Branch Committee vawi 9-na thurel ṭhenkhat

1. Branch Committee hian Evangelical Cell ten Retreat neih an rawn dil chu a ngaihtuah a, a pawmpui a, Branch Committee chinte chuan telpui a, a tam thei ang ber ṭawiâwm turin a ngên. Evangelical Cell Retreat neih hun chhung tur hi Aug 15, 16, 17 (Nilaini aṭanga Zirtawpni) thleng tur a ni.
2. Activities Calendar-a a lo dah tawh, Ramthara kutthlak chungchang a ngaihtuah a. Work Camp-a kal nise, a ti a, a hun atan November 15-18, 2012 a ruahman a, work camp hi Karimganj Pastor Bial, Barak Area-ah a ni ang. Karimganj Pastor hi Pastor JC Lalramliana a ni.
3. Branch Day puala thisen pek ṭhin chu kuminah pawh pek leh ngei tum a ni a. October thla hi CKṬP-in Venghlui Pastor Bial thisen pek thlaa a ruat a ni a, Civil Hospital tana pek turin a rel a. Kan Branch chuan Branch Day puala thisen pek hi Civil Hospital pualin a pe dawn a, a hun tura ruahmanna lo siam tawh chu Civil Hospital te lam an remchan dawn loh avangin October 13 khi ruahman chhin a ni.
4. Bial KṬP Conference-a lo rel tawh, Bial huapa Advance Christmas hman chu Bial KṬP chuan a hun tur atan December 10 a ruat. A hmanna tur hmun hi Venghlui Kohhran Hall a ni ang.
5. Sateek Branch nena intlawhtawn huna hun hman dan tur chungchang ruahmanna pawh enfel nghal a ni a. Kan Branch aṭangin item panga kan nei dawn a chungte chu:- Male Voice, Drama, Solo: Nl. Shirley Lalbiakzuali, Hand Mime Skit leh Special Item: Tv. Rochungnunga.
6. LiveJam tena Breakfree Tour, Vanapa Hall-a Zirtawpni zana an neihah, kan Branch aiawhin mi 10 vel tirh an ni. Hei hi Bialin min ngenna anga intirh a ni.
7. Kohhran Hmeichhe Inkhawmpui Lian kan dawn tur atan Bial KṬP chuan Additional Budget Rs. 3,500 min rawn siam chu pek nghal a ni.