College Veng Kohhran Hmeichhia te chuan June ni 30, nilaini (Remna Ni) nilêng khân Junior Department Hall-ah Bible study an nei a, mi 90 an kal. Bible study hi Bialtu Pastor C. Sanglianan a neihpui a, thupui pahnih- Ephesi 5:15-33 leh Ephesi 6:1-9 an zir a ni. Bible zir hi hun hnih- chawhma (10:30 to 12:30) leh chawhnu (1:00-3:00)-ah then a ni. Kohhran Hmeichhe Committee a Kohhran aiawha tel, Venghlui Pastor Bial Chairman ni bawk, Upa F. Zakhuman a hmanpui a ni.
Wednesday, June 30, 2010
College Veng atanga Graduate tharte
June ni 30, nilaini tlaiah Mizoram University chuan B.Sc./B.A./B.Com result a tichhuak a. Kan member mi engemawzât an hlawhtling a, kan lawmpui takzet a ni. Kan vêng atanga graduate thar hriat theih chin te:-
Sl.No. Hming Div. Subj.
1. Hmingthangziki Dochhil - I (Gold Medalist) - Botany
d/o Lalchuailova
KUM CHANVE SUM AUDIT
June ni 30, nilaini chhûnah Kohhran Committee room-ah Kohhranpui leh Sub-Committee pêng dangte sum audit a ni a. Auditor te chu Pu R. Zapliana (Leader), Pu C.Chawnghnûna, Pu K. Zomuana leh Pu Malsawma Chhangte te an ni. Sum-te hi felfai taka vawn a nih thu kan dawng. Audit report chu heti ang hi a ni:-
Tuesday, June 29, 2010
BRANCH NEWS
- Sunna: Kan member Johana Group a mi, Pu Zochhuanmawia (K-27), Upa Bial 7-na chu June ni 26 zân dâr 7:05 khân thin cancer avângin chatuan ram min pansan. A nupui- Biaknunsangi leh a fa pahnih (k-5 & K-2 ) a kalsan a ni. Inrinni zân hian tlaivâr pui a ni a, Pathianni chhûnah Upa F.Zakhuman a vui a ni. Kan tuarpui takzet a ni.
- Synod Bookroom thawktuten August ni 16, thawhtan zân khian hun an rawn hmang dâwn a. Lehkhabu tha chhiar chungchâng an sawi dâwn bâkah, Bookroom lehkhabu engemawzât an rawn keng dâwn a. Lehkhabute hi 10% discount vek a ni ang. Tûn atangin lo intuak ila, hlâwkpui ngei i tum ang u.
Monday, June 28, 2010
LAWRKHAWM
(1) Central KTP in Central YMA tanpui: June 22 khan Kristian Thalai Pawl Central Committee chuan Central YMA hnuaia ruihhlo do pawl, Central Anti-Drugs Squad hmalak zel nan Rs. 10,000/- an hlan. CKTP Leader Rev. K. Lalpiangtharan CYMA President Pu Lalchungnunga hnenah pawisa hi a hlan a ni. Central YMA hian Kumpuana a neih ‘Khawtlang Nun Siamthat’ tih an hman meka hmalakna pui ber pakhat chu ‘Ruihhlo Do’ hi a ni a, Central Anti-Drugs Squad hi din chhoh a ni ta a ni. May 29 atanga ruihhlo an man tawh zawng zawng hlut zawng chu Rs. 12,42,525/- lai a tling a ni.
(2) Liangkhaia Lehkhabu tlangzarh: June 23 khan Synod Senior Executive Secretary Rev. Vanlalzuatan Rev. Liangkhaia (L) lehkhabu “Kohhran Siamthatna Bul” a tlangzarh. Lehkhabu tlangzarh inkhawm hi Pastor Liangkhaia (L) kum 125-na tlin (Quasquicentennial Jubilee) champha lawmna kal zel puala buatsaih a ni.
(3) Paula leh Petera lem ziak hmu chhuak: Vatican khawpui hnuai zawna Rom lalram hunlaia Kristian hmasate birûkna hmun pûk, Catacomb an tih chhunga hmun pakhatah Paula leh Petera te lem an ziak hmuhchhuah thar a nih thu Italian archeologist te chuan Thawhlehni khan an sawi a. Paula leh Petera lemziak hi an pahniha lem ziak an hmuhchhuah tawha upa ber nia ngaih a ni a, kum zabi 4-na laihawl vela ziak nia hriat a ni. Milem tak hi Sodium carbonate-in a hliah khuh a, cheithat a ngai hle a, Vatican chuan cheithat nan Euro 70,000 a pe.
(2) Liangkhaia Lehkhabu tlangzarh: June 23 khan Synod Senior Executive Secretary Rev. Vanlalzuatan Rev. Liangkhaia (L) lehkhabu “Kohhran Siamthatna Bul” a tlangzarh. Lehkhabu tlangzarh inkhawm hi Pastor Liangkhaia (L) kum 125-na tlin (Quasquicentennial Jubilee) champha lawmna kal zel puala buatsaih a ni.
(3) Paula leh Petera lem ziak hmu chhuak: Vatican khawpui hnuai zawna Rom lalram hunlaia Kristian hmasate birûkna hmun pûk, Catacomb an tih chhunga hmun pakhatah Paula leh Petera te lem an ziak hmuhchhuah thar a nih thu Italian archeologist te chuan Thawhlehni khan an sawi a. Paula leh Petera lemziak hi an pahniha lem ziak an hmuhchhuah tawha upa ber nia ngaih a ni a, kum zabi 4-na laihawl vela ziak nia hriat a ni. Milem tak hi Sodium carbonate-in a hliah khuh a, cheithat a ngai hle a, Vatican chuan cheithat nan Euro 70,000 a pe.
Central KTP Programme hmang
KTP General Conference-in a lo rêl tawh angin, KTP Central Comm.Member-ten khawpui chhûng Branch an tlawh mêkah, June ni 21 zânah Central KTP Comm.Member Pu H. Liantluanga (Chhinga Veng Branch) chuan kan branch a rawn tlawh a. Pu Lalnunsiama (Chhinga Veng Bial & Chhinga Veng Br. Treasurer) leh Tv. Chawngthansanga (Chhinga VT Leader, Chhinga Veng Bial Asst.Secy) ten an rawn tawiawm. Inkhawm hi mi 174 kan ni.
Branch Committee vawi 9-na neih a ni
Kristian Thalai Pawl College Veng Branch Committee vawi 9-na chu, June ni 17 ningani zânah Kohhran Committee Room-ah neih a ni a. Member 22 kalin, Kohhran aiawh chiah a tel thei lo a ni. Committee chuan Tual Upa (Kohhran Comm. Member) atâna Branch Treasurer T.L. Haungura thlan tlin a ni chu lâwmawm a ti hlê.
Thurel thenkhat te:-
(1) Half-Year Meet inbuatsaihna: July ni 17 & 18-a KTP Venghlui Pastor Bial Half-Year Meet kan thlen tûra chanvo hrang hrang neite hmalâkna report thlîrho a ni a. Hmei puala Budget-a kan dah, Rs. 20,000/- chuan a daih tûrah Comm.chuan a ngai. Refreshment min buaipuisak tûrin Kohhran Hmeichhe lam sâwm rêl a ni a, July ni 17 inrinni chhûna seminar neih tûrah tuihnai deuh hlek siam remtih a ni.
(2) Bawngkawn Br. nên Jt. Service: Kan sâwm angin, Bawngkawn Br.chuan Jt. Service neih an remti a, a hunah July ni 5, 2010 ruat a ni.
Thurel thenkhat te:-
(1) Half-Year Meet inbuatsaihna: July ni 17 & 18-a KTP Venghlui Pastor Bial Half-Year Meet kan thlen tûra chanvo hrang hrang neite hmalâkna report thlîrho a ni a. Hmei puala Budget-a kan dah, Rs. 20,000/- chuan a daih tûrah Comm.chuan a ngai. Refreshment min buaipuisak tûrin Kohhran Hmeichhe lam sâwm rêl a ni a, July ni 17 inrinni chhûna seminar neih tûrah tuihnai deuh hlek siam remtih a ni.
(2) Bawngkawn Br. nên Jt. Service: Kan sâwm angin, Bawngkawn Br.chuan Jt. Service neih an remti a, a hunah July ni 5, 2010 ruat a ni.
Subscribe to:
Posts (Atom)