K.Ṭ.P Thupui Innghahna

Thil ṭha ti atân Krista Isuaah chuan siama awmin, ama kutchhuak kan ni si a; chu thil tha tih chu kan awmna tûrin Pathianin a buatsaih lâwk a ni. (Ephesi 2:10)

Monday, September 27, 2010

SUNNA

Pu H.Hauliana (66) h/o Pi R.Lalthangi chuan 25/9/2010(Inrinni) tlai dar 6:40 khan Zunthlum natna avangin Chatuan ram min lo pansan ta, 26/9/2010(Pathianni) khan College Veng Thlanmualah vuiliam a ni.
Amah hi College Veng Presbyterian Kohhran ah Puitling Sunday School Zirtirtu tanglai a ni a. Zing tawngtai inkhawm taima tak a ni bawk. Mitthi chhungte Pathianin awmpui zelin thlamuan se kan ti, kan tawrhpui tak zet a ni.
Pu Hauliana hian a nupui, a fanu (Jennifer L. Hmar) leh a tupa a kalsan a ni.

Saturday, September 25, 2010

KTP SPORT, 2010

K.T.P SPORT, 2010 chu ava nuam zel eeem ! ! PUC Field 25/09/2010 (Inrinni)

SPORT CHHUNZAWM











Vawiin 25/9/10 (Inrinni) hian PUC Playground ah K.T.P SPORT, 2010 chhunzawm a ni a,10:00Am ah Inchhiarna neih anih hnuah Mipa Football Matthaia Gr. leh Luka Gr. ten an khel a, Matthaia Gr. te 1-0 in an chak.
Mipa Football zawhah hian Hmeichhe Football Luka leh Johana Gr. ten khel lehin, Luka Gr. ten Penalty ah 3-1 in an hneh a, Johana Gr. leh Marka Gr hmeichhia bawkin an khel leh mek.
Hmeichhe Football khelh lai hian Mipa Air Rifle Shooting neih ani a, Hmeichhe tan pawh vawiin hun remchangah Air Rifle Shooting neih tum bawk a ni.







Tin vawiin hian Luka Gr. memberte chuan September ni 6, 2010-a min boralsanta Tv.Zoramthara hriatrengnan leh sun nan BADGE DUM an bel a ni. Tv.Zoramthara hian kan Sport tanni khan Football a khel ve ani.



Thursday, September 23, 2010

BEIHRUAL TLUANG TAKIN HMAN ZEL ANI



Kan Kohhran chuan tluang takin Beihrual kan hmang chho mek zel a, 20/09/2010 (thawhtan) zan atangin Kristian Chhungkaw Hapta hmangin, nilai zan leh inrinni zan bak chu upa Bial hrang hrang mimal inah te hman tan a ni. Kan Kohhran hi Upa Bial 7-ah then ani a, Bial 3-na chu a zau deuh avangin Group a & b ah then a ni a, a Bialtu Upa Lalbiaktluanga bakah T.Upa H.Rosema’n Bial 3-na hi a pui a ni. Tunkar Kristian chhungkaw Hapta-a kan zirlai phei hi chu a pawimawhin, zir a chakawm hle a, Thalai Member lam tan pawh tel chakawm tak ani. Thalai Member tepawh a zan khatna ah hian kan kal tha ang reng viau mai, tel zui zel pawh tum tlang ila.

Monday, September 20, 2010

HRUAITU HLUI TE T-SHIRT PRESENT

Kumin kan Branch KTP SPORT,2010 tanni 14/8/2010 (Inrinni) khan College Veng Field ah Branch K.T.P Committee Memberte leh Hruaitu hluite Football Exhibition Match khelh a ni a, a hmuhnawmin a nuam hle a, kan Hruaitu hlui tepawh an lo la fit hle mai, Hruaitu hluite Branch Committee ten kan la hnehlo leh nghal. He kan Sport leh kan tanni-a kan hruaitu hluiten min tawiawm that em avangin Branch Committee chu a lawm hle a, kan Hruaitu hlui tehi 19/9/2010 (sunday) Fellowship ah T-SHIRT Present an ni. Kan Hruaitu hlui tehi an rawn kal tha hle a, Branch Leader, Tv.R.Lalhmunsanga’n Hruaitu Hlui tehi Present a hlan a ni. He kan fellowship ah hian Sports Programme hmangin Extempore Speech leh Thu Inpuansiak te neih ani.
Sport hi 25/9/2010 (Inrinni) ah PUC Field-ah neih chhunzawm leh ani ang a, Air-Gun shooting, Relay Race, Ketaminu Race, Slow Motion Race te leh Hmeichhia leh Mipa Football khelh a ni ang. Hemi Ni bakah hian 2/10/2010 (Inrinni) ah PUC Field ah bawk hun hman tur ani anga, heng PUC Field-a hun kan hman ni ah tehian member ten mahni-in Tiffin inpai theuh tur a ni ang. Kan Sport hun hi engtik ah nge kan khar dawn tih rel chian ala ni lova, kan Sport hun hrang hrang ah tehian kan hruaitu hlui tepawh min telpuia, min tawiawm zel turin kan sawm ani.
Tin, kan Sport khar zanah hian Sport Sub-Committee chuan alo rel tawh angin (a hming chu la phuah loh aniin hlimawm taka hun hman tura ruahman ani) hun kal tawh lama Incheina mizo lam emaw a thing lam emaw a inchei tura ruahman aniin, a thei remchang apiang chu INCHEINA danglam deuha inchei turin member tepawh kan in ngen ani.

Friday, September 17, 2010

SENIOR MEET

Venghlui Pastor Bial, SENIOR DEPARTMENT MEET chu 19/9/2010 (sunday) hian Venghlui Kohhran Biak Inah neih ani dawn. Kumdang ang bawkin Intihsiak ani lovang, Special Item chi hrang hrang leh Zaipawl te neih ani ang.

Tuesday, September 14, 2010

BRANCH SECRETARY THAR

Kristian thalai Pawl, College Veng Branch, Aizawl-a kan Branch Secretary tanglai Pu Laldinpuia chu Sawrkar hna hmu tharin Saiha ah a nupui fanaute nen min awmphei san tak avangin a chanvo a chelh zawm thei dawn tawh lova. Hemi chungchang hi 11th September, 2010(Inrinni) Zan Inkhawmbanah ngaihtuah a ni a.
KTP Inhruaina Dan Bung III (11) in min phalsak angin, tuna Branch asst. Secretary tanglai Pu Lalthangvunga Sailo chu Branch Secretary atan ruat a ni a, kum tawp lam te anih tawh avangin Asst. Secretary hran in ruat lovin, Branch Secretary hian Asst. Secretary chanvo pawh keng tlangin kawp mai se tih a ni.
Kan Branch secretary kalchhuak ta Pu Laldinpuia hi a hna hmuh thar avangin kan lawmpui hle rualin KTP - a kan rawngbawl hona lamah chuan kan ui tak meuh ani. a hnathawhna lam atan \awng\aipui thin ila, tin, kan Branch Secretary thar pawh i tawngtaipui ang u.

Sunday, September 12, 2010

SUNNA

Pi Engbawii kum 76 w/o Pu B.Thangdailova chu 12/9/2010 (8:50) P.M. khan Durtlang Presby. Hospital-ah Ruhseh Benvawn leh Ashtma natna in a boral. 13/9/2010 (12:00Noon) hian College Veng Thlanmual-ah vuiliam a ni ang.Mitthi chhungte Pathianin awmpuiin, vengin, thlamuan se kan duh hle a, kan tawrhpui tak zet a ni.

NPSS INKHAWMPUI ZAWH FEL ANI


Venghlui Pastor Bial NPSS Inkhawmpui chu tluang taka neih zawh fel a ni a. Sept. ni 19-ah Senior Deptt. Meet chu Venghlui Kohhran Biak Inah neih a ni ang.
Result tlangpui :
Beginner Deptt.
1st Aizawl Kohhran (269.00 marks)
2nd Venghlui Kohhran & College Veng Kohhran (263.50 marks) each
Primary Deptt.
1st Venghlui Kohhran (257.00marks)
2nd Aizawl Kohhran (250.00 marks)
3rd College Veng Kohhran (248.00 marks)


Junior Deptt.
1st College Veng Kohhran & Venghlui Kohhran (341.00 marks) each
2nd Aizawl Kohhran (332.00 marks)

Inter. & Sakramen Deptt.
1st Venghlui Kohhran (361.00 marks)
2nd Aizawl Kohhran (357.50 marks)
3rd College Veng Kohhran (351.50 marks)

A PUMPUI-AH:-
1st Venghlui Kohhran (1222.50 marks)
2nd Aizawl Kohhran (1208.50 marks)
3rd College Veng Kohhran (1204.00 marks)

Friday, September 10, 2010

N.P.S.S. INKHÂWMPUI & SENIOR MEET

Venghlui Pastor Bial Naupang Sunday School (N.P.S.S.) Inkhâwmpui chu September ni 12, 2010 khian neih a ni dâwn a, Primary & Junior Department Inkhâwmpui kan thleng ang a, Venghlui Kohhranin Beginner, Intermediate-Sakramen Inkhâwmpui leh Senior Meet an thleng ang. Kan Kohhran atangin Pu H. Biakthuama & Dr. Ramthara ten thu an endik ang a , T/Upa H. Rosema & Pu C. Lalrosanga ten hla an endik ang.

Thursday, September 9, 2010

BIAL K.T.P THUTHAR

31stAug. 2010(thawhleh) zingkarah Venghlui Pastor Bial K.T.P Committee neih a ni. Kumtir, Bial Conf.-a lo rel tawh WORK CAMP chungchang rel a ni a. Budget Rs.20,000/- chauh dah a nih avangin member te thawkchhuak tur chuan sum dinhmunin a daih dawn loh avangin Ramthar Board lam dawr aniin, Ramthar lama hlawk taka kan Budget te hman anih theihnan Karbi Anglong Mission Field-a Hamren hmuna THLANMUAL hmun tur leinan Rs.20,000/- pek aniin, a pawisa pawh hi Synod Ramthar Office ah pek luh fel tawh a ni.

Wednesday, September 8, 2010

SPORT a ropui zual zel dawn







K.T.P SPORT 2010 chu ropui takin neih chhoh zel tur ani a, Outdoor Games chu October ni 2, 2010(Inrinni) khian PUC Playground ah neih leh tur a ni. Hemi ni hian member a tam thei ang ber kal tum ila, mahni in TIFFIN pai tur a ni ang.



Tin, hemi ni hian kan Central K.T.P Hruaitute leh Synod Choir te an inkhel dawn a, kan SPORT karlak remchangah an rawn inkhel ve dawn bawk a ni. Hemi ni hian Central K.T.P Hruaitute leh Synod Choir tenen kan SPORT ho dawn a ni a, hetianga Sport hmang ho hi an la vang viau mai thei a, kan tawng ropui dawn hle a ni.



Tin, kan Sport tan ni August ni 14 ah khan kan sawm leh beisei angin Tv.Abdul Khajim chu VAIPA MIX zuar tura kan sawm angin min rawn tih hlawhtlinsak thei bawk a, a lawmawm hle. PUC Field ah pawh min rawn telpui leh ngei a beiseiawm. Ani hi kan Sport sub-Com. Secy. Pu C.Awmte-a Cousin a ni a, ama Quota in kan Sport ah hian a sumdawn tir ani.

LO THLENG


Tv.Zoramthara Ruang chu vawiin khan Lengpui Airport ah alo thleng ta. Zaninah lumen ani anga,naktuk chhun dar 12:00 ah College Veng Thlanmual-ah vui ani ang.

Tuesday, September 7, 2010

SUNNA

Kan member Tv.Zoramthara (23) Luka Group member s/o HS Vanlalfela chu 6/8/10 zan khan Kolkata ah tuiah a tla a, 8/9/10(nilai) hian a ruang a rawn thlen beisei a ni. 9/9/10(ninga) 12:00Noon ah vuiliam a ni ang. Mitthi chhungte kan tawrhpui tak zet zet a ni.

Monday, September 6, 2010

LÂWRKHÂWM

  1. Kohhranin CADS tanpui: September ni 1 khan kan Kohhran chuan Central YMA din CADS tanpui nan Rs. 5,000/- an pe.
  2. Pastoral Care & Counselling Training: Sept. ni 1-15 chhung hian kan Kohhran aiawhin, Upa Lalbiaktluanga chu SMTC, Mission Vengthlangah Pastoral Care & Counselling Training-ah a tel a, Sept. ni 1 zan, inkhawmban khan a riak lut.
  3. Bialtu MLA Pu K. Liantlinga chuan KTP College Veng Branch-te net pair 1, Volleyball net 1, football 3 min pe a, kan lawm hle. Heng sports bungruate hi quality tha chi vek a ni.
  4. Testimonial chhiar: Branch Secretary Pu Laldinpuia leh a chhungte testimonial chu Pathianni (Sept.ni 5) zan inkhawmah chhiar a ni. Hun engemawchen chu Saiha Presbyterian Kohhranah an lawi ang. Disaster Management & Rehabilitation Deptt.,-ah DFO (District Field Officer)-in Saiha District-ah a thawk a ni.

Wednesday, September 1, 2010

Lehkhabu chhiar tam lâwmman

August ni 16-22, 2010 chhûnga Literature Week neihah lehkhabu chhiar tam mi pathumte hnênah, Aug. ni 23 thawhtan zânah lâwmman pêk an ni. Lâwmman hi Pu Laldinpuia, Literature Sub-Committee-in a sem a, lâwmman hi Tv. Lalhriatzuala, Literature Sub-Committee Member tum a ni. Lâwmman dawngtute chu:-
1-na: Nl.C.Lalbiaksiami - Bu 9, phêk 1,134 - 'Thukhawchâng mi pêkte hi' by Rev. Zairema (Rs. 250/- man)
2-na: Nl.VL.Hmangaihzuali - Bu 8, phêk 1,067 - 'Rintei Zûnlêng' by Lalrammawia Ngente (Rs. 180/- man)
3-na: Nl. C.Lalthantluangi - Bu 7, phêk 910 - 'Jerusalem Lam Hawi Beihpui' by Upa Dr. C.Nunthara

Challenger i chhiar duh chuan a link-ah khian a awm e...
Synod news i chhuar duh tâkin hetah, Beihrual lo hman chhoh tan dânte pawh tarlan a ni e.