Bahadurgram-ah Krismas

Kan Kohhran Committee-in a lo rel tawh angin, Bahadurgram-a ringtharte Krismas hmanpui turin kan Kohhran atangin mi 17 leh a kalpuitute mi 3 te nen mi 20 an kal. Ni 21, zing dar 6 khan Biak In kawt atangin an chhuak a, Upa F. Zakhuma’n tawngtaiin a thlah a, thlahnaah hian Kohhran member eng emaw zat an tel. December 26, Thawhtanni tlai dar 2 velah dam takin an rawn kir leh a ni. Ningani khan group thuma inthenin Gospel tract-te an sem a, hemi pah hian Krismas Nia programme an neih tura tel turin ringlote an sâwm a, tawng thiamten a tul angin ringlote hi an kâwm bawk.

Kalte: Pu H. Biakthuama, Nl. Hmingthansangi, Nl. R. Zohmingthangi, Pu Vankhuma Hranleh, Pi Vanramhluni, Tv.HT Hmingliana, Tv.C.Malsawmzuala, Tv.MS Dawngliana, Tv. JK Laldinpuia, Nl. B. Rozampuii, Nl. PC Lalremruati, Nl.H. Lalthangmawii, Nl. K. Lalthakimi, Nl.PC Lalthangbiki, Nl. R. Lalrinnungi, Nl. Lalthantluangi & Nl. Lalfakawmi. Kalpuitute: Pu MS Dawngliana (Chaltlang), Pu HD Pachhunga (Chaltlang) & Nl. Lalbiaktluangi (Ramhlun Vengchhak)

Christmas Carol

December 19, Thawhtanni zan khan Synod Hospital Durtlang-a Charity Fund-a thehluh turin Branch KTP chuan kan Kohhran mi chhungkaw 15 te ah Carol a nei a. Hetah hian mi 147 tel theiin, Rs. 11,900/- hmuh a ni a. Charity Fund atan hian Dec 5 zan inkhawmah thilpek Rs. 2,440/- lakkhawm a lo ni tawh bawk. Zirtawpni (Dec. ni 23) khan pawisa hi hlan a ni. Dec. ni 24, Urlawk zanah, Gospel Centenary Hall-a lengkhawm bakah, ITI pengah thalai pualin lengkhawm neih a ni bawk. Carol hun leh lengkhawm hi thalaiten an hlut bakah, zai a nuam a, a zawngchhang thlak hle.

Pavalai lengkhawm

December ni 23, Zirtawpni zan khan Pavalai Pawl chuan Field sir, Volleyball court-ah an zaikhawm a, hetah hian mi 30 vel lai an tel thei. An ei leh inte KTP Committee-in an buatsaihsak a ni.

Challenger leh Group sum audit

December 18 tlai dar 3 khan Beginer Deptt Hall-ah Group leh Challenger sumte audit a ni a, sumte felfai taka vawn that niin, hetiang hi audit report a ni:

Group Hmuh Hman Balance Budget khumna

Challenger 39,677 36,596 3,081 -

Matthaia 19,580 19,580 nil 9,905

Marka 13,476 13,476 nil 3,490

Luka 18,484 18,484 nil 6,354

Johana 13,331 13,331 nil 4,079

Kumtawp Commitee leh hruaitu charge hlan

Dec. ni 22, ningani tlai khan Pu Lalzawmliana Inah Branch KTP Committee chuan Kumtawp Committee an nei a, zanriah kilho nghalin hetah hian hruaitu hlui leh tharten charge an inhlân a ni.

Kumtawp Committee neih chhunzawm a ni a, hetah hian Secretary Report ngaihthlak a nih bakah kum 2012 chhunga Kristian Thalai chanchinbu agent turin Pu H. Thangtluanga leh Nl. C. Lalsangpuii te ruat an ni a. Programme ruahman leh Challenger enkawl chu tuna a enkawl laiten January thla thleng kengkawh zui tura tih a ni. [Zanrial kilho-na atan hian Branch Comm. Memberten pawisa an thawhkhawm a ni.]

Kohhran Zaipawl Night

Dec. ni 22, ningani zan khan Gospel Centenary Hall kawtah Kohhran Zaipawl chuan Zaipawl Night an hmang a, hetah hian Zaipawl member 50 vel lai an tel thei. Zaipawl Night-ah hian hla an zir bakah Krismas hla sahovin, intihhlimna chi hrang hrang neih a ni.

N.P.S.S Exam

Pathianni kalta (Dec. ni 18)-a Naupang Sunday School Exam neihah khan kan Kohhran NPSS atangin hetiang hi exam dinhmun an ni.

Beginners- 53, Primary- 51, Junior- 75, Intermediate- 47, Sacrament- 31, Senior- 44 & Masihi Sangati- 5, an vaiin- 306

Teenage Night leh Krismas Carol

Zanin (Dec. ni 19) hian Teenage Night KTP chuan a buatsaih dawn a. Teenage Night neih zawh hian Carol Service neih a ni bawk ang.
KTP Activities Calendar-a a lo dah tawh angin Teenage Night hi neih a ni dawn a. He hunah hian tunlaia Mizorama Gospel rock band lar tak Dr. Luke chu hun min hmanpui thei tura beisei an ni a, anni lam pawh an phur tawh hle. Mahlimi, Republic pawh zai tura sawm a ni. Teenage Night-ah hian Sacrament leh Senior Dept. zirlai zawng zawng chu kim taka kal tura beisei kan ni a, KTP member pawh a tam thei ang ber inkhawm tura ngen leh hriattir kan ni. Teenage Night a ni nachungin KTP programme a ni tih i hre reng ang u. Hemi zana thilpek hi Dr. Luke pual tur a ni ang.
Teenage Night hman zawh hnu hian Synod Damdawi Ina damlo harsa pualin KTP chuan Carol Service a buatsaih dawn a. He hunah hian zaina tur hmun te hriattirna pek an ni hlawm. Carol Service-ah hian a tam thei ang ber tel turin kan inhriattir nghal a ni.

Kohhran Hmeichhe Hruaitute

Chairman : Pi Zozaihmingi
Vice Chairman : Nl. Lalthantluangi
Secretary : Pi Lamchhingi
Asst. Secretary : Pi H. Lalêngzâmi
Treasurer : Nl. Hmingthansangi
Fin. Secretary : Pi Vanlalauvi Chawngthu
Buhfai\ham ziaktu : Pi Lalsangpuii

Chanchin Lawrkhawm

1. 
   
   Soldiers for Christ team, Pu Reuben VR Beiseia, Tv. Lalnunthara leh Tv. Zohmingthanga te telna chuan Nghalchâwmah camping neiin an thang mek a, kohhran mipuiten i tawngtaipui ang u.



2. 
   
   Gospel Campaign-in kan kohhran chuan ni 21-26 chhung hian Silchar leh a chhehvelah an kal dawn a. Mi 21 kal turin an inpe a, heng zingah hian veng dang mi, tawng thiam pawh an tel. An kalna turah leh rawng an bawlna turah Pathian awmpuina leh hnathawh a lan theih nan i tawngtaipui ang u.



3. 
   
   December 22, Ningani tlai dar 3 hian Pu H. Lalzawmliana inah KTP Branch Committee kumtawp committee neih tur a ni a. Hemi hunah hian hruaitu hlui leh tharte charge inhlanna a awm ang a, Secretary report thlirho a ni bawk ang. Committee member-te kim taka kal tur a ni ang a, Rs. 100 aia tlem lo ken khawm tur a ni.



4. 
   
   Inrinni tlai dar 3 hian Gospel Centenary Hall-ah KTP Group sum leh Challenger sum te audit tur a ni.



5. 
   
   Krismas leh Kumthar inkarah emaw, kumthar tirah emaw hian Vacational Bible School chu Sunday School zirlaite tana buatsaih tum a ni a. Nu leh paten lo hre lawk ila, programme leh a hun tur chu PTI leh PNI zirtirtuten an la rawn ruat fel ang.



6. 
   
   Ningani zan dar 6:30 Gospel Centenary Hall-ah Zaipawl Night hman a ni dawn a. He hunah hian meilum ai paha zaiho leh hun hlimawm tak hman tum a ni a, refreshment tuihnai tak a awm bawk ang. Hla zir nghal tur a ni bawk. Zaipawl member leh, zaipawla tel tawh lo, nu leh pate pawh a duh apiang tel tura sâwm kan ni.

Crusade neih a ni

Kan Kohhran chuan a lo ruahman tawh angin Thawhtanni zan atang khan Upa LH Rohmingliana, Evangelistic Team chu Speaker-a hmangin zan tin crusade kan nei a. Kan neih tawh chinah a hlawkthlak hle.

Thawhtan zan, Crusade tan zan hian Speaker Upa LH Rohmingliana hian ‘Mamawhtu nun a zawng’ tih thupuia hmangin thuchah a sawi a. Thawhlehni zanah ‘Chhar Rawh le’ tih chu thupuiah hman a ni. ‘Pathian hnaih rawh u’ tih thupui hmangin Nilaini zan khan sermon a thlak a, Ningani leh Zirtawpni zan te khan ‘Kraws thu’ tih chu thupuiah hman a ni a, Ningani zan hian Deputy Speaker Tv. HV Lalrinkima’n thuchah a sawi thung. Nizan khan Krismas thuchah sawiin, nizan khan Crusade hi zawh a ni.

Chhûn lamah a mamawh apiangin Speaker hi panin, an harsatna leh Pathian thua an buainaah te an râwn a, a tul angin counselling pawh neih chhunzawm a ni bawk. Inrinni khan Tleirawl leh naupangte pual lâng camp an buatsaih a, naupang leh tleirawl eng emaw zat an tel thei.

Ni 3.11.2011 (Inrinni) khan KTP Branch, Kohhran Hmeichhia leh Masihi Sangti te July - November 2011 chhung sum vawn dan audit a ni.

* Sum hman bâng hi Rs. 118,397 - Rs. 538 = Rs. 117,859 a ni a. Rs. 538 hi bank Account hlui hman tawh loha mi a ni a, write off a ni.

Branch Committee

Ningani zan khan Kohhran Committee Room-ah Branch KTP Committee vawi 13-na neih a ni a, heta thurel tlangpuite:
1. Central KTP atanga ngenna lo kal angin PUC bul, Taxi Stand leh ITI Road-ah te Krismas pualin banner tar ni se, tih a ni, mawhphur turin Pu F. Lalhmuchianga, Treasurer leh Tv. Lalmawizuala Tochhawng, Comt. Member te ruat an ni.

2. KTP General Conference 2012-a Branch aiawha palai turin Tv. C. Lalruatsanga, Branch Asst. Secy. ruat a ni. Thlengtu Thenzawl tanpui nan Rs. 1,000 pek nise, tih a ni. Member-te kalna turin bus pahnih hman ni se, lo ngaihtuah turin Pu C. Lalrinawma, Fin. Secy, Pu F. Lalhmuchianga, Treasurer leh Pu H. Thangtluanga, Comt. Member-te ruat an ni.

3. Kum 2012 Bial KTP inthlana kan Branch atanga nominee turin Pu R. Lalhmunsanga, Pu F. Lalhmuchianga, Pu Lalthangvunga Sailo leh T/Upa TL Haungura te ruat an ni.

4. Ni 19, Thawhtanni zan inkhawm bana Carol Service kan neih turah ei leh in lam lo ngaihtuaha buaipui turin Refreshment Sub. Comt. te ruat an ni.

5. Bial KTP Conference 2012 neih tura kan Branch atanga item tur atan Short Play, Solo leh Group Zai te nise kan ti.

6. Kohhran Comt.-in min phalsak angin ni 24, Urlâwk zan inkhawm banah ITI pêngah zaikhâwma hun hman tur a ni.

7. December 17, Inrinni nileng hian Biak In leh a chhehvel tifaia KTP te hnatlan tur a ni a, zing dar 10-a thawhchhuah nise.

8. December 30-a Branch Kumtawp Committee neih tura lo rel tawh chu remchan lohna avangin a hun sawn a ni a, December 22, tlai dar 3-ah, a hun ngaiah neih tur a ni ang.

Kum 2012 Branch O.B. turte

Dec. ni 5, thawhtan zan inkhawmah kum 2012 chhunga KTP College Veng Branch hruaitu tur thlanna neih a ni a; Kohhrana aiawha KTP-a tel Upa Lalmanliana, Kohhran Secretary ni bawkin inkhawm a kaihruai a. Group report ngaihthlak a ni bawk. Mi paruk (6) thlan chhuah phawt an ni a, inkhawm banah inthlanpuitute nen an insiamrem leh a ni. Vote tla zat hi 116 a ni.

Leader: T/Upa T.L. Haungura

Asst. Leader: Pu R. Lalhmunsanga

Secretary:Pu Lalthangvunga Sailo

Asst. Secretary: Pu C. Lalrinawma

Treasurer: Pu F. Lalhmuchianga

Finance Secretary: Tv. C. Lalruatsanga

Bible Sunday

December ni 4 (December Pathianni hmasaber) hi Mizoram Kohhran hrang hrangte ni pawimawh Bible Sunday a ni a, Bible Society of India (BSI) zawmtu Kohhran hrang hrangten hemi pual hian programme an hmang ang. Presbyterian Kohhran chuan Inkhawm tum khat atan programme duangin, thupui atan hian ‘Mittui tla chunga tuhte chuan hlim takin an at ang’ (Sam 126:5, 6) hman a ni ang. Bible Society puala thilpek lak khawm tur a ni a, Branch Treasurer emaw Tualchhung/Local Collector-te hnenah emaw theh luh tur a ni.

Kum 2011 hi Bible Society tan kum pawimawh tak a ni a. Saptawng Bible chhuak hmasa King James Version chuan a kum 400-na hmel a lo hmu ta reng mai a. United Bible Societies chuan hemi denchhen chuan kumin hi Bible letlingtute kum (Year of the Translators) atan a puang hial a ni.

Bible Society of India pawhin a kum 200-na (Bi-centenary) a hman mek kharna hun pawimawh leh urhsun tak chu February 21 khan a hmang tawh nghe nghe a ni.

Kohhran Hmeichhe Debong tlawh report

College Veng Kohhran Hmeichhe Committee chuan kumin chhung hian ramthar Filed - Debong leh a chhehvel tlawh nise tiin a rel a, ni 26.11.2011 ah chhuakin member 14 leh min hruai turin Pu Vankhuma Hranleh kan sawm angin min tih hlawhtlinsak a, kan lawm hle a ni. A hmun chu tlai dar 4 velah kan thleng a, bialtu Pastor Binei Kumar leh Evangelist-te leh kohhranhoten min lo dawngsawng a, thingpuite kan in fel hnuah Pastor hovin inlawmna inkhawm kan nei nghal a, tawngtaihona te kan hmang a, zan lamah erawh chuan inkhawmna kan nei ta lo. Bialtu Pastor a lo inhawng hle a, a programme zawng zawng ti danglamin kan kutah a dah ve a ni.

Pathianni chawhma chu Dibong Kohhranah kan inkhawm a, Pastor hruainain Nl. Hmingthansangin thuchah a sawi a, tanna leh thilpek hlanna thlengin kan chang vek a ni. Inkhawm ban velah kohhran tlawhin Bus-in Pastor te nupa nen apui anawiin kan chhuak a, heng kohhrante hi kan tlawh:-

1) Champanagar Preaching Station - Member 15 vel awmna. An Biak In hi kum 2008-09 khan Vaivakawn Kohhran Hmeichhe kalte thawhlawm atangin leh, a finishing hi Zarkawt Kohhran pek atangin an thawk. Krismas present atan Rs. 1000 kan pe.

November thla Kohhran sum dinhmun

Synod sum

Hmuhna Hmuh zat (Rs.)

Pathian ram 217,375

Buhfaitham 47,364

Sakramen 2,736

Sande Sikul 7,180

Thawktu chawmna 50,000

Total: 493,190

Tualchhung sum

Hmuhna Hmuh zat (Rs.)

Pathian Ram ip 174,946

Sande Sikul 28,364

Zan inkhawm 13,859

Chhawmdawlna 4,160

Total: 221,329

Thla hlui bâng 3,174,215

Grand Total 3,305,544

Hman ral 71,636

Closing Balance 3,323,908

Chhawmdawlna

Hmuhna

Opening Balance (1) Cash Rs. 49,386

(2) Fixed Deposits Rs. 203,452

Bâwm dawha tla Rs. 4,160

Total Rs. 256,998

Expenditure Rs. 6,000

Closing Balance Rs. 250,998

November thla Faith Promise

Kum 2011 November thla Faith Promise atanga hmuh zawng zawng chu Rs. 19,441/- a ni a, mi 489-in an thawh a, mi 1-in Rs. 39.75 zel thawh ang kan ni. Tan ila zel ang u.

2011 Krismas leh 2012 Kumthar Committee Member

Chairman : Upa F. Zakhuma

Secretary : Pu C. Lalbiaksanga

Assistant Secretary: Pu Zoliana

Treasurer : Pu Lalchhuanmawia

Finance Secretary: Pu C. Lalrosanga

Ni 7.11.2011 zan a Krismas leh Kumthar Committee Office Bearer (Puipate) thukhawm chuan heng a hnuai a mite hi 2011 College Veng Presbyterian Kohhran Krismas leh Kumthar Committee Member atan a ruat a ni.

Bial 1-na (1) Pu K.Zomuana Bial 2-na (1) Pu V Lalrinawma

(2) Pu H.Lalzawmliana (2) Pu R Zapliana

(3) Pu R.Lalrinawma (3) Pu Lianmawia Zote

(4) Pu Lalhriatrenga (4) Pu C.Thanbuaia

Bial 3-na (1) Pu F.Manghnuna Bial 4-na (1) Pu C.Zakima

Kohhran Hmeichhia Debong-ah

November 26 Inrinni tuk khan Kohhran Hmeichhia mi 14 - Pi Lalropuii, Pi Lâmchhingi, Pi Remmawii, Nl. Hmingthansangi, Pi H. Lalengzami, Pi Lalsangpuii, Pi Lalremthangi, Pi K. Vanlalhruaii, Pi Ramthanzauvi, Pi F. Laltanpuii, Pi Lalthanmawii, Pi Lalramhluni, Pi Liankimi, Pi Siamthangi, Nl. R. Zohmingthangi, Pi C. Lalhmingliani leh anmahni hruaitu Pu Vankhuma Hranleh te chu Debong leh a chhehvel fang turin an kal a. Nov. ni 28, Thawhtanni khan dam takin an lo kir leh.

Kum 2012 Kohhran Committee

Chairman : Upa Romawia

Vice Chairman: Upa Chawngthanthuama

Secretary : Upa Lalmanliana

Asst. Secy : Upa HL Lawmzuala

Treasurer (Tualchhung): Upa K. Sangthuama

Treasurer (Synod): Upa F. Zakhuma

Fin. Secretary : Upa Lalbiaktluanga

Member: Upa Kapmawia, T/Upa H. Rosema, T/Upa TL Haungura

KTP Branch Committee vawi 12-na thurelte

1. Hruaitu thlan: Kum 2012 atana College Veng Branch Office Bearer’s thlan hun atan December ni 5 (Thawhtan) zan ruat a ni, inthlannaah hian nominate siam lovin mi paruk thlan chhuah tur a ni.
2. Advance Christmas: December ni 5 (Thawhtan) zan inkhawm banah Gospel Centenary Hall-ah Advance Christmas hman a ni ang a, hetah hian Gift Exchange neih nise, gift atan hian Rs. 50 man aia tlem lo ken tur a ni ang.
3. Krismas thilpêk: Kumin Christmas vuakvetah hian Presbyterian Hospital Durtlang tanpuina atan Charity Fund pêk remtih a ni a, sumtuak nan December ni 5 zana Pathian hnena thilpêk leh Carol Service-a sum hmuhte hlan tur a ni ang. Kan member Missionary-a chhuakte hnenah Krismas thilpêk atan Rs. 500 theuh hlan nise tih a ni a; Rev. K. Lalrinmawia leh Pastor Vanlalthlamuana te chu Krismas chibai bûkna thawn tur a ni bawk.
4. Carol Service: December ni 19(Thawhtanni) zan inkhawm banah vengchhung hmun hrang hrang fanga Carol Service neih a ni ang.
5. Teenage Nite: Kan Kohhran huam chhunga tleirawlte pualin December ni 19 (Thawhtanni) zanah Teenage Nite neih tura ruahman a ni a, veng pawn atangin zaithiam larte pawh sawm tura tih a ni.
6. Group sum & Challenger sum audit: Group sum leh Challenger sumte chu December ni 18 (Pathianni) tlai dar 3:00-ah Gospel Centenary Hall-ah audit tur a ni a. Auditor atan Pu F. Lalhmuchianga, Treasurer, Pu C. Lalrinawma, Finance Secretary leh Tv C. Lalruatsanga, Assistant Secretary-te ruat an ni.
7. Grace Home Compound sam fai hnatlang: Presbyterian Hospital, Durtlang hnuaia HIV/AIDS veite enkawlna hmun Grace Home compound sam fai hnatlang Branch pum huapin neih nise tih a ni a, a hun atan December ni 6 (Thawhlehni) ruahman a ni.

Kohhran News

1. Sakramen exam: Nov. 11 zan khan Gospel Centenary Hall-ah Sakramen Dept chuan Dân chhung luh exam an nei a. Mi 45-in exam hi an bei a ni. Exam te hi Kohhran Committee-in an kâwm leh dawn a, chumi hnuah, Kohhran Committee mit an tlung chuan Dân chhunga lak luh an ni ang
2. Crusade neih a ni dawn: December ni 12 atanga ni 18 chhung hian kan Kohhran chuan Crusade a buatsaih dawn a, Speaker atan Upa L.H. Rohmingliana, Evangelistic Team chu hman a ni ang.
3. Krismas leh Kumthar Committee Puipate: Chairman: Upa F. Zakhuma, Secretary: Pu C. Lalbiaksanga, Assistant Secretary: Pu Zoliana, Treasurer: Pu Lalchhuanmawia & Finance Secretary: Pu C. Lalrosanga

Media hmangin Synod rawngbâwlna

November 7 thawhtanni khan Synod Moderator Rev. C. Lalsanglianan Mizoram Presbyterian Church Synod FM Radio leh TV Programme (Hruaina Êng) tihchhuah tur hawngin Pathian hnenah a hlan. Synod FM Radio leh TV Programme hmingah hian “HRUAINA ÊNG” tih hman ve ve a ni a. HRUAINA ÊNG FM Radio programme hi November 11 (Zirtawp) zan dar 7:30 - 8:00 inkarah AIR Aizawl FM ZOAWI atanga tihchhuah tan a ni a, HRUAINA ÊNG TV programme hi November 13 (Pathianni) tlai dar 3:00 – 5:00 chhungin LPS Vision Channel1 leh ZONET ZAWLBUK atangin tihchhuah tan tura ruahman a ni.

Kum 2012 Sunday School zir turte

Puitling-ah 'Numbers': Rev. H. Lalchhanhima

Senior 'Bu Khatna': Rev. Rosiamliana Tochhawng

Sacramen (Revised & Enlarged): Rev. H. Zalawma & Rev. Vanlalzuata

Intermediate 'Bu Khatna' (Revised & Enlarged): Rev. Vanlalthlana

Junior 'Bu Khatna' (Revised & Enlarged): Upa Dr. R.L. Thanmawia

Primary 'Bu Khatna' (Revised & Enlarged): Upa R. Lalmalsawma

Beginner 'Bu Khatna' (Revised & Enlarged): Revd. Chuauthuama

Masihi Sangati-ah 'Kristiante nun dan tha': Rev. K. Lalpiangthara

Home Mission-ah 'Kristian Nun': Upa Lalhriata

Synod Sum Report

Tunkar khan Synod Executive Committee meeting neih a ni a, hetah hian Rev. Zosangliana Colney, Synod Finance Officer-in April, 2011 - October, 2011 chhunga sum hmuh dan a report. Pastoral Budget pum puia hmuh beisei zat Rs.38,40,43,300 (Nuai sangthum zariat sawmli singli sangthum zathum) ah Rs.25,54,29,946 (Nuai sanghnih zanga sawmnga pali singhnih sangkua zakua sawmli leh paruk) hmuh tawh a ni a, hmuh tawh zat hi za zela 66.51 a ni. Mission Budget pum puia hmuh beisei zat Rs.33,80,48,600 (Nuai sangthum zathum sawmriat singli sangriat leh zaruk) atangin Rs.20,72,82,971 (Nuai sanghnih sawmsarih pahnih singriat sanghnih zakua sawmsarih leh pakhat) hmuh tawh a ni a, hmuh tawh zat hi za zela 61.32 a ni.

Khawvel Sunday School Ni 2011

Khawvêl Sunday School Nî hi Dr. Bailey-a, Tabernacle Presbyterian Church, Philadelphia (USA)-a Kohhran Upa rawt chhuah a ni a. Kum 1907-a World Sunday School Association Convention, Rome-a neih tumah leh, kum 1910-a Washington-a Convention neih tuma an sawi hona bawhzuiin kum 1910 atang khan neih tan a ni a. Mizoram Presbyterian Kohhranin Khawvêl Sunday School Nî a hman tan chu kum 1944 khan a ni. Hemi kum atang hian tun thlengin Khawvêl Sunday School Nî pualin thawhlawm pawh lâk khawm zêl a ni a. Tin, kum 1945 atangin November Pathianni hmasa ber hi Khawvêl Sunday School Nî-ah hman a ni ta zêl a ni.
Kum 2000 atang Naupang leh Puitling S.S. zir tur a hrana siam a ni a. Kumin hian Puitling lamah, chawhmaah Pi Puii (Dr. Gwyneth Parul Roberts) chanchin, Upa Dr. L. Ringluaia ziak, chawhnu lamah Pi Zosaphluii (Katherine Ellen Williams) chanchin, Pi C. Lalneihkimi ziak zir tur a ni (zirlaibu hetah download theih).
Naupang lamah chuan, chawhmaah Tv. Chalbuanga chanchin, Upa Dr. C. Lalrawna ziak leh, chawhnu lamah Corrie Ten Boom chanchin, Rev. C. Chawngliana ziak te zir tur a ni (zirlaibu chu hetah hian).
Kan Kohhranah chuan Naupang hi Group-I (Beginner to Junior) leh Group-II (Intermediate to Senior)-ah te then a ni a. Thupui sawi turte:- Group-I chawhma-ah Pi Rosangliana, Beg. Asst. Leader, chawhnuah Tv. C. Lalruatsanga, Junior Asst. Leader. Group-II chawhmaah Pu Lalthangvunga Sailo leh, chawhnuah T/Upa T.L. Haungura.

November thla chanvo nei te

Meeting Chairman: Upa Romawia
Zai Hruaitute:- Pu PC Lalropara, Pu R.Vanlalhuala & Tv. Lalmawizuala Tochhawng
Keyboardists:- Pu F. Lalremruata & Tv.C.Lallianzova
Thilpek Lakhawmtu (Pathianni zan):- Nl. C.Lalhriatpuii, Nl. VL.Hmangaihzuali, Nl. Baby Lalhmunsangi, Nl. C.Lalbiaksiami & Nl. Lalchansangi
Hla Hriltute:- Pi Rosailovi & Pi.R.Lalpianthangi
Receptionists:- Pu F.Krawschhuanga (Convener), Tv. K.Zonunmawia, Tv. H.Vanlalhriatzuala & Tv. F. Vanlallura
Pangpar Khawitu turte:- Nl C.Lalnunsiami, Nl.K.Hmingsangzuali, Pi Lamchhingi & Pi Vanlalthlengi

Kohhran Hmeichhia:- Thilpek Lakhawmtu: Pi Varthanzami
Zai Hruaitute: Pi Lalropuii & Pi Siamthangi

Kristian Thalai Pawl:- Zai hruaitute: Tv.Rochungnunga & Tv. Andria VL Ruatfela
Musicians: Tv. C.Lalbiaktluanga (Drums) & Tv. Ramluahsanga (Bass)
Hla hriltu: Nl. K.Lallawmpuii
Thilpek lakhawmtute: Nl. H.Lalfakawmi & Nl. Lalthantluangi

October thla Faith Promise

October thla chhunga Faith Promise hmuh zat chu Rs. 22,238/- a ni a, thawhtu zat mi 502 an ni. Mi 1-in Rs. 44/- vel zel thawh ang chauh kan ni a, 81.23% ((Member zat 618) )-in Faith Promise hi kan pe. Thla hmasa (September) kan khûmna hi Rs. 1,108/- a ni.

Rawngbâwl-in fehchhuak mêk

November ni 4 atang khan Synod Revival Committee Programme duan lawk sa angin, Krista Thupuangtu Team (Speaker R. Lalbiaksanga), Tv Malsawmzuala leh Pu Chalhmingthanga te telna chuan lamah rawngbâwlna an nei mek a.
Kan member, Pu Reuben VR Beiseia, Nl Lalhmangaihi Sailo, Tv Lalnunthara leh Tv Zohmingthanga te telna Soldier For Christ Team pawhin November ni 7 atang hian N. Lungpher Kohhranah Camping leh Crusade an nei dawn bawk.

Branch Day denchhenin thisen pe

October ni 26 nilaini khan Branch Day vawi 33-na denchhenin, Presbyterian Hospital tan thisen pêk runpui neih a ni a. Mipa 24 leh hmeichhia 7 ten unit 31 an pe.
Branch Day pual hian tlem lai deuh atang khan thisen pek thin a ni a. Kuminah pawh, kum tira committee chuan thisen pek hi rel lehin, Branch Day ni tak, October 22 hian thisen pekna tur Civil Hospital-a thawktute an indaih lo va, hei vang hian October 26-ah Presbyterian Hospital tan thisen hi pêk a ni ta zawk a ni.

KTP Branch Committee vawi 11-na neih a ni

October ni 18 thawhlehni zân khan KTP Branch Committee neih a ni a, thurêl tlangpuite chu:
1) Hun hma lama KTP-in Upa F. Saibuaia in bula Sign Board a lo târ tawh chu a lo chul tak deuh avângin chei that leh ni tawh se tih a ni a. Lo buaipui tûr hian Pu F.Lalhmuchianga, Branch Treasurer leh Pu H. Lalhmunsanga, Branch Committee member-te chu ruat an ni. An ni hmalakna hian chei that leh tawh a ni bawk. 2) Teenage Nite chu kumin chhunga neih ngei nise tia rêl tawh chu lo bawhzui turin Teenage Nite Sub-Committee din a ni a. He Sub-Committee hian Teenage Nite neih hun tûr hun remchangte lo thlirin an lo ruat ang a, neih dân tûrte leh hun hman dân tûrte pawh ruahmanna an lo siam ang a, ruahmanna an siamte chu Branch Committee-in a thlir nawn leh dawn a ni. Teenage Nite Sub-Committee member-te -
Chairman : Pu H. Thangtluanga; Secretary : Nl C. Lalhriatpuii

KTP College Veng Branch-in kum 33 a tling ta!

Pathian kaihhruainain KTP College Veng Branch chuan, October ni 22 Inrinni hian kum 33 a tling ve ta! Venghlui Kohhran atangin kum 1978-ah indangin, KTP a ding nghal a; tunah chuan member 618 awmin, Venghlui Pastor Bial chhunga Branch lian ber kan lo ni ve ta.
Kumin chhunga thawhtan zan inkhawm percent 24.93% (member 142.35 per inkhawm)a ni a; 'Inkhawm Uar Kum' puan nen a inhmeh hle. Missionary chawm zat hi 6 niin, mi 4 an kal chhuak mek bawk.

Kan Branch history tlangpui chhiar duh tan hetah hruaitute pawh hetah, tin Oct. ni 23 CHallenger pawh hetah hian chhiar belh rawh.

Synod Mission Board hnuaiah thawktu 1,918 awm

October ni 20 & 21 khan Synod Mission Board an thu a, hetah hian Manipur Synod chungchang te, Cambodia-a ordained Minister rawngbawlna neih chungchangte leh thu pawimawh dang 70 chuang an rel a ni. Manipur Synod hi kum 2006 vel atang khan siam tuma hmalak ni mah se, chak taka bawhzui a ni lem lo va. Anmahni lam hian tun hnai khan, PCI Assembly leh a enkawltu Mizoram Synod thu leh hla lovin Manipur Synod hi an lo din ti tuai hman a. Synod puitling ding turin Presbytery 4 tal awm a ngaih avangin, Manipur-ah hian Presbytery 1 siam belh leh chu SMB hian a rawt a. Manipur Synod din leh din loh chungchang hi kumin Synod Inkhawmpuiah leh PCI Assembly, Champhai-a ngaihtuah tura ngaih a ni.

Synod Mission Board hnuaiah hian, missionary thawk 625; a ram mi worker 689; contract-a thawk 556 (kan member Nl. C. Lalhmangaihsangi pawh a tel) leh Office-a thawktu dangte nen mi 1,918 an awm mek a ni. Kohhran hrang hrangten Rs. 1,000/- hu anga missionary kan chawm zat belhkhawm chu 9,273 a ni thung.

Branch Day vawi 33-na lawm dawn

Branch Committee-in a lo rel tawh angin, kumin Branch Day (October 22) vawi 33-na chu kawng hrang hrangin lawm a ni dawn a. Kohhran Committee-in a phal angin, Oct. ni 20- 23 chhung hian zan lamah Pu Joseph Zaihmingthanga speaker-a hmangin Biak Inah Crusade neih a ni dawn a. Branch Day ni tak, Oct. ni 22 Inrinni tuk hian veng chhung thianfaiin hnatlang neih a ni bawk ang. Kum danga kan lo tih thin tawh angin, October ni 26, nilaini-ah thisen pek runpui neih a ni dawn bawk. Durtlang Presby. Hospital-a thawktuten thisen hi an rawn la dawn a ni.

Kohhranin Bethel a buatsaih dâwn

Presbyterian Kohhran College Veng chuan, Pavalai Pâwl bultumin Oct. ni 22, Inrinni hian Pachhunga University College ramah Bethel a buatsaih dawn a. Kohhran mi zawng zawng bethel-ah hian tel turin an sawm a ni. Chawhma dar 10:30-ah Biak Inah kim tur a ni a, dar 11-ah bethel-na hmun tur lamah a huhoa chhuah tur a ni ang.

Lawrkhawm

• Nilaini zan inkhawm khan kohhran dang atangin mi pakhat lawm luh a ni a, pem dawnsawn chhungkaw khat an awm bawk.
• zan dar 7-ah hian Pu H. Lalduhsanga, Upa Bial 8-na inah Evangelical Cell te chuan home crusade an nei dawn a, Evangelical Cell member leh, KTP member a tam thei ang kal tura ngen kan ni. Home Crusade neih tur hi Pu F. Lalhmangaihsanga’n a hruai ang.
• Member-te thahnemngaihna leh inpêkna zarah Bible ziak chhuah a ni ta a, tunah hian chilh khawm mek a ni

Naupang Khawmpui neih zawh a ni ta

Venghlui Pastor Bial Naupang Sunday School Inkhawmpui chu neih zawh a ni ta a. A pumpuiah Venghlui pakhatna niin, kan veng, College Veng chu pahnihna kan ni a, Aizawl Kohhran pathumnaah an awm.

Venghlui Kohhranah Beginner leh Junior Dept ten inkhawmpui an nei a. Chawhmaah Beginners ten intihsiakna neiin, kan veng chu pakhatna kan ni. Chawhnua intihsiakah hian, Junior Dept-ah kan veng chu pathumna kan ni thung. Kan Kohhran Biak Inah Primary leh Inter & Sacrament ten intihsiakna an nei thung a. Primary hi pakhatna an ni a, Inter & Sacrament hi pahnihna an ni.

Kan Kohhran hian tun Pathianni lo awm turah hian Senior Meet kan thleng dawn bawk a, hemi atan hian inbuatsaihna kalpui mek a ni a. Kan Kohhran senior dept. te hian Pu Vanmawia (L) phuah 'Ram eng mawi' hlapui rem an tum a, an zir ngawrh hle.

Ramthar Ni

31 (Nilaini) hi Ramthar Ni a ni a, Mizoram Presbyterian Kohhran tan Ni pawimawh bik a ni. A chhan chu Mizorama Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni a nih vang a ni.

Kum 1972-a Mizoram Synod Inkhawmpui chuan, Synod Ramthar Board-in, ‘August ni 31, Pu Zosaphluia Mizorama a lo thlen ni hi Synod Ramthar Ni atan hman ni se’, tia a rawtna chu pawmin kum 1973 atang khan August 31 chu Ramthar Ni atan hman tan a lo ni ta a ni.

Fehchhuak leh Kohhran News

Kan member Pu Reuben VR Beiseia, Nl. Lalhmangaihi Sailo, Tv. Zohmingthanga, Nl. Remruatfeli Chhangte te telna Soldier For Christ chuan Chawngte P-ah rawngbawlna an nei dawn a. Zirtawpni tlai khan an rawngbawlna tur hmun panin an chhuak. Kan tawngtainaah kan hre reng dawn nia.

Nilaini zan khan Baptisma chang thar mi 6 an awm a, kohhran dang atanga kan kohhrana rawn lut, baptisma chang pakhat a awm bawk.

August Thla Faith Promise

HIV/AIDS-a harsatna nei tan

CKTP-in min ngen angin kan Branch/Veng huam chhunga HIV/AIDS chungchanga mawhphurna la bik deuh turin Tv. Rochungnunga Branch Committee ruat a ni a. HIV/AIDS chungchanga harsatna emaw zawhna nei chuan a hnenah emaw, phone no. 8974772906/9862658082-ah emaw, achunga2@gmail.com ah emaw biak pawh theih reng a ni.

Inkhawmpui inbuatsaih

Naupang Sunday School inkhawmpui a hnai chho zel a, Department hrang hrangte pawh intihsiakna tur zirin an bei ngawrh tan hle. Kar kalta chhung khan Dept. tam tak chuan zing karah intihsiakna tur an zir a, Inrinni khan nilênga zir a ni bawk. Sunday school inkhawmpui inpuahchah a tul avang hian KTP Fellowship pawh neih rih loh a ni.

KTP member intlawh

Tunlai hian kan Branch KTP member-te Branch hruaituten an tlawh chhuak mek a. Branch hian kumin hian Inkhawm Uar a puang a, hemi bawhzui nan hian intlawhchhuah hi neih a ni. Tin, Branch member hmun danga awm chhuak turte hruaitute hnena inhriattir theih thin nise a duhawm hle ang.

Tleirawl Chawhnu Inkhawm sports

Pathianni Tleirawl Chawhnu inkhawmte chuan Aug 7, Pathianni chawhnu atang khan sports an nei tan a. Field items leh indoor items hrang hrang tih a ni tawh a, eng emaw zat tih tur a la awm. Zirtawpni zan khan Debate, Solo leh Duet hmang tein inelna neih a ni a, mi eng emaw zat hemi zan hian an inkhawm a, tun Ningani zan hian sports hi neih chhunzawm leh a ni ang.

Pem lehkha chhiar

Tun Nilaini zân inkhawm khan kan kohhranah chhungkaw Pathum pem lehkha chhiarchhuah a ni a, Pu C.N Sailo te chhungkua member pathum, Pu Lalthakunga te chhungkua member pali leh Pu Vanrotluanga te chhungkua member panga te an ni. Kan kohhran tan mi tangkai tak an nih kan beisei.

Aizawl East Presbytery Meet zo ta

Aizawl East Presbytery Meet chu Zirtawpni zan atang khan Salem Veng Kohhran Biak Inah neih tan a ni ta a. A thlengtu Kohhran Biak In leng loin Zirtawpni zan hian inkhawm an awm nghal. Hemi zan hi Report inkhawma hman a ni a, Aizawl East Presbytery huam chhunga Bial KTP hrang hrangte chanchin report ngaihthlak a ni. Kan Branch atang pawhin mi eng emaw zat an inkhawm thei.

Inrinni nileng khan seminar neih a ni a, chawhmaah ‘Hruaitu Mawhphurhna’ tih thu Upa Lalrinmuana, CKTP Gen. Secretary chuan a sawi a, chawhnuah Pu Lalnghinglova Hauzel, CKTP Comt. Member hnen atangin ‘Thalaite leh Tunlai Khawvel’ tih ngaihthlak leh a ni. Nizan khan Rev. Zosangliana Colney, Executive Secy. i/c KTP hnen atangin Meet thupui ‘Thalaite Kohhran Nghahfâk’ tih chu ngaihthlak a ni a, a hlawkthlak hle.

Inrinni zan atang khan Speaker Rev. Zosangliana Colney hnen atangin thupui - 'Thalaite - Kohhran Nghahfak'tih ngaihthlak tan a ni. Pathianni chawhma, chawhnu leh zanah te Meet thupui hi ngaihthlak chhunzawm a ni a. Chawhnu inkhawmah hian kan kohhran zaipawlte an zai.

Chawhma, chawhnu leh zan inkhawm banah te inpawlhona neih a ni a, an hall a lian vak lo bawk a, an khat thei hle.

Inrinni khan Pathianni Tleirawl Inkhawmin sports an neih avangin Branch Committee member engemaw zat chu seminar-ah an tel tluan thei lo va, Pathianni hian naupang inkhawmpui tur atan inbuatsaihna kal chhoh lai a nih avangin zirtirtu eng emaw zat an kal lo bawk. Salem Veng Biak In hi a lian vak lo va, kawtzawl (bathlar) a zau thung a, Pathianni zan khan bathlar leh hulhliapa leng lo inkhawm an awm. Inpawlhona lamah item nei tura tih ten thiam takin an ti a, an fakawm hle. Presbytery Meet hi hi kum khat dana neih a ni a, kum 2013-ah neih leh tur a ni dawn a, a thlengtu tur la ruat loh a ni. Venghlui Bial emaw, Bethlehem Bial emaw, ITI Bial emaw te dawng thei tur hnai vai ber an ni a, kan Kohhran pawhin kan dawng thut thei a ni.

Lawrkhawm

Tun Nilaini zân inkhawm khan thunun tawk mi pali te lakluh an ni a, hemi rual hian UPC atangin member pakhat kan kohhranah lawm luh a ni bawk. Kohhran tan mi tangkai tak ni turin kan beisei a ni.
Soldiers For Christ Team-te chuan tunkar lo awm turah hian Lawipu kohhranah Gospel Crusade an nei ang, kan kohhran atangin Nl Lalhmangaihi Sailo leh Pu Reuben V.R. Beiseia te an tel ve ang. Tin, Krista Thupuangtu Team-te pawhin August ni 13 atang hian Mualvûmah Gospel Crusade an nei bawk ang a, kan kohhran atangin Tv C. Malsawmzuala leh Pu Chalhmingthanga te an tel bawk ang.
Ramthar Committee chuan Dibong-a biak in sakna tur thawhlawm ip kohhran in tinah a rawn sem dawn a. Kohhran mipuite pawhin kan theih ang tawkin tan i lo la ang u.
Beihrual thla a hnai tawh a, Kohhran chuan Beihrual thla hman dan tur a ruahman tawh a. September 5 leh 12, Thawhtanni zante hian KTP ten an inkhawm pangngaiah Beihrual thupui an zir ang a, September 6 leh 13, Thawhlehni zanahte Kohhran Hmeichhia ten Beihrual thupui an inkhawmah an zir ang. September 21-25 chhung hian Kristian Chhungkaw Campaign neih a ni ang a, speaker-ah Rev. Vanlalbela hman a ni ang. Tin, December thla hian kan Kohhran chuan Evangelistic Team, Upa LH Rohmingliana hmanga crusade neih a rel bawk.

KTP COMMITTEE VAWI 9-NA

August ni 11 zân khan Kohhran Committee Room-ah KTP committee vawi 9-na neih a ni a, chuta thurel hrang hrang te chu-
1. Mission Veng Branch ten ‘Veritas Workshop’ an buatsaih turah Branch KTP-te chu tel ve tura an sawm angin Pu Lalthangvunga Sailo Branch Secretary leh Tv Rochungnunga Committee member-te chu tel ve tura ruat an ni.
2. Aizawl East Presbytery Meet thlengtu tanpui nan Branch Committee chuan Rs 1,000 pek ve nise a ti.
3. Central KTP atanga HIV/AIDS dona kawnga buaipuitu tur bik inruat tura ngenna lo kalah Tv Rochungnunga Branch Committee member chu hemi atan hian ruat a ni.
4. Branch KTP dincham (Branch Day) Oct ni 22-a lo thleng tur lawm dan tur chungchang ruahmanna hetiang hian siam a ni:-
i) Activities Calendar-a lo dah tawh angin Branch Day-ah hian Thisen pêk (Blood Donation) runpui neih a ni dawn a, a pêkna tur atan Presbyterian Hospital Durtlang chu thlan fel a ni a, hemi ni hian a remchan chuan Blood donation Campaign neih tum a ni bawk.
ii) Branch Day lawmna pualin thalai pual bik deuha Crusade neih ni se tih a ni. Kohhran Committee-ah thlen leh phawt tur a ni ang.
5. Branch Committee-in a lo rel tawh zaipawl hla zirnaa Group kal tha ber kum chanve lawmman pêk chu a hun atan Matthaia Group Nite, August ni 29-ah ni se tih a ni.
6. KTP hminga Ramthara kutthlak tih chu Ramthar Committee-te zai ngai zelin kum tawp lamah Work Camp nei thei tura beisei a ni.
7. Kohhran Secretary hnen atanga thu dawn KTP Inkhawm hun September ni 5 leh ni 12 zânah te Beihrual thupui zir tih chu zir tur a rel a ni.

Aizawl East Presbytery neih a ni dawn ta

General Conference neih loh kuma neih thin, KTP Presbytery Meet chu Aizawl East Presbytery chuan tunkar Zirtawpni zan atang hian Salem Veng Kohhran Biak Inah a nei tan dawn a. Thupuiah ‘Thalaite Kohhran Nghahfak’ tih hman a ni a, Rev. Zosangliana Colney, Executive Secretary i/c KTP chuan a sawi ang.
Tun tum hi meet vawi hnih hmanna tur a ni a. Synod Inkhawmpui chuan KTP Presbytery Meet hi KTP General Conference kum khat dana neih a nih tak avanga nei turin a rel a. Kum 2009 atang khan Mizo Synod hnuaia Presbytery hrang hrangte chuan Presbytery Meet hi an hmang tan a, kumin hi a vawi hnihna tur a ni. Kristian Thalai Pawl Aizawl East Presbytery Meet hmasa ber kha Republic Kohhranin hneh takin an thleng a ni.

KTP Aizawl East Presbytery Meet programme thenkhat:
Aug 12 (Zirtawpni) dar 7:00 pm : Palai Lawm & Report
Hruaitu : Pu Lalbiakkaia Sailo, Chairman
Reports : Bial tin Secretary & Presbytery Meet Secretary

Aug 13 (Inrinni) chawhma dar 11:00 : Leadership Training
Hruaitu : Pu K. Lalremsanga, Comt. Member
Thupui : Hruaitu Mawhphurhna
Sawitu : Pu R. Lalhmingthanga, CKTP Comt. Member

(Inrinni) chawhnu dar 1:30 : Thupui Zirho
Hruaitu : Pu Vanlaltlana, Comt. Member
Thupui : Thalaite leh tunlai khawvel
Sawitu : Pu Lalnghinglova Hauzel, CKTP Comt. Member

Inrinni zan dar 7:00 : Pathian Biak Inkhawm
Hruaitu : Tv. Thangliana, Fin. Secretary
Thusawitu : Rev. Zosangliana Coney, Speaker
Thupui : Thalaite Kohhran Nghahfak

Inrinni zan inkhawm bân atangin Fellowship Programme a awm ang:
Inrinni zan Fellowship
Hruaitu : Pu Lalremsiama, Comt. Member
Solo : Nl. Melody Zothansangi, Republic Vengthlang
Live Band : Venghlui Br.
Female Voice : Upper Republic Branch
Solo : Nl. Lalnuchhungi Sailo, Bethlehem Venglai
Musical Drama : ITI Vengchhak Branch
Kan Kohhran Zaipawl chu Pathianni chawhnu inkhawma zai tura beisei ka ni. Inrinni chawhma leh chawhnu programme te hi Branch tina Branch Committee Member chinte pual a ni a, ngai pawimawh theuh turin kan inngên a. Kristian Hla Bu leh 2010 KTP General Conference Hla Bu hman a ni ang.

July thla Kohhran Sum

Bial KTP hruaitute Training

Kum 2011, KTP Rorel Inkhawm, Bethlehem Kohhran Biak Ina neihin a lo rel tawh angin tunlai hian Zoram hmun hrang hrangah Bial KTP hruaituten training an nei mek a. He training-ah hian Presbytery 3/4 huam chhunga thalai hruaitute pualin hun hman thin a ni a. Keini Presbytery tel vena pawh ni 5.8.2011 (Zirtawpni) khan Aibawk Presbyterian Kohhran Hall-ah he training hi neih a ni. Pastor bial 19 atangin Bial thalai hruaitu mi 115 an tel thei.
Training-ah hian heng thupuite hi zirho an ni:
1. Kristian Thalai Pawl sum vawn dan inkaihhruaina
Ziaktu : T/Upa Lallianmawia, CKTP Comt. Member
2. HIV/AIDS chungchang
Ziaktu : Pu Lallianzuala, Consultant (UNICEF), MSACS
3. Branch, Bial leh Central thawhhona chungchang
Ziaktu : Tv. Vanlalhruaia, CKTP Comt. Member
Tlaiah a thlengtu kohhranin training kalte pualin zanriah an buatsaih bawk.

July Thla Faith Promise

Gourp leh Challenger sum Audit

Pathianni hmasa tlai dar 3:00 khan Group KTP leh Challenger sum kum chanve audit neih a ni a, sum fel taka vawn vek a ni. January atanga July 2011 chhunga Group leh Challenger sum dinhmun:

Naupang SS Inkhawmpui

Ni 27, July, Nilai zan Inkhawm bân khan kan Kohhran Sunday School Committee chu Kohhran Committee Room-ah thut a ni a, hetah hian Bial Sunday School Committee atanga Naupang Inkhawmpui chungchanga hriat tur tul lehkha lokal te sawihona hun leh Naupang Inkhawmpui inbuatsaihna atana Department tinte sum mamawh zat tur chungchangte relho a ni.
Department tin ten an sum mamawh zat an sawi chu Kohhran Committtee lamah thlen leh phawt tur a ni ang. Intihsiakna hun tur leh hmun tur chu hetiang hi a ni ang.

Beginner
A hun: Sept 11, 2011 @ College Veng (10:00 am)
Inter & Sacrament
A hun: Sept 11, 2011 @ College Veng (1:30 pm)
Primary
A hun: Sep 11, 2011 @ Venghlui (10:00 am)
Junior
A hun: Sept 11, 2011 @ Venghlui (1:30 pm)
Senior
A hun: Sept. 18, 2011 @ College Veng (10:00 am)
Chawhma leh chawhnu Inkhawmah hian thawhlawm a awm zel ang. Naupang inhriatpawlh a awm theih avangin Beginner leh Primary Deptt tan rawng hrang theuhin badge siam a ni ang a, College Veng Kohhran - Rawng hring, Venghlui Kohhran - Rawng sen, Aizawl Kohhran - Rawng pawl te a ni ang. Mimal item nei turte chu August ni 14 aia tlai lovah mahni Kohhran Sunday School Secretary-te hnenah Deptt tin ten hriattir ni se. Senior Meet chu kal thata inel tur a nih avangin Sept ni 4 Sunday School Total enrollment chu hemi ni vek hian SS Secretary-te hnenah ziaka thehluh tur a ni ang. Endiktu leh Tabulator turin Kohhran tin atangin mi pahnih theuh ruat tur a ni a, keini Kohhran atanga tel turte chu ruatfel an ni tawh a ni.
Senior Deptt hi meet anga a kal dawn avangin an sum mamawh pawh tam deuh tura beisei a ni. Naupang Inkhawmpui huna inkhawm tantu turte chu mahni Deptt-in an ruat dawn a ni.

Pem dawnsawn

Nilaini zan inkhawmah khan pêm dawnsawn a ni a. Pi Lalbiaknemi te chhungkua chu Chhinga Veng East Kohhran atanga kan Kohhrana an rawn pêmna lehkha chhiar chhuah a ni. Upa Bial 7-naah an khawsa mek a ni.

R. Lalmuanzovi thlah

Tun Pathianni chawhnu khan Nl R. Lalmuanzovi d/o R. Sangkunga leh a thian te Orissa state-a missionary-a kal turte chu Dinthar kohhran Biak Inah thlahna hun hman ni.

Matthaia Group Nite

Tun Nilaini zan Programme Sub-Committee thu chuan, Group Nite neih hun tur chungchang a ngaihtuah a. Matthaia Group chu Group Nite nei hmasa ber tura beiseiin, a hun turah August 29 (Thawhtanni zan) a ruat. Group hruaitute a theih chuan hma la nghal turin a beisei a. Programme hi Group-ina a ruahman tur a ni dawn a ni.

Chawngheiin tawngtai dawn

KTP Rorel Inkhawmin a lo rel tawh, ram pum huapa member hlate puala chawnghei tawngtai neih tur chu kan Branch chuan vawiin, Thawhtanni tlai hian kan hmang ve dawn a. Neih hun tura CKTP-in a lo ruahman tawh chu Bial Programme nena a insut buai avangin a hun hi August thla ral hmaa neih nise, tiin Bial KTP chuan a rel a. A rel angin kan Branch chuan vawiin tlai dar 5:30-6:30 chhung hian kan nei dawn a, Thawhtanni zan inkhawm pangngaiin a zui ang.

Retreat cum Leadership Training neih a ni

College Veng, July 24: KTP kumtir committee-in a lo rel tawh angin kan Branch KTP, Sub- Committee leh Group Committee Member zawng zawngte huapin kum chanve intuaitharna leh leadership training chu Zirtawpni zan atanga nizan thleng khan neih a ni a. He hunah hian Rev. Remlalfaka, Lecturer, Missionary Training College chu Resource Person-a hman a ni.
Zirtawpni zan khan Intuaitharna hun hi hman a ni a. T/Upa TL Haungura, Asst. Leader chuan inkhawm a kaihruai a, Resource Person Rev. Remlalfaka’n thuchah a sawi. Inkhawmnaah hian Pathian hnena inhlantharna hun hman a ni a, hnehna puanchhuah a ni bawk.

Inrinni hian hun hnih anga hman a ni a. Chawhma dar 11:00 atanga 12:00 chhung khan Intuaitharna hun hman leh a ni a, he hun hi Pu C. Lalrinawma, Finance Secretary-in a kaihruai a, Resource Person hnen atangin Pathian thuchah ngaihthlak leh a ni a. Chawhnu hun hi dar 1:00 atang tlai dar 3:00 thleng khan neih a ni a, Pu F. Lalhmuchianga, Treasurer-in a kaihruai. Chawhnuah hian Leadership Training neih a ni a, hruaitu nih pawimawhna leh a tih tur hrang hrangte ngaihthlak a ni.

Nizan inkhawm kha Kohhran chuan hun pein, hetah hian Rev. Remlalfaka hian thuchah a sawi a ni. Retreat cum Leadership training hi a kalten hlawk thlak an ti a. Zirtawpni zan khan vengchhungah chhiat tawk an awm avang duhthusamin kal an tha lo a, mi 70 lai an tel thei a, Inrinni khan chawhmain mi 71, chawhnuah mi 68 an kal. Kal tura beisei zat erawh chu 150 a ni.

Chatuan ram pante

Pu Robert Lalduhzuala (Kum 27) s/o Pi Lalsangluri chuan ni 12.7.2011 zânah anmahni chenna in ah inawkhluma hmuh a ni.

Pu Vanlalchhawna (Kum 40) h/o Pi Lalbeiseii chuan ni 15.7.2011 zing dar 2:45 khan thin thalo avângin chatuan ram min pansan ta.

Pi Siamliani (Kum 93) Pi Thanglianchhungi nu, Pu Jonathan L.Sailo pi chu anmahni chenna inah khawsik avângin tukin Pathianni zing khan a thi.

Leadership Training & Retreat

July 22, Zirtawpni zan atanga a tûk, Inrinni nilêng hian Kristian Thalai Pawl, College Veng Branch chuan kum chanve Intuaitharna leh Leadership Training a buatsaih dawn a. Hetah hian Rev. Remlalfaka, MTC Lecturer chu Speaker leh Resource Person-a hman a ni dawn a. Group Committee member chin chu tel ngei tura ngen leh hriattir kan ni a. Hemi atan hian hun lo insiam lawk tura hriattir kan ni bawk e.

Rawngbawlin chhuak

Kan Kohhran mi Tv C. Malsawmzuala leh Pu Chalhmingthanga te telna ‘Krista Thupuangtu’ team-te chuan NE Khawdungseiah Gospel Camping chhawng hnih neiin rawng bawlna an neia, Kohhran miten kan tawngtainaah i hre reng ang u.

Missionary-in kal

Nl R. Lalmuanzovi d/o R. Sangkunga chu Orissa For Christ hnuaiah Missionary hna thawk turin a kal dawn a, hetiang rawngbawlnaa inpe kan kohhran mi an awm hi kan lawm tak meuh meuh a, Kohhranin amah thlahna thilpek chu zanin inkhawmah a hlan ang. August ni 4 hian a thawhna tur lam panin a chhuak ang a, kohhran mipui ten kan tawngtainaah i hre reng ang u.

Branch KTP Committee neih a ni

July 14 zan khan KTP Branch Committee chu Committee room-ah neih a ni a, heta thurêlte:

1. Branch Kumpuan ‘Inkhawm Uar’ bawhzuina tur leh thalaite kohhran inkhawma kan that leh zual theih nana hmalakna turte ngaihtuah a ni a. Hetiangin-

i) August thla chhungin Branch Committee ten KTP member-te tlawhchhuahna hun hman ni se, group rukah inthenin, Branch O.B. te chu group tin leader-ah awm se tih a ni a. Tin, member tlawhchhuah hunah hian tawngtai thin ni se tih a ni. Member tlawh tur bial then dan tur chu Branch Secretary ten ruahmanna an la siam ang.

ii) Branch kumpuan bawhzui nan hian hun remchangah veng dang atanga hun rawn hmangtu tur, thusawi mi emaw, zaithiam emaw sawm tum a ni a, secretary-ten a remchan dan angin an lo buaipui ang.

iii) Branch kumpuan bawhzuina chi khat atan August ni 18, zan inkhawm atangin inkhawm kal chhiar dan tih danglam a ni dawn a, member nawlpui inchhiarna bakah Group O.B. leh Group Committee member-te a hrana chhiar thin a ni tawh ang.

Kohhran kum chanve Sum Audit Report

Kan Kohhran committee pêng hrang hrangte sum lakluh leh hmanral kum chanve audit (Dec. 2010 - June 2011) neih a ni, hetiang hi audit report a ni.

Kohhranpui
	Lak luh	Hman ral	Balance
Tualchhung	3,210,004	724,599	2,485,405
Bank account	2,434,782
Synod Sum	2,995,705
Kohhran Hmeichhia
Lakluh	Hmanral	Balance
194,108	92,845	101,263
Kristian Thalai Pawl- KTP
Lakluh	Hmanral	Balance
363,891	301,844	62,047
Ramthar
Lakluh	Hmanral	Balance
660,602	548,149	112,453
Masihi Sangati
Lakluh	Hmanral	Balance
12,009	8,519	3,490
Pawisa fai kuta awm
50,623

Challenger Issue 28

Challenger Issue No. 28, July ni 3, 2011 chhuak chhiar duh tan hetah

Health and Hospital Sunday

Vawiin hi Mizoram puma Presbyterian Kohhran ni pawimawh, Hospital leh Health Sunday a ni a, Mizoram pumah he ni hi serh a ni ang a, chawhnu leh zan inkhawmah te hun hman a ni ang.

Hospital Sunday hi kum 1928 atang khan hman tan a ni a, kum 1981 atang khan July Pathianni hmasa ber hi ni bik atan hman a ni ta a ni.

Kum 1985 Synod Inkhawmpui thu angin 1988 atang khan January Pathianni hnuhnung berah Phâr Pathianni (Leprosy Sunday) hman thin a ni a (Gen. 27). Kum 2004 Synod chuan phâr pual chauh ni lovin natna dangte pawh huamin ‘Health Sunday’ tiin a thlâk ta a (Gen. 3). Kum 2006 atang khân Health Sunday hi hman tan a ni.Hospital Charity Fund atan a ni ang.

Hospital-in kum 2010 - 2011 chhunga a sum hmuh zawng zawng chu Rs. 16,22,05,806.60 a ni a, hemia Rs. 1,24,30,000.00 chu Synod Grant a ni a, Rs. 14,73,42,280 hi Hospital-in a dehchhuah a ni a, a bak Rs. 24,33,526 hi thilpek a ni. Hemi kum chhung veka hman ral chu Rs. 16,16,28,991 a ni a, a hming chuan Rs. 5,76,815 hman bang a la awm a ni. Kum 2001-ah SEC-in Hospital chu thawktu hlawh leh mamawh dangte intum tura a lo ruahman angin tunah hian hlawh leh nitin mamawh chu a thawkchhuak thei tawh a, Synod Grant hmanna hi chu in sakna, khâwl leina leh rethei tanpuina - Charity Fund atan a ni. Charity Fund-ah Rs. 46,16,841 zet hman a ni chungin 31st March, 2011 account khar kha chuan damlo awm man pe thei bat tlingkhawm hi Rs. 1,49,61,777 a ni.

Damdawi In chanchin Tlangpui
Khum awm zat
Damdawi Ina	Hospice	Total
300	20	320
Thawktu nghet awm zat
Doctor	Nursing Staff	Thawktu dang	Total
27	105	107	239
Thawktu nghet lo awm zat
Doctor	Nursing Staff	Thawktu dang	Convenant year	Total
3	64	41	31	139

Tawngtai pui ang u

BD Zir tum...

Kan member Tv. Lalhmangaihzuala S/o H. Lalremliana chuan Allahabad Bible Seminary-ah Bachelor of Divinity zir tumin, nimin khan Allahabad panin Aizawl a chhuahsan a. Test la nei tur a ni a, a hlawhtlin ngei theih nan i tawngtaipui ang u.

Rawngbawla chhuak kal chhuak

Rawngbawla chhuak turte:-

1. Pu Chalhmingthanga leh Tv. C. Malsawmzuala te team, Krista Thupuangtu Team te chu NE Khawdungsei-ah rawngbawl nei turin nimin khan an chhuak.
2. Nl. Lalmuanzovi D/o R. Sangkunga chu Orissa for Christ hnuaiah missionary-in a kal dawn a. A kal hun tur hi la tihchian tur a ni. Kohhran mipuiten i tawngtaipui ang u.

June thla Faith Promise

Thusepsel

Nilaini zan inkhawm khan Pu PC Lalbeiseia te chhung pem lehkha chhiar a ni a. Anni chhungkua hi Khawruhlian atanga rawn pem an ni a, Upa Bial 1-na huam chhungah an chêng mek.

Kan Kohhran mi Tv. Lalhmangaiha te telna team Riangvaite Thian Team chu Tlabung-ah Finance campaign neiin an kal mek a, Kohhran miten i tawngtaipui ang u

Zirtawpni atanga Pathianni zan thleng awha Synod Revival Team Retreat, Chaltlang Kohhran Biak Ina neihah, Venghlui Pastor Bial Zaipawl te chu Pathianni chawhma khan an zai. Synod hnuaiah hian Revival team 70 an awm mek

KTP Half Yearly Meet zawh a ni ta

Kristian Thalai Pawl, Venghlui Pastor Bial chuan Zirtawpni zan atang khan Venghlui Kohhran Biak Inah Half Yearly Meet nei tanin, Pathianni zan khan Meet hi a tiak.
Zirtawpni, a tan zanin Musical Nite-a hun hman a ni a, Musical Nite-ah hian Branch hrang hrang atangin item pahnih theuh neih a ni a. Kan Branch atangin Live Band leh Male Voice te an zai a, an zai thain an thiam hle. Inrinni khan KTP thil tum palite hmangin seminar neih a ni a, T/Upa Dr. C. Zarzoliana, CKTP Asst. Secretary chu resource person-a hman a ni. Inrinni zan, Pathianni chawhnu leh Pathianni zan te khan Meet hi chhunzawm a ni a. Inrinni zan leh Pathianni chawhnu te khan kan Kohhran Zaipawl an zai a, Pathianni chawhnuah hian kan Branch Leader Pu R. lalhmunsanga'n Pathian thuchah, 'Beiseina' tih thupuia hmangin a sawi.

KTP HALF YEARLY MEET NEIH TAN A NI TA

KTP Venghlui Pastor Bial Half Yearly Meet chu June ni 24, Zirtawp zanah Venghlui Kohhran Centenary Hall-ah neih tan a ni ta a, Pathianni zan thleng hun hman a ni ang. Kum dangah pawh heti ang hun hi hman thin a ni a, kumin atang hian 'Half Year Meet' tih thin chu, Bial KTP Conference rel angin, 'Half Yearly Meet' ti-a thlak a ni.

Half Yearly Meet hi Musical Nite-a hun hmangin bul tan a ni a. Pu V. Lalnghaksanga, Bial Comm. Mem.-in a hruai a, kan Branch Treasurer, Bial Asst. Leader ni bawk Pu F. Lalhmuchianga'n thuchah tawi 'Ringtu nun kawng' tih a sawi. Kan Branch atangin, Live Band leh Male Voice, Venghlui atangin Instrumental Music leh Female Voice, Aizawl Br. atangin Live Band leh Male Voice (Acapella) te neih a ni. Inkhawm kal lai leh inkhawm laiin ruah a sur nasa a, heti chung hian member kal a tha thawkhat hle.

Vawiin chawhma leh chawhnu hian 'KTP Thiltumte' tih thupuia hmangin seminar neih a ni dawn a, Central KTP Asst. Secretary T/Upa Dr. Zarzolianan hun a hmang ang. Session hnih- 11:00- 12:00 leh 1:00 - 2:30 P.M. -ah then a ni a, kan Branch Secretary, Bial Comm. Member ni bawk, Pu Lalthangvunga Sailo-in Seminar hi a kaihruai ang.

Zanin inkhawmah Tv. Vanlalvuana, Bial Treasurer-in thuchah a sawi ang a, Kohhran pathum atangin Zaipawl a awm bawk ang.

Bial KTP Committee thu

June ni 16 ningani zanah KTP Venghlui Pastor Bial Committee vawi 5-na chu, Aizawl Kohhran Committee room-ah an thu a, an thurel tlangpuite chu:-
1) Central KTP buatsaihin, Aug. ni 4-ah Aibawk Kohhran Biak Inah Bial hruaitu training neih a ni dawn a, kan bial KTP OB-te pawh an tel ang.

2) KTP Rorel Inkhawm, Bethlehem Kohhran Biak Ina neihin a lo rel tawh, 'Biak In thleng pha lote puala chawngheia tawngtai' nise tih chu July ni 11 zanah hman tur a ni a. Hemi hun Bial Programme nen a inrual avangin, August thla ral hmain Bial chhung Branch ten mahni remchan dan anga hman nise, tiin a rel.

3) Kum 2012 hi Bial KTP Ruby Jubilee (kum 40-na) a ni a, a lawm dan tur ngaihtuahtu Ruby Jubilee Celebration Committee din a ni, hruaitute chu-

Chairman: Pu Lalrosanga Khiangte

Secretary: Tv. Benjamin Vanlalliana

Members: Pu R. Lalhmunsanga, Pu Lalthangvunga Sailo, Pu K. Lalruatpuia leh Pu V. Lalnghaksanga te.

Pavalai Camping hlawhtling

Kan Kohhranin a vawi khat nâna Pavalai Gospel Camping kâr khat chhûng a buatsaih chu, June ni 10 tûk khân an chhuak a, campers an hlim hle. Kohhranin Camping a buatsaih hmasak ber, kum 1981-a kan lo rawih tawh 'Evangelistic Team' ten rawngbâwlna an nei a, speaker hi Upa L.H. Rohmingliana a ni a. Ani leh member mi 10 te an rawn riak lut a, June ni 12 Pathianni thleng an châm a ni.
Camping-ah hian inziak lut zawng zawng chu mi 77 an ni a, awm tluan thei lo mi 4 leh lâng-a kal mi 2 an awm. Vêng dang mi 5: ITI- 2, Venghlui-2 & Republic-1 an awm a, Kohhran dang 1 (UPC-NEI) a rawn lût bawk. Camping sênso hi cheng sing li, sang sarih chuang awrh chauh a ni.

Pavalai Camp chhuak tate hi an phûr hlê a; June ni 17 zirtawp zanah Gospel Centenary Hall-ah an lêngkhâwm a, mi 70 chuang an tel a ni.

Branch KTP Committee vawi 7-na neih a ni

June ni 9, 2011 ningani zan khan Branch KTP Committee vawi 7-na chu Pu C. Lianchhuma inah neih a ni a. Thurelte chu:-

1) Half Yearly Meet item neih tur: June ni 24-26-a Venghlui Kohhrana neih tur Venghlui Pastor Bial KTP Half Yearly Meet lo awm tura Branch aiawha item nei turte- Ni 24 zirtawp zana Musical Nite neih turah Male Voice leh Live Band; Fellowship hunah Solo- Nl. Mercy Lalrinkimi (Br. Sports-a 1-na) leh Short Play- Marka Group.
2) Guitar stand lei: Property Sub-Comm thu thlen zinga mi Guitar stand lei remtih a ni.

3) General Conference Hlabu cover design theih: Central KTP Gen. Secy hnen atanga thu dawn angin, kum 2012 KTP General Conference (Thenzawl) Hlabu cover design theih chu memberte zingah tel ve duh an awm theih avangin zau zawka puan.

Hengte bakah hian Branch Sports neih zawh tak chu thlirletna neih a ni bawk.

May 2011 Faith Promise

Missionary-in kal dawn

Nl. Ramdinmawii Khiangte Missionary-in kal dawnNl. Ramdinmawii Khiangte D/o Rothianga Khiangte chu Missionary Evangelist Teacher hna thawk turin June 7, Thawhlehni hian Lengpui Airport atangin Kolkatta a pan ang a, Kolkatta atangin rêlin a thawhna tur hmun lam a pan zel ang. A thawhna tur hmun hi Emmanuel Hospital Association hnuaia school pakhat Kg. I to X thleng awmna a ni a, a address kimchang chu hei hi a ni:
Ramdinmawii Khiangte
Emmanuel Public School
Chinchpada - 425417
Tel: Navapur
District: Nandurbar, Maharastra
Zanin inkhawmah hian amah thlahna hun hmang nghal a ni ang.
|halaite zinga Lalpa tana sengkhawm tura missionary-a inpe kan nei thar zel hi a lawmawm a, a tan i tawngtai thin ang u.

K|P Sports 2011 chu zawh a ni ta

Sports kharna inkhawm hi Pu F. Lalhmuchianga, Branch Treasurer-in a kaihruai a, Quiz -a intihsiakna neih leh a nih hnuin Sports result hi puan a ni. A pumpuia pakhat Matthaia Group chuan Gold 13, Silver 9 leh Bronze 13 an la a, pahnihna hi Johana Group an ni a, pathumna Luka Group niin palinaa Marka Group te an ni.
Sports-ah hian item chi hrang hrang 23 hmanga inel a ni a, item \henkhatah hian a hrangin mipa leh hmeichhia inel a ni. Kumin Sports hi a tir a\angin inruahmanna \ha zawk hun a awm lo va, thil tam tak chu chawplehchilh tak taka tih a ngai a, amaherawhchu member-te inpekna a lawmawm a, kan \anrualna leh kan inpekna avangin hlawhtling takin kan nei thei a ni. Member kal \ha inchhiarnaah Matthaia Group pakhatna an ni a, Luka Group pahnihna, Johana Group pathumna leh Marka Group palinate an ni. Champion Matthaia Group hian lawmman Rs. 2000 an dawng a ni.
Group hrang hrang medal lâk dan:
Group Gold Silver Bronze Total Position
Matthaia 13 9 13 35 I
Johana 12 7 13 32 II
Luka 7 13 8 28 III
Marka 6 9 11 26 IV

KTP Sport 2011- kan zawh takah khan Matthaia Group chu Gold 13 lain kan champion a, pawisa fai India rupees in 2000 leh pen tam tak kan dawng bawk.

Aw LALPA kan lawm e,

Dibong-ah Work Camp

May ni 9 -19, 2011 chhung khan Manipur State chhunga Dibong hmunah kan kohhran mi 7 chu work camp-in an zuk kal a. Heta kalte chu - Pu C. Lianchhuma, Nl. Hmingthansangi, Isak Lalrawngbawla, Tv.Lalrothara, Tv. Jerry Lalduhawma, Pu Zokhuma leh Pu Lawmkima te an ni. Bahadurgram atangin Pu Khelendro leh Biswajit Singh te, a hmuna Evangelist awm A. Maniton Singh leh Nl. Bedamani te, Maliana (Evangelist, Rep. Vengthlang mi) ten an pui a; Dibong khuaa mi 3 hlawhfa an la bawk.Ni 14-ah Bial In hmun an lai zo hman a, ni 15 Pathianni tukah ruah a sur hnem deuh avangin an hmunlaih sa ko sâng lam a ti-min a. Lung an rem leh nghal a, hei hian hna a titamin boulder leh cement pawh a tihau tak ta deuh a ni. Ni 19, ningani-ah dam takin an rawn haw leh a ni.