KTP Branch Committee vawi 11-na neih a ni

October ni 18 thawhlehni zân khan KTP Branch Committee neih a ni a, thurêl tlangpuite chu:
1) Hun hma lama KTP-in Upa F. Saibuaia in bula Sign Board a lo târ tawh chu a lo chul tak deuh avângin chei that leh ni tawh se tih a ni a. Lo buaipui tûr hian Pu F.Lalhmuchianga, Branch Treasurer leh Pu H. Lalhmunsanga, Branch Committee member-te chu ruat an ni. An ni hmalakna hian chei that leh tawh a ni bawk. 2) Teenage Nite chu kumin chhunga neih ngei nise tia rêl tawh chu lo bawhzui turin Teenage Nite Sub-Committee din a ni a. He Sub-Committee hian Teenage Nite neih hun tûr hun remchangte lo thlirin an lo ruat ang a, neih dân tûrte leh hun hman dân tûrte pawh ruahmanna an lo siam ang a, ruahmanna an siamte chu Branch Committee-in a thlir nawn leh dawn a ni. Teenage Nite Sub-Committee member-te -
Chairman : Pu H. Thangtluanga; Secretary : Nl C. Lalhriatpuii
Member-te : 1) Nl Lalchansangi, 2) Nl VL. Hmangaihzuali, 3) Tv Rochungnunga, 4) Tv Lalmawizuala Tochhawng & 5) Tv C. Lalruatsanga 3) Drama Competition-ah: Art & Culture Department leh MSACS-te tangkawpin Nov 21 - Dec 8, 2011 chhûnga Red Ribbon State Level Open Drama Competition a buatsaih tûrah kan Branch pawh tel ve nise tih a ni a. Hma lo la tûrin Tv Rochungnunga leh Nl C. Lalbiaksiami, Branch Committee member-te chu ruat an ni.
Sum report atanga kan hmuh dânin tunah hian Branch KTP chuan Balance Rs. 64,111.00 a nei mêk a ni.