Hmanlai Zan leh Sports RESULT

Zanin chu’h han ti phawt ila, August ni 14 atanga October ni 25 chhung-a kan Branch Sports neih chu kan zo fel ta a. Kan Sports neih hun chhung hi ni 73 ani.Field-ah vawi 4 Sports hi neih a ni a. Kan veng Field-ah vawi 2 leh, P U C Field-ah vawi 2 neih a ni a. Sports chhunga member-te phurna leh tawiawm thatnaah hruaitute an lawm hle a, Sports chhunga Sports tithuanawp thei thil veng chhunga a thleng lo a, a lawmawm hle. Hei bakah hian Sports hi KTP Fellowship-ah leh Thawhtan zan inkhawmahte chhunzawma neih thin a ni a. Sports lai hi Beihrual thla a tlak avangin a rei phah ta a ni.
Zanin hian Sports kharna hi ropui taka neih tum a ni a. Hemi zan hi Hmanlai Zana hman a ni dawn a. He hunah hian a thing thei ang bera inchei tur a ni ang. Hmanlai Mizo thuam mai bakah, 60s/70s/80s Fashion leh thawmhnaw thing leh, inchei dan thing thei anga kan hriat hmanga inchei tur a ni a. Hetianga inchei duh lo tan pawh thawmhnaw pangngai inbel theih tho a ni a, inthlahrun tur a ni lo ang.
Sports-a lawmman thenkhat hi mi thahnemngaiten min tumsak dawn a. Group Champion, Quiz leh Debate-a lawmmante hi Pi F. Sanglûti te chhungin min tumsak dawn a. Photo Competition - Digital leh Mobile-a lawmmante hi Nl. Zohmingthangi’n a tum ang a, Strongest Man lawmman hi Nl. Lalchansangi’n a tum ang. Article Inziaksiaka lawmman hi Nl. C. Lalbiaksiami’n a tum dawn a, Short Play Lawmman hi Pu Lalhriatrenga, Nl. VL Hmangaihzuali leh Tv. Rochungnunga ten an tum dawn bawk. Heng mite chungah hian Branch KTP chu a lawm tak meuh meuh a ni.
Sports khârna hunah hian Thingpui Sen hang bakah, Buhban leh Kurtai sem a ni dawn a. Heta sem tur Buhban hi Nl. Lalchansangi’n a tum dawn a, Kurtai Nl. H. Lalthanpari’n a tum dawn a, an chungah Branch chu a lawm tak meuh meuh bawk.
Zanin meuh zawng, harsatna engemaw vang leh hmundanga awm avanga kan Programme-a telve chak tak tak an tam mai. han telkim vek thei ila aw ! ! tih rilru put phei chuan, a lungchhiat thlak lek lek zawng ani. Kan sawi tawh angin, kan Secy. MAL VAR tak kan hmu ngei dawn e. Tv.Lurtea pawh a inpuahchah hle an ti, a Pa’n a Nu a chhailai-a a thawmhnaw rawn inbel chhuah a tum anti, ilo thlir ang u. Kan nula te lam pawh hmuh an chakawm tawh khawp mai, Nl.C.Sangpui’n ‘SIAPSUAP nen’ ati an ti bawk Chutiang zelin, Tv.Pui Pui’an Tv.Khawlthianga Tlangval lai Coat a dil char char an ti. Tin, heti anih mek lai hian Nl.RDI, Nl. Rebeki, Nl. B.Puii, Nl.B.Parzuali(c/o Draat-a) te pawh an thian ten sawmin, inchei danglam chuang lovin, an nih ang ang kha a thing tawk viau turah an ngai bawk. Tin, tunkar kalta chhung khan Tv.RL.CH.T.A chuan Inleng a ngah thei hle an ti a, a chhan an han chhui chian chuan zanina hak turin a thawmhnaw dil College Veng Tlangval an tam thei lutuk a ni awm e. Chulo rengah, Tv.MZ Tochhawng pawhin a Pu Sadhu Sandar Singh-a Coat leh a Nute Maseni VAWTHLEP ruk chhuah a tum bawk niin kan lo hria.(thei tak ang maw ?)
Engpawhnise, naktuk thawhlehni-ah chuan kan Blogspot thlalak bawmah “HMANLAI ZAN” folder siam hran ngatah, kan thlalak te lo beisei phawt rawh. Tin, hemi zan Programme bik hi Video-a Cover tura ruahman a ni bawk. Heng Video tehi CD pakhat zel 30/- a lei theih dawn bawk. I duh chuan Pu F.Chianga, Fin.Secy. hnenah Order nghal rawh.

SPORTS LAWMMAWN SEM ZAN

Kan hriat tawh angin, karleh November ni 1, 2010 (thawhtan) zan hian Gospel Centenary Hall-ah kumin, 2010 K.T.P SPORTS chu lawmman sem leh Result puan a ni dawn ta. Hemi zana INCHEI dan tur leh a tul ang chu kan hre tawh a, a thring leh zo zawng inchei anih bakah aZO thei ang berin REFRESHMENT lam pawh kan in SERVE dawn anih hmel.
Hemi zana kan ZO REFRESHMENT tur hi a ZO triah triah viau dawn a, BUHBAN chhum Nl.Lalchansangi'n (9436146243) Inkhawm zawng zawng tan min Sponsor sak dawn, chu pawh CHANGEL hnah ngatin min hlui a tum bawk. Chumai ala nilo, a hmeh pawlh tur atana kan Pipu tepaw'n tel ngei ngei tura an ngaih, KURTAI chu Nl.Lalthanpari'n (9862913531) min Sponsor ve dawn bawk nia (Mahni awm hmun theuhah kut i beng dur dur ang u).

Hmun danga kan member awmte kan awhfik miahlo chungin, kan in anglo deuh dawn chu ani. An No. kan han tarlan ah hian lawmthu tepawh min lo sawipui ve ula kan va'n duh em.
Incheina lamah, kan Branch Secretary Pu Vunga Sailo paw'n ZOPA takin Puan Ven a tum, amaherawhchu a mal var lutuk a show tak tak ngam angem ? tih chu Memberten an in rinsiak huai huai rih ani.

MASIHI SANGATI

Masihi Sangati : Kan Kohhran Masihi Sangati chuan October ni 23(Inrinni) khan Mission Board hmalakna leh Media Ministry kal tlangin Music Video kan Kohhran Biak In leh PUC Campus-ah Shooting an nei. Local Channel - Zonet, LPS leh Acenet ah te tih chhuah thin tura buatsaih a ni.
24/10/2010 (Pathianni) zan khan Aizawl West Area Meet, Vaivakawn Kohhran Biak Ina neihah zaia rawngbâwlna nei tura sawm anih angin tih hlawhtlin a ni a. Sum leh paia an mamawh ang zawng zawng Kohhran Committee-in a tumsak a, an lâwm hle. Nov. 20 leh 21 hian Aizawl East Area Meet, Venghnuai Kohhranah neih a ni leh dawn a, hetah pawh hian zaia rawngbawl tura sawm an ni a, tihlawhtling turin an inpuahchah mêk bawk.

AMC INTHLAN INBUATSAIHNA

26/10/2010 (thawhleh) zan dar 7:00 hian College Veng Presby. Kohhran Sunday School Hall-ah tun Aizawl Municipal Council (A.M.C) Inthlan, November ni 3-a neih tur inbuatsaihnan Candidate tetan Joint Platform buatsaih a ni dawn. Keini hi Ward No-XVI kan ni a, Candidate-te - C. Lalsawivunga (MPC&MNF) leh R. Vanlaltluanga (ZNP&INC) ten hun an hmang ang. He hunah hian a tul anga a hmunhma buatsaih, Light & Sound, Reception & Ushering te K.T.P te kuta dah anih angin hma lak ani. Inthlan hlawhtling taka kan neih theihnan tan la tlangin tawngtaina-ah tepawh i hre tlang ang u. Tin, he Programme hi Zonet leh LPS ten kan Ward huam chhungah LIVE in a pechhuak dawn bawk a ni.

SPORTS ZO FEL

25/10/2010(thawhtan) zanah kan Branch K.T.P SPORT chu zawhfel a ni a, he Programme hi Pu C.Lalrinawma, Secy. Sport Sub-Committee in kaihruaiin, Hmeichhe Vawmbur leh Quiz-a inelna neih a ni. Member 107 kan inkhawm a, kan hlimtlang hle. He kan Quiz inelna neih hi kan Branch Asst. Leader-in rawn buatsaihin, kan Branch in kan neih loh thilte hman a ngaih avangin heng mite chungah hian lawmthu kan sawi e : 1) Zirtiri college ten an Projector min hawhtira, kan va lawm em ! ! 2) Pu C.lalremruata’n a Laptop min hawhtir a, kan va lawm em. Tin, Committee chuan kumin quiz chu a hlimawm zawnga neih nise a tih angin, Thlalak leh Video chi hrang hrang te phochhuah a ni a, kan Quiz tan tirha kan hmuh angin, mizo takin ‘CHAWNGKHUM DAN TLANG HUATLOH’ anih kha. Kan va’n hlimin kan va’n chi-aiin kan va’n sahal teh reng em. Hmundanga kan member awmte kan va hlep tehreng em ! Hei mah mah LEI . . .

Kan hriat angin kumin hi kan Branch kum 32-na a ni a, kan Sport chhung pawh a rei hle a, chutih rualin, member ten programme zawng zawngah thahnemngai taka kan tel thin avangin Hruaitute pawh an lawm hle a ni.

He kan Sport hi karleh 01/11/2010(thawhtan) zanah a kharna hun leh Lawmman sem leh Result puanna hun man tur a ni a, hemi zan hian kan hriat tawh angin, Fashion kan Rewind anga, member inkhawm zawng zawngte a ZO zawngin emaw, a thing zawngin emaw inchei vek tura beisei leh ngen kan ni.
He Sports kharna ah hian a Zo leh thing zawnga kan incheilo anih pawhin memberte a tam thei ang ber inkhawm tura ngen kan ni a, incheina lam kha chu in tihluihna ani chuanglo. Mipa leh Hmeichhe inchei nalh / thing / zo ber thlan a ni ang. Hruaitu leh member tamtak ten incheina tur buaiin an sahal-in, an chi-ai tawh hle bawk.

DIPLOMA DAWNG

Kan Kohhran atangin mi panga (5) ten Sunday School chawimawina sang, Diploma an dawng a, chung mite chu:
Hming Thawh hun chhung
Upa F. Zakhuma kum 32
Upa Romawia kum 31
Upa Chawngthan\huama kum 32 chuang
Pu H. Lalzawmliana kum 31 chuang
Tv. RL Chhuanthanga kum 29 chuang

Hetianga kum tamtak bahlah miah lova Lalpa rawng an bawl thei hi kan lawmpui e.

BLOOD DONATION

Branch Day denchhen in Inrinni, October ni 23, 2010 khan Presbyterian Hospital tan Gospel Centenary Hall-ah thisen pek a ni a, mipa 32 leh hmeichhia 5, a vaiin mi 37 ten thisen an pe a, thisen petute chungah hruaitute an lâwm hle. Thisen pek hma hian Mizoram State AIDS Control Society chuan Blood Donors’ Motivation Campaign an rawn hmang a, he hun hi Nl.Lalhmingliani, Quality Manager in hun a rawn hmangin, kan hlâwkpui hle a, Cheng sanghnih kan hlawh bawk.

SPORTs HMAWR BAWK DAWN HNAI

KTP SPORT, 2010 chu kan hriat angin 14/08/2010 atangin kan nei anih kha. Kan beirei ta hle mai a, tunah chuan a hmawr kan bawk dawn tan ta. 25/10/2010(thawhtan) zan hian QUIZ-a in elna neih a ni anga, kan ITEM in elna chu kan zo thawkhat dawn ta a ni. Min kaihruaitu Pathian hnenah lawmthu kan sawi ani.
A kharna lampang vethung - Kan Sport khar hun atan 01/11/2010(thawhtan) zan ruat ani a, hemi zan hian Result puan leh Lawmman sem a ni ang. He Kharna Inkhawm hi Pu F.Lalremruata, Chairman, Sport Sub-committee in min kaihruai anga, Nl.PC Lalthangbiki'n Tanna hun a hmang ang. Hemi zan bik hi member tamtak tepawn an lo chak em em thin, mizo deuh leh thing deuha inchei tura ruahman a ni a, kan theih ang tawka zo emaw thing emaw a inchei turin kan in ngen ani. A nuam dawnin a chakawm tawh khawp mai a, a hming tur ber pawh kan zo dawn em avang leh kan thin tlan dawn em avangin kan phuah hranpa talo mai ani. FASHION kan REWIND dawn ani ber e. Tin, hemi zan kan incheina atang hian Mipa leh Hmeichhia BEST DRESS thlan chhuah bawk tur a ni.

K.T.P BRANCH COMMITTEE NEIH ANI

22/10/2010(Zirtawp) hi kan BRANCH DAY ani a, Kristian Thalai Pawl, College Veng chuan BRANCH DAY CHIBAI a buk a che.

Kristian Thalai Pawl, College Veng Branch, Aizawl Committee chu 21/10/2010(ninga) zanah neih a ni. Agenda a tam vak lova, Lehkha hmuh zingah College Veng Sporting Club ten 22/10/2010(zirtawp) zana Silver Jubilee, PUC Auditorium-a an lawmna tur atan kan Sound System hawh min dilna chu remtih a ni. Tin, Central K.T.P atangin Inter atanga Senior Deptt. tetan a Ruihhlo dona lam leh Zirtirna Sunday School Hotute nena in dawra zirho tur a rawn thawn pawh a tul anga Sunday School lama tih hlawhtlin ngei tum a ni bawk.

23/10/2010(Inrinni) hian GOSPEL CENTENARY HALL ah kan Branch Day denchhenin Presbyterian Hospital tan BLOOD DONATION neih tur a ni. Tin hemi denchhen bawk hian MSACS lam atangin MOTIVATION CAMPAIGN neih kan dil chu kan hmu a, member tepawh Thisen pelo tur pawh a tam thei ang ber kal turin kan in ngen a ni. He Motivation Campaign ah hian Rs.2000/- vel kan hlawh thei dawn bawk a, a lawmawm hle.

KOHHRAN-AH LAWM LUT

20/10/2010 (Nilai) zan Inkhawmah Pi Lalchhingi w/o Pu.C.Sangkhuma(L) (Pu Biakthansanga Nu) chu kan Kohhranah lawm luh a ni. Kohhranah mi tangkai leh thahnemngai tak anih kan beisei. Kan Kohhrana lawmluh/rawn inpe kuminah kan nei nuala, a lawmawm hle a, chutih laiin, K.T.P Member lam Kohhran thununna tawk ninzan thlengin kan awm zeuh zeuh erawh rilru ana-in a pawi hle. K.T.P Member lam ten Kohhran thununna tawklo turin tan ila thar zel ang u.

Kohhranin ram lei belh dawn

Kan Kohhran chuan ram lei belh tumin, tunah hian inbiakna a kalpui mek a. Biak in thlanga Pu Roliana in chu chêng nuai 65-a lei tum a ni a, hei bakah Sunday School Hall pêk tel bawk tura ruahman a ni.

Inbiakna ang chuan Pu Roliana te hi nuai 40 pêk tlak phawt a, a dang zawng chu a hnua pek tum a ni. Kan Kohhran hian tunah hian nuai 30, Apex Bank atangin ram lei nan leh cheibawl nan pûk a tum mek a. Pawisa hi kum 5 chhunga rulh zawh tur a ni ang.

JOINT SERVICE

K.T.P, Bawngkawn Branch techuan 18/10/2010 (thawhtan) zan khan min rawn tlawh let ve a, member 171 an rawn kal thei a, Inkhawm zawng zawng 402 kan ni a, a lawmawm hle. Kan Branch atangin member kan inkhawm tha hle bawk a, he kan inkhawm that em em na chhan chu Hruaituten mahni Bial theuhah Inkhawm tura sawmna pek vang tepah a ni ang, a lawmawm takzet a ni.
He kan Programme hi a nuam hle a, kan Hruaitu hlui (T-Shirt dawng ten) Thingpui tuihnai takin min lum sak bawk a, kan lawm hle. Fellowship hun pawh a man hla hle a, Tv.Ruatsanga, OPUS LIGHT & SOUND in min rawn Cover sak a, Sound a felfai bakah, Light rawng chi hrang hrang an phe kual zuai zuai mai chu'h, kan Leader pawh a CHI-AI hle a, kan lawm hle a, Sound system lamah harsatna awm miah lovin, felfai takin Programme kan hmang thei a ni.
Bawngkawn Branch atangin Male Voice leh Female Band an nei a, an che rapthlak hle. Keini Branch lam atangin Male Voice(Accapela) leh Musical Drama kan nei thung.
Tin, Bawngkawn Branch tehian Wall Clock(Aizawl-a leitur an hmuh len ber) min PRESENT a kan va'n lawm tak em ! (Bawngkawn Br.Secy. kha kan Branch-a kan NULA neih len ber PRESENT ve mai ka chak viau)
Khamlo takin zan dar 11 ah kan bang ta a ni.

Bawngkawn KTP nen Joint Service neih a ni

Thawhtan zan khan Bawngkawn KTP te nen Joint Service hlimawm taka neih a ni a. He hunah hian Bawngkawn atangin mi 171 rawn kalin, inkhawm zawng zawng hi 402 kan ni. Upa Chawngthanthuama i/c KTP leh, kan Kohhran Vice Chairman Upa F. Zakhuma ten he Joint Service hi hmanpuiin, T/Upa Rosema leh midang thahnem takin he hun hi an chhim bawk.

Joint Service Inkhawm hi Pu F. Lalhmuchianga, Fin. Secy., CV in a kaihruai a, Nl. Lalthanmawii Hrahsel, Branch Committee member, Bawngkawnin a tan a, Tv. R. Lalramnghaka, KTP Bawngkawn Branch Leader hnen atangin Pathian thuchah ngaihthlak a ni.

Inkhawm ban hian Gospel Centenary Hall-ah Fellowship neih lehnghal a ni a, Pu V. Lalthantlinga, Fin. Secretary, Bawngkawnin a kaihruai a. Hetah hian College Veng leh Bawngkawn atangin Male Voice a awm a, Bawngkawn Female Band an che turu hle a. Guitarist an nei tha hle. Inkhawm banah thla lakpuitu an thahnem a, a bik takin an drummer-in lawm a hlawh. Bawngkawn atang leh College Veng atangin drama entir a ni a, College Veng atangin Musical drama entir a ni bawk.

VENGCHHUNGAH BUAINA

HBC Student ten kan vengchhungah buainaan siam nasa hle . .
a post theih thin lova, TESTING nih hi

buai buai

 

FINANCE CAMPAIGN NEI ZO

17/10/2010 (Pathianni) Chawhma, Chawhnu leh Zanah te Upa R.Sangkhuma, Khatla ruaiin Finance Campaign neih a ni. Speaker hian tawiawmtu pahnih neiin, Upa RL Thianghlima leh Upa Lalliana Sailo, Zawlnuam te anni. Chawhma leh chawhnu Inkhawmbanah In kawm khawmna hun hman ani. Kohhran mipui ten Pathian ram thilpek lamah kan hlawkpui ngei a beiseiawm.

KTP SPORT A NUAM ZEL

K.T.P SPORT 2010 chu a nuam zel e, 15/10/2010(zirtawpni) hian College Veng Field-ah hman chhunzawm leh tur a ni. Bike & Scooty Racing, In COMMANDO, Football, Volley Ball etc. a nuam zelin, a hmuhnawm telh telh mai dawn.

KOHHRAN UPA THAR KAN NEIH BELH

Aizawl East Presbytery Inkhawmpui Vawi 12-na chu tluang takin Republic Vengthlang Kohhran Biak Inah hman zawh ani He Inkhawmpuiah hian Kan Kohhran Upa turin Pu Kapmawia leh Pu K.Sangthuama te Nemngheh an ni. Zirtawp zan khan kan Kohhran Zaipawlte zaiin, member 57 kan zai thei a, a lawmawm hle.

Synod News

1. Mizoram Synod Office building sak thar chu Nov. ni 11, 2010 ningani tlai dar 2-ah, Synod Moderator Rev. C. Chawnglianan a hawng dawn.
2. Synod Music Committee-in Kristian Chhungkua leh Inneih hla Inphuahsiak a buatsaih chu Oct. ni 5 zan khan result puan a ni. Intihsiaka hla lut zat chu 1,316 a ni a, mi pakhatin phuah kawp theih tho a nih avangin hla thehluttu mihring zat chu 988 an ni a, Hla phuahtute hi hmeichhia 223 leh mipa 765 an ni.
3. Oct. ni 6/7 atang hian Presbytery Inkhawmpui neih tan a ni ta/ dawn ta. Saiha Kohhran awmna Chhimtuipui Presbytery vawi 18-na chu Oct. ni 6-10 chhung hian Bungtlang S Kohhran Biak Inah neih a ni dawn a, 'Pathian Thu awih' (I Sam. 15:22) tih thupuiah hman a ni. Saiha Kohhran Zaipawl member 70 vel (~75% of total member) an kal a, hla 2 an nei ang. Aizawl East Presbytery vawi 12-na chu Republic Vengthlang Kohhran Biak Inah neih zanin atang hian neih a ni dawn a, thlarau lam thupuiah ‘Isua nunna kawng’ (Johana 14:6) hman a ni.

A chipchiar taka chhiar duh tan hetah

KOHHRAN-AH LAWMLUT

06/10/2010 (nilai) zan inkhawmah Pi Lalrintluangi d/o Pu Sawilaia leh a fate 2(pahnih) K.Lalrinchhana leh K.Lalrinfela techu Salvation Army a\angin kan Kohhranah lawmluh an ni. Pi Lalrintluangi hi Baptisma chang tawh a ni a, a fate 2(pahnih) hi Bialtu Pastor Rev.C.Sangliana’n Baptisma a chantir nghal.

JOINT SERVICE

Nghakhlel taka kan lo thlir 4/10/2010(Thawhtan) zan Inkhawm chu PUC Boys’ & Girls’ Hostel tenen kan Kohhran Biak Inah Joint Service kan hmang. He hun ah hian kan Bial chhung Kohhran Inkhawm hun 7:00Pm ala ni na chungin, 6:30Pm-a tan turin Kohhran Committee ah dil a ni a, min phalsak a kan lawm hle.
Kan hriat tawh angin Inkhawm hi Pu F.Lalremruata, Asst.Leader in min kaihruai a, Nl.C.Laldawngliani’n tanna hun a hmang a, Tv.Vanlalhualhima,Boys’ Hostel chuan Pathian fakna hla mawi takin a sa a, thuchah tha tak leh ropui tak Branch Leader, Tv.R.Lalhmunsanga’n sawiin Inkhawm hun hi hman a ni.
Inkhawmban-ah Thingpui kan in hova, he kan thingpui in tur tehi kan hruaitu hlui(Pu Rosanga, Pu LMa leh Nl.R.Zobawihi) ten kan ngen leh kan beisei angin min lo buatsaih saka, kan lawm hle ani.
Fellowship hun hlimawm tak kan hmang a, kan Fellowship hruaitu tura ruat Tv.Lalfakawma Khiangte, Monitor, Boys’ Hostel chu a damloh avangin a rawn telve thei ta lova, a aiah Asst.Monitor Tv.Benjamin Lalruatfela’n min kaihruai a, a nuam hle. Kan Branch atangin Nl.Dr.Shirley Lalbiakzuali Chhangte in vawi 2 Pathian fakna hla a sa a, Boys’ Hoste atangin Male Voice mawitak an nei a, Girls’ Hostel atangin Short Play/Skit - Senior Boarders te atangin entir a niin, Senior Most te hnen atangin MUSICAL DRAMA(FOUR DAYS LATE/NI LI LAI ALIAM TA) tih hla hmangin an entir bawk.
Hostel Boarders lam te an fakawmin an Item te an ti tha hle a, lehkhazir kar lakah chawpchilh taka an Item te an rawn tih that em avangin a lawmawm hle ani.
Tawng mawilo nilo sela, kan venthawn ber Girls’ Hostel Warden a zin alo la hawn loh avangin hun thawl tak kan hmang thei a, kan lawmna a nasa lehzual ani.

SPORT NEI TLUANG ZEL

K.T.P SPORT, 2010 chu tluang takin neih chhunzawm zel a ni. 2/10/2010(inrinni) khan PUC Playground ah hlim taka Sport neih leh a ni a, Hmeichhia leh Mipa Football leh Poison Ball te-a in elna neih ani. Kan sawi tawh angin hemi ni hian Central K.T.P Committee te leh Synod Choir member ten Exhibition Match an rawn khel a, Goal inpe lovin an in hneh tawk a, hun remchang hmasa atan Tie Break neih chu an khek rih ta a ni.

3/10/2010(Pathianni) tlai dar 3:00 ah Sport neiin GC Hall ah Fellowship neih a ni a, Solo(mipa leh hmeichhia) leh Male Voice(Accapella) te-a in el a ni bawk. Karleh 10/10/2010(Pathianni) tlai dar 3:00 ah bawk Fellowship neih leh a ni anga, Duet leh Photo Competition-a inelna neih leh a ni ang.

K.T.P SPORT CHHUNZAWM ZEL

Kristian Thalai Pawl, College Veng Branch, Aizawl techuan K.T.P SPORT 2010 chu tluang takin chhunzawm zel a ni a, 2/10/2010 (Inrinni) hian PUC Playground ah sport neih chhunzawm leh tur a ni a, Foot ball bakah Zawnga Leihlawn leh Poison ball te inelna neih tur a ni ang. Mahni Tiffin inpai leh tur a ni anga, hemi Ni hian Central K.T.P Committee te leh Synod Choir ten Exhibition Match kan Sport neih kar lakah an rawn khel dawn bawk. Hetianga Central Hruaitute leh Synod Choir tenena Sport hmang ho Branch hi an la vang viau awm e.
3/10/2010(Pathianni) 3:00Pm hian SOLO Mipa leh Hmeichhia leh Male Voice (Accapella) inelna neih bawk tur a ni ang.
Tin, 4/10/2010(Thawhtan) zan Inkhawm hi PUC Boys’ & Girls’ Hostel tenen kan Kohhran Biak Inah Joint Service kan neih hun alo ni dawn ta. Programme hetiangin :
A hmun : College Veng Presbyterian Kohhran Biak In
Hruaitu : Pu F. Lalremruata, Asst Leader, Col.KP
antu : Nl.C.Laldawngliani, Girls’ Hostel
Solo : Tv.Vanlalhualhima,Boys’ Hostel
Thuchah tawi : Tv.R.Lalhmunsanga, Leader, Col.KP
Inkhawmbân Fellowship
A hmun : Gospel Centenary Hall
Hruaitu : Tv.Lalfakawma Khiangte, Monitor, Boys’ Hostel
Items :
1) Introduction Br.KP & Boys’ & Girls’ Hostel
2) Spl.Item : Girls’ Hostel a\angin 2(pahnih)
3) Male Voice : Boys’ Hostel
4) Solo : Nl. Dr.Shirley Lalbiakzuali Chhangte

BEIHRUAL ZO

Kan Kohhranin September thla chhunga BEIHRUAL kan hman chu nizan 30/09/2010(ninga) khan zawhfel a ni ta. Thupui tha tak tak zir a ni a, kohhran mipui zirtu zawng zawng ten kan thupui zir tekha zir liam mai lovin nun chhuahpui tepawh tum tlang zel ila a tha khawp ang a, chu chu kan Beihrual neih chhan leh zirlai kan zir chhan pawh a ni awm e.
He Beihrual kharna Inkhawm ah hian Kohhran Chairman Upa Romawia’n Inkhawm kaihruaiin, Pi F.Lalthangmawii’n tanna hun a hmang a, Sharing hun hman anih bakah Kristian Chhungkaw Hapta, Upa Bial tina kan hman dan tlangpui Bial tina Secretary ten report an pe bawk. Inkhawm hi Upa F.Zakhuma’n Malsawmnain min tin ta ani.