala sem tel, Central KTP atanga Chhûng tinte ngenna pawh hetah hian aw.

Decoration Sub-Comm & Marka Group hnatlâng

December ni 18, inrinni nilêngin Decoration Sub-Committee Member-te leh, Marka Group KTP member-te Biak Inah an hnatlâng a. Decoration Sub-Comm hian Krismas banner tur leh tul dang- Biak In leh a vêl cheimawina lam an khawih a. Marka Group member-te hian Biak In leh a vêl an tifai a ni. An hnathawh hmuh a nuam hle. Heti anga Biak In leh a vêla hnatlâng hi kum lo kal zêl turah pawh, Group-ten uar chho thei ila a duhawm khawp ang.

NPSS Exam dâwn

December ni 21, Pathianni chawhma hian MSSU hnuaia Naupang Sunday School (NPSS) zirlaite an ekzam dâwn a. College Veng Presby. Kohhranah Venghlui Kohhran zirtirtuten ekzam an kaihruai ang a, College Veng Kohhran-in Aizawl Kohhranah ekzam an kaihruai thung ang. Synod Inkhâwmpui 2008-in a lo rêl tawh angin, Puitling Sunday School leh NPSS zirtirtu ekzam a awm tawh lo a ni. Puitling S.S. lamah kumin chhûnga Sande Sikul (Sunday School) kaitha-te hnênah lawmman sem a ni ang.

Branch Y.M.A news thenkhat

1. December ni 16, ningani zân khân Godfrey Tower-ah College Veng Branch YMA, Section leh Committee pêng hrang hrangte sum audit a ni.
2. Dec. ni 31, Kumhlui Thlah zân hian College Veng Field-ah concert neih a ni dâwn. He hun hi Mizoram Sawrkarin Central YMA kaltlanga thalaite intihhlimna atân, ruihhlo leh halpuah tel lova hlim taka thalaiten hun kan hman theihna atâna ruahman a ni a, Branch YMA chuan sawrkar atangin Rs. 50,000/- a dawng ang. Hemi huna zai tûra biak fel tawhte chu- Maggie (MSVengthlang), Manuna (Hardray), Melody Zothansangi, P.C. Lalremruata, Mimi Lalzamliani, C. Sanga, Vanlalhlana, H. Lalthakima, Mathlenga of Durtlang, Zoramchhani & F. Vanlalhlimpuii te.

ADVANCE CHRISTMAS

December ni 13 thawhtan zanah K.T.P College Veng Br. te chuan Advance Christmas nuam leh hlimawm tak kan hmang a. He hunah hian 2010 AWARD sem a ni, dawngtu thenkhatte chu:-

MEMBER OF THE YEAR 2010 WOMEN : Nl.VL Hmangaihzuali
MEMBER OF THE YEAR 2010 MAN : Tv.C.Lalbiaktluanga

Others :
Sinsinati of the Year 2010 : Nl.PC Lalthangbiki
Common Member of the year : Tv. Lalrintluanga (Tin Tin)
Tlangval Sr. Thlamuang ber of the year : Tv.M.S. Dawngliana of manghnun
Mengtleker of the year : Pu F.Maruata
Zaipawl Hlazir regu.of the year : Nl.Laltanpuii

DECEMBER FAITH PROMISE

Nimin Pathianni tlai Inkhawmban khan December thla Faith Promise chhiar a ni a, 16,790/- hmuh a ni a, kan tlahniam em em chuang lova, Hruaitute an lawm hle. Member petu zawng zawng chungah lawmthu kan sawi a, Kum lo thar leh turah pawh tam leh zual pe turin in buatsaih theuh ang u.

Pu C.Lalrintluanga te chhung chuan an nu Pi Lalkhawthangi an sun tak avanga an khawhar hnem turin K.T.P te zanin Pathianni zan Inkhawmbanah zai turin min sawm a, zaiohona hun tha tak kan nei thei a, member tepawh kan kal tha thawkhat hle. He hun hi 2011 Br.K.T.P Asst. tur, Tv.C.Lalruatsanga'n hneh tak leh zo takin min kaihruai a ni. khua te a vawt bawk a, zan dar 10:00 ah kan bang.

AVA MAWI ZUAL ZEL EEEM ! ! !

Kan Biak In chu a nalhin a mawi zual zel e . . .
Deco.Sub-Com. te leh member engemawzat chu zan tlai khawthiang karah an hahin an rim hle, a hlawkna chu kohhran mipuiten kan tel zel dawn, an va'n fakawmin, fak an phu tak zet ani e.

BIAL ZAIPAWLTE RAWNGBAWLNA

Venghlui Pastor Bial Zaipawl-te chuan kumdanga an la tih ngai miah loh leh a vawikhatna atan, Venghlui Pastor Bial PUIPATE leh BIAL K.T.P HRUAITUTE Inah Krismas PRESENT atan an CAROL. Dec. ni 10, zirtawp zanah Aizawl Kohhran leh Venghlui Kohhrana Bial Puipate leh Bial K.T.P Hruaitute Inah an carol a, an hlim a, an carol-na te pawhin nuam an ti hle.
Ni 12, inrinni zan inkhawmbanah College Veng Kohhran huamchhunga Bial Puipate leh Bial K.T.P Hruaitute Inah hun an hmang leh a.

BIAK IN CHEI MEK

Biak In chei hnatlang neih mek a ni a, DECORATION Sub-Committee te an che vel mek a ni. Kumin Biak In cheinan Kohhran Committee chuan 20,000/- an sanctioned a, a lawmawm hle. Biak In chei hi K.T.P te kutah dah a niin, Decoration Sub-Committee te kutah dah leh niin, an ni'n hma an la chho mek a ni.

LIGHT & SOUND SUB-COMMITTEE HMALAKNA

Kumin 2010 Krismas leh Kumthar denchhenin L & S lam an che ve bawk, kan Biak In pawnlam/hmai lam METAL HA-LITE in an chhun eng ta phut mai le. He Metal ha-lite hi pakhat 6000/- vel man niin, pahnih hmanga kah a ni a, zan lamah kan Biak In pawh a hmelhmang a nalhin, a ropui sawt ta mai. Heilo pawh hi Biak In Light lamah an tang zel dawn bawk. Zanin 10/12/2010 (zirtawp) zan hian L & S hnatlang neiin, Pu F.Maruata, Pu C.Awmte-a, Pu F.Chianga leh Tv.F.Mazi-a te an hnatlang a, heti ang hian alo eng thei ta a ni.

JOINT-in GROUP ZAIHO

08/12/2010(nilai) zan Inkhawm banah Group tinte huaihawtin, Biak In Compound, Gate bulah Krismas hla sakho a ni a, ei leh in kan hnianghnarin, kan tlai hlawm khawp mai. He Programme hi ruahman ang chuan College Veng Field, Volley Ball court-a hman tum ani a, amaherawhchu, khua-in min bumro tak avangin Biak In Compound-ah hman ani ta zawk. Member 70 vel kan kal a, Pavalai engemawzatin min telpuiin, min fatu sak bawk a, an chungah kan lawm hle ani. Krismas hla sain kan tui tlang hle a, zan dar 11:00 velah kan bang a, 20/12/2010(mon) zana Presbyterian Hospital, Durtlang-a Damlo harsa zualte puala Christmas Carol neih tura ruahman chu kan chak tlang tawh hle. he Carol ah hian PAVALAI te min rawn telpui turin Branch KTP chuan a sawm a, an phurin kan phur tlang hle.

GUITER THAR LEI ANI

Branch K.T.P chuan Acoustic / hollow guiter (Pluto) tha zet mai, Tuner leh EQ awm chu Rs.7,500/- man kan lei thar a, a lawmawm hle. Kan guiter hlui 2 leh Bass Guiter chu 13/12/2010(mon) zan Advance Christmas kan hman zanah LILAM tura ruahman a ni bawk. He kan Guiter thar hi 4/12/2010(Inrinni) khan Br. Asst.Leader Pu F.Lalremruata, Secy. Pu Lalthangvunga en Pu Ma-Thazova sawmin an han lei a, Pu Ma-Thazova chungah kan lawm hle bawk.

DAN CHHUNGAH LAWMLUT

Dec. ni 8, 2010(nilai) zanah College Veng Presbyterian Kohhran-a Sacrament Zirlai 37 techu Bialtu Pastor Rev.C.Sangliana’n Kohhran Dan chhungah a lalut. Kohhran Dan chhunga lakluh tharte pual hian Lalpa Zanriah Sacrament kilho ani bawk, Kohhran Zaipawlte an zai bawk. Dan chhung lak luh techu :
Sl. No. Hming Pian hun Pa/Nu Hming
1. Lal\hakimi 23.2.96 Upa Lalmanliana
2. K. Vanlalhriata 10.3.95 K. Vanlalkima
3. C. Lalhmangaiha 3.6.95 C. Biaklala
4. Liansangzuala 22.12.95 Zahmingliana
5. VL Hmangaihzuali 31.3.96 Lalrozama
6. Laltleipuii 29.12.95 CL Ramdinthara
7. Pricilla Hmangaihsangzeli 19.10.96 R. Lalrinawma

SUNNA

08/12/2010 (NILAI) zing dar 2:00 khan Tv.Enosa Lalhriatkima (24) s/o Pi Thangliani, K.Section chu Thawhah avangin a boral. College Veng thlanmualah vuiliam a ni. An mahni hi I.K.K Kohhran an ni.

Tukin 09/12/2010(ninga) zing dar 9:20 khan Pi Lalkhawthangi(81) m/o Pu C.Lalrintluanga chu Awmlaiin an chenna Inah a boral, vawiin hian Vuiliam nghal a ni ang.
Mitthi/khawhar chhungte kan tawrhpuiin, Pathian awmpuina an chan theihnan i tawngtaipui ang u.

Sacrament Department ten Camping nei

Ningani chawhnu dar 3:30 atanga Inrinni chawhma thleng khan Sacrament Department chuan Camping an nei a, hetah hian campers mipa 25 leh hmeichhia 13, an vaiin mi 38 an lût.
Camping-ah hian Upa Ngurthantluanga chu speaker-a hman a ni a, ani hi a team mi 5 ten an rawn zui a, riakin an rawn thawk lût a ni.

Sacrament Department hi Department pawimawh tak a ni a, naupangte dan chhunga lût tura buatsaihna hmun a nih avangin Synod pawhin a ngai pawimawh hle a. Camping neih pawh hi zirlai buin a sawi lan avangin veng hrang hranga Sacrament Department te pawhin an nei kumtin thin. Hei bakah hian Sacrament Department te hi Synod hmun pawimawhte fanpui theih nise, tiin zirlai bu chuan a rawt a. Kan Kohhran Sacrament Dept. te pawh hian kumtinin Synod hmun pawimawhte fangin an chhuak thin a, kuminah erawh chuan hun a awm tak loh avangin Synod hmunte hi fanpui an ni ta lo.

2011 Branch Hruaitute

Branch Committee-in ruahmanna a lo siam tawh angin, December ni 6 thawhtan zan inkhawmah kum 2011 chhunga KTP College Veng Branch hruaitu tur- Office Bearers thlan a ni a. Kohhran Upa thlana inthlangin, mi 6 thlan chhuahte chu inthlanpuitute leh Ex-Officio member- Pu F. Lalremruata (KTP Venghlui Pastor Bial Leader) nen heti ang hian chanvo insiamrem nghal a ni:-

Leader: Tv. R. Lalhmunsanga
Assistant Leader: T/Upa T.L. Haungura
Secretary: Pu Lalthangvunga Sailo
Assistant Secretary: Tv. C. Lalruatsanga
Treasurer: Pu F. Lalhmuchianga
Finance Secretary: Pu C. Lalrinawma
Member 91 (sawmkua leh pakhat)-in an thlang a, inkhawm hi an tha vaklo a ni. Inthlanpuitute hi R.O.-ah Upa Chawngthanthuama (Kohhran aiawha KTP-a tel), P.O-ah Upa Kapmawia leh T/Upa H. Rosema te an ni.

2011 BRANCH K.T.P HRUAITU THLAN

Zanin 6/12/2011 (mon) zan hian nakum 2011 Branch K.T.P Office Bearers turte thlan tur a ni a, Nominate awm lovin mi 6 thlanchhuah tawp tur a ni ang. R.O ah Upa Chawngthanthuama a ni anga, P.O ah Upa K.Sangthuama leh T.Upa H.Rosema te an ni ang.
Inkhawmbanah Inthlanpuitu tenen Chanvo tur in siamrem nghal a ni ang.

2011 KOHHRAN HMEICHHE HRUAITU

Nimin Sunday School banah 2011 Kohhran Hmeichhe Hruaitu tur mi 30 thlanchhuah an ni a, heng 30 thlanchhuah tehian nizan inkhawmban khan chanvo hetiang hian an in siam rem nghal :
Chairman : Nl.Lalthantluangi
Vice Chairman : Pi Lalthangi
Secretary : Pi Lamchhingi
Asst.Secretary : Pi Zozaihmingi
Treasurer : Pi H.Lalengzami
Fin.Secretary : Nl.Hmingthansangi

SACRAMENT ZIRLAITE CAMP NEI MEK

SACRAMENT Department Zirlaite Upa C.Ngurthantluanga Speaker hovin Camp neih mek a ni a,Speaker hian member 6 neiin, an riah chilh bawk ani. Naupang hi 38 an lut thei a, naktuk Inrinni ah an chhuak ang. Inrinni zan hian Upa C.Ngurthantluanga'n kan Kohhranah thu a sawi nghal ang.

SACRAMENT ZIRLAITE CAMP NEI DAWN

Kumin 2010 College Veng Presby. Kohhran-a Sacrament Zirlai 42 techuan Exam tha taka pass in 8/12/2010(nilai) zanah Kohhran Dan chhunga lakluh tura ruahmanna siam a ni. Anni ho hi tunkar December ni 2 - ni 4 chhung hian Upa C.Ngurthantluanga Speaker-a hmangin CAMP an nei dawn.

Variety Programme

Nizan, (Thawhtan zan) khan Variety Programme hman a ni a. He huna Group inkhawm tam ber hnenah Rs. 500 hlan niin, Marka Group te 36 inkhawmin inkhawm tam ber lawmman hi an la.

Variety Programme hi T/Upa TL Haungura'n a hruai a. A hruaitu a khat liam bawka inkhawm a nuam hle a. Matthaia Group Male Voice te class taka zaiin, music genre thar kan ngaithla a. Tv. Benjamin-a a solo a, Nl. Saizamrengi thiam takin a zai bawk. Nl. Saizamrengi zai hian inkhawm hruaitu lunghlui a tileng hle a, hun kal tawha a hmeichhe tawn tawhte a hriat chhuahtir.

I tawngtaipui ang

Kan member pui Tv.Lalhmangaiha, Tv.Zohmingthanga leh Tv.JH Lalchhanhima te chuan Rehobob centre, Sihhmui-ah rawngbawlna an nei mek a. Tin Tv.Lalthlamuana (Krista Thupuangtu team) chu Pawlrang-ah rawngbawlna nei in a thang mek bawk, heng kan member pui rawngbawlna nei a chhuak te hi i tawngtaipui ang u.

BUHFAITHAM CENTENARY

Buhfaitham Centenary lawmna chu tluang takin neih a ni. 26/11/2010 (zirtawpni) khan nilengin, Chawhma lamah Biak Inah hun hman a ni a, chawhnu lamah Gospel Centenary Hall ah Variety Programme-a hun hman a ni. Tlai lamah Centenary Ruai ropui taka theh a ni a, heng Ruai tehi Pavalai lamin an buaipui. Tin, Biak In, Hall leh Pawn lama Banner te K.T.P ten an buaipui bawk a. He Ruai hi mi 400 chuang zetin an kil thei a ni.

FAITH PROMISE

November, 2010 Faith Promise chhiar a ni a, Rs.17436 hmuh a ni. hma kan sawn hle a, a lawmawm tak zet a ni. Petu hi member 459 kan ni a, 80.38% a ni.

Kohhran Hmeichhe Ni & Buhfaitham Centenary

Zirtawpni hian Kohhran Hmeichhiate chuan Kohhran Hmeichhe Ni leh Buhfaitham kum za tlin lawmna an nei dawn a. He hun hi nilenga hmangin tlaiah zanriah kilho a ni ang.

Chawhmain Inkhawmna neih a ni ang a, hetah hian Buhfaitham chanchin leh Report Pi Lamchhingi, Secretary, College Veng Kohhran Hmeichhiain a pe ang a, lawmthu sawi tawngtai rual neih a ni bawk ang. Chawhnuah Variety Programme-a hun hman a ni ang.

Buhfaitham hi Mission Veng Kohhran nuho tihchhuah niin, a tir chuan Mission Veng Biak In sakna atana sum tuak nana hman a ni a. Biak In sak zawh a nih hian missionary chawmnana tham zui a ni a, tunah chuan ram pum huapa Kohhran Hmeichhiate rawngbawlna pawimawh tak niin, Synod sum hnar pawimawh berte zinga mi a ni tawh a ni.

Ruihtheih thil Awareness Campaign

Tun Pathianni khan Gospel Centenary Hall-ah Intermediate atanga Senior Dept. naupangte pualin Ruihtheih Thil Awareness Campaign neih a ni.

Awareness Campaign hi Central KTP-in Branch tinte Sunday School Committee nena inrawn chunga nei tura a ruahman a ni a. He hun hi Tv. R. Lalhmunsanga, Leader, Branch KTP-in a kaihruai a, Nl. VL Hmangaihzuali, Branch Committee member-in a tan a, Nl. C. Lalbiaksiami, Branch Committee-in hemi huna chhiar chhuah tura Central KTP buatsaih, Dr. C. Lalhrekima ziak a chiar chhuak. Sunday School zirlaite hi ruihtheih thil chi hrang hrang leh mihring taksa tana an hlauhawm theih dante zirtir an ni.

Banner Sponsor theih

Central KTP-in Krismas leh Kumthar vuakveta boruak thianghlim zawk a awm theih nana mipui rilru kaihruai thei tur banner Branch tinte tar tura a tihah, kan Branch huam chhungah pawh tar a ni dawn a. Mahni chhungte thi tawh emaw, hriatrengna tur lam leh a duh apiang tan banner hi sponsor theih a ni a. November thla chhungin sponsor duhte chuan Branch Secretary Pu Lalthangvunga Sailo hnenah inhriattir tur a ni ang.

LAWMPUINA

Kan member Nl.C.Lalnunsiami leh Tv.Isak te unau chuan MCS Written ah an in ziak tling a, kan va lawmpui tak em. Hetiang kan Br. K.T.P Member an awm hi kan chhuang hle a. An Interview hmachhawn tur atan i tawngtaipui ang u.

SUNNA

Tv.Rodintluanga (24) Pu Lalawia(L) Inhnuai luah (Hmawngkai) chu tukin Inrinni, 20/11/2010 (9:30) khan Aizawl Civil Hospital ah Lung natna avangin a boral. Mitthi / Khawhar chhungkua kan tawrhpui tak zet a, an chhungkaw tan i tawngtai ang u.
Amah hi kan Branch K.T.P ah Marka Group Member a ni.

Hmanlai zan video

Hmanlai Zan video kha peihfel a ni tawh a. Puan tawhnaah khan CD pakhat Rs. 30 man tur tih a ni amaherawhchu DVD-a siam a nih leh si avangin Rs. 40-a nih leh a ngai a, member-te hriatthiamna ngen a ni. Vawiin Fellowship banah Pu F. Lalhmuchianga, Fin. Secretary hnen atangin lei theih a ni. Thiante ta copy leh write mai lovin KTP taka lei hram i tum ang u.

Branch Committe thuchhuak

Branch Committee vawi 14-na chu Ningani zan khan thut a ni a, hengte hi rel a ni.
1. Krismas leh Kumthar vuakveta boruak thianghlim zawk a awm theih nana Kohhran chhungtin hnena thuziak sem tur CKTP-in a buatsaih chu Challenger semtute semtir tura tih a ni. Banner emaw poster emaw tar tur ngenna pawh tihhlawhtlin tur a ni a. Banner hi Sponsor duh tan sponsor theih a ni a, sponsor duh chuan Secretary hnenah November thla chhungin inhriattir tur a ni.
December 13 hian Advance Christmas hman a ni ang a, hetah hian Gift Exchange awm lovin, Presbyterian Hospital-a damlo harsa zualte tanpuina turin thilpek lakkhawm a ni ang. December 20 hian inkhawm banah Carol neih tur a ni ang a, heta sum hmuhte tanpui nan hian hman bawk tur a ni.
Biak In chei nan Kohhran chuan Rs. 15,000 a dah a, Biak in chei hi Decoration Sub-Committee kutah dah a ni.
2. Group leh Challenger sum te December 19, tlai dar 3-ah audit tur a ni ang a, auditor atan Treasurer leh Fin. Secretary te ruat an ni.
3. Kohhran Hmeichhe Ni leh Buhfaitham Centenary lawmna, November 26, Zirtawpnia neih turah Kohhran Hmeichhiate chuan Branch Committee member-te lawmpuia telpui tura min sawmna tihhlawhtlin ngei nise. Committee member a thei theite telpui a, tlaia chawhlui an buatsaih tur pawh kil ngei tura inhrilh a ni.
Buhfaitham Centenary lawmna puala Banner siam tura KTP min ngenna chu tihhlawhtlin nise tih a ni a, hma lo la turin Pu F. Lalremruata, Asst. Leader leh Tv. Rochungnunga te ruat an ni.
4. December 6, Thawhtanni zan hian kum 2011 chhunga KTP College Veng Branch hruaitu thar thlanna neih a ni ang a. Returning Officer tur hi Upa Chawngthanthuama niin, Polling Officer turin Upa Kapmawia leh T/Upa H. Rosema te an ni ang.
5. Kristian Thalai chanchinbu kumthar atana la turte Faith Promise bial theuhah Committee member ten zawh tur a ni a, December thla chhunga tihfel tur a ni ang. Lak man hi kum khatah Rs. 50 a ni a, pek lawk tur a ni ang a, Nl. K. Lalruatkimi hnenah thehluh tur a ni ang.
6. Member Inpekna Form sem a ni leh dawn a, December 12 aia tlai lovah thehluh tur a ni.
7. December 28 tlai dar 4 hian Pu F. Lalremruata, kan hruaitu kal chhuak tur te inah Branch Kumtawp Committee neih tur a ni ang.

SUNNA

Tv.PC Hranghnuna b/o PC Lalruma chuan 17/11/2010(nilai) 4:30Pm ah Thisen Sang avangin min boralsan ta. Lumen a nih hnuin, 18/11/2010 (ninga) 12:00 Noon ah College Veng Thlanmualah Vui a ni ang. Mitthi / khawhar chhungte kan tawrhpuiin, Pathianin awmpuiin, kaihruai zel se kan ti a, i tawngtaipui ang u.
Amah hi midang tetana hnawksaklo, mi inthlahrung thin tak leh midangte tana a neih ui miahlo leh midangte tanpui nasa thin tak a ni.

Sunday School Chawimawinate

1. Diploma : Kum 25 chhung kum hloh lova Zirtirtu tang zawnte hnenah Chawimawina Diploma Certificate leh Bible pek thin a ni ang.
   
2. Jubilee Award : Kum 50 chhung kum hloh lova Zirtirtu tang zawnte hnenah Certificate (frame siamsa) leh Bible pek thin a ni ang.
   
3. Pi Zaii Medal : Kum 10 chhung kai kim zawnte hnenah he Tangkapui hi Certificate nen pek a ni ang.
   
4. Pi Zaii Medal Special : Kum 15 chhung kai kim zawnte hnenah he Tangkapui hi Certificate nen pek a ni ang.
   
5. Zalawra Medal : Kum 5 chhung MSSU Pathian Thu Exam-naa lawmman la zawnte hnenah he Tangkapui hi Certificate nen pek thin a ni ang.
   
6. Zalawra Medal Special : Kum 10 chhung MSSU Pathian Thu Exam-naa lawmman la zawnte hnenah he Tangkapui hi Certificate nen pek a ni ang.
   
   Kai kim chhiar dan chhiar dan

• Tualchhung Sunday School-a kum khat chhunga Sunday School neih zawng zawnga kai kim tihna a ni.
• Inkhawmpui leh Kohhran pawimawha hmun danga inkhawmte, zinna khaw danga Sunday School-a kaite chu kai kimah chhiar tur a ni lo.
• Khaw danga pem emaw, insawn emawte chuan an awmna hmasaa an kai tawh chu an chhawm thei ang a, an awmna hmasaa Kohhran Sunday School Secretary hnen atangin lehkha an nei tur a ni.

Kohhran sum