September thlaah Camping nei dawn

September thla chhung hian Kohhran chuan Camping a buatsaih dawn a, hetah hian Speaker-ah Pu Lallawmzuala Pautu, ‘Kraws Fate Team’ hman a ni ang.
Camping puipate:
Director:        Upa F. Zakhuma
Dy. Director: Upa Lalbiaktluanga
Secretary:      Pu H. Thangtluanga
Asst. Secy:    Tv. C. Lalruatsanga
Manager:      Pu Zoliana
Asst. Manager: Pu F. Lalzuithanga

Mizoram Synod Press Release

Mizoramin kawng hrang hranga hma a sawn mek laiin infiamna lamah pawh hma kan sawn ve zel a, a lawmawm tak zet a ni. Infiamna lama hma kan sawnna hi a lawmawm em em rualin Kristian ram kan nih avangin kan ni serh pawimawh, Pathianni-ah Infiamna leh intihhlimna lam thil huaihawt lo tur leh, kan ni serh pawimawh hi min zahsak hram turin Mizoram Presbyterian Kohhran chuan Mizorama cheng zawng zawngte a ngen a ni.

Sd/-                                                                                           Sd/

UPA DP BIAKKHUMA                                              REV. THANGZAUVA

Secretary                                                                               Moderator

Mizoram Synod                                                                    Mizoram Synod

Branch Committee vawi 9-na thurel ṭhenkhat

1. Branch Committee hian Evangelical Cell ten Retreat neih an rawn dil chu a ngaihtuah a, a pawmpui a, Branch Committee chinte chuan telpui a, a tam thei ang ber ṭawiâwm turin a ngên. Evangelical Cell Retreat neih hun chhung tur hi Aug 15, 16, 17 (Nilaini aṭanga Zirtawpni) thleng tur a ni.
2. Activities Calendar-a a lo dah tawh, Ramthara kutthlak chungchang a ngaihtuah a. Work Camp-a kal nise, a ti a, a hun atan November 15-18, 2012 a ruahman a, work camp hi Karimganj Pastor Bial, Barak Area-ah a ni ang. Karimganj Pastor hi Pastor JC Lalramliana a ni.

Sermon buatsaih dan seminar nei

Bial Inkhawmpui rorel bawhzuiin, Aug 4 inrinni khan kan Kohhran Biak Inah Venghlui Pastor Bial huapin ‘Sermon Buatsaih Dan’seminar neih a ni. Seminar-ah hian Rev. C. Rosiama chu Resource Person-ah hman a ni a, Venghlui Pastor Bial chhunga thuhriltute he hunah hian an tel ṭha hle a, mi za deuh thaw an kal a ni.

     Resource Person hian paper buatsaihin hei hi zirho a ni a. Sermon awmzia, sermon ṭha tehna, sermon chi hrang hrang, thuhriltu inbuatsaih dan tur chungchang te, sermon ruangâm din dan tur, sermon sawi dan, thuhriltu hriat tur pawimawh dangte tih te zirho a ni. Sermon ṭha tehnaah hian Bible-ah a innghat em tih te, Kristian thurin tlangpui mil a ni em, a ngaihnawmin ngaithlatute beng a verh em, ngaithlatute mamawh a phuhru em, ngaithlatute nun a chawk tho em tih leh kal lehna tur kawng a kawhhmuh em tih te tarlan a ni.

Presbytery-ah zai dawn

Kumin October ni 11-14 chhûnga Aizawl East Presbytery Inkhâwmpui Salem Veng-a neih turah, kan Kohhran Zaipawl chu Pathianni (Oct. 14) zâna zai tura ruat kan ni. Bial Zaipawlte pawh Pathianni chawhma 'Nemngheh Inkhawm'-ah an zai dawn bawk. Kohhran Zaipawl leh Bial Zaipawl member zawng zawng leh Conductor-te i ṭawngṭaipui ang u.

July thla Kohhran sum dinhmun

July, 2012 chhungin Synod Sum-ah ₹ 6,23,317/- hmuh a ni a, Tualchhung Sum-ah ₹ 2,86,579/- hmuh a ni bawk. Synod sum aṭanga hmuh dan chu- 1) Pathian ram- ₹ 2,64,627/- ; 2) Buhfaiṭham- ₹ 62,450/-; 3) Sacrament- ₹ 3,050/-; 4) Inneihna- ₹ 130/-; 5) Damdawi in- ₹ 4,325/-; 6) Sunday School- ₹ 8,470/-; 7) Ramthar- ₹ 2,10,265/-; leh 8) Thawktu chawmna- ₹ 70,000. 

Tualchhung sum aṭanga hmuh dan:- 1) Pathian Ram- ₹ 2,12,503/-; 2) Sunday School- ₹ 57,906/-; 3) Zan inkhawm- ₹ 13,013/- leh 4) Chhawmdawlna- ₹ 3,157/-

Bial KṬP Half Yearly Meet hmang

July ni 28 leh 29 khan kan Kohhran Biak Inah, Venghlui Bial KṬP Half Yearly Meet hman a ni a. Meet hunah hian Bial KṬP kum 40 tlinna 'Ruby Jubilee' lawmna hun hman nghal a ni. Jubilee Souvenir chu Bial Chairman Upa R. Zatlaian a tlangzarh a. Bial Zaipawl music video (single) 'Lalpa lo kal lehna' tih chu bialtu Pastor R. Lalnuntluangan a tlangzarh bawk. Music video hi ₹ 50/- a hralh a ni a, local cable lama chhuah turin pek a ni bawk. 

Sacrament Department Camping

Aug. ni 1 aṭanga ni 4 zing thleng khan Sacrament Department-te camping neih a ni a. Synod Revival Speaker Pu K. Lalngaihawma leh a team 'Mi Lungngaite Ṭhian' ten rawngbawlna an nei. He Camp-ah hian zirlai 28 an lut a, hlim tak leh hlawk takin hun hman a ni.

   Camping speaker hian Aug. ni 5 Pathianni chawhma, chawhnu leh zan inkhawmah te thu a sawi chhunzawm a ni. Camping-ah hian ₹ 27,361/- sen a ni.

2012 KTP Sports Champion- Matthaia Group

April ni 28 atanga May ni 21 chhunga KTP Sports neih chu zawh fel a ni tawh a, a pumpuiah Gold Medal 11 lain Matthaia Group an champion a, Rs. 2,000/- an dawng. KTP Sports-ah hian indoor item 7 leh outdoor item 22 a awm a. Kum danga tih ngai loh aquatic sports chu LAD Picnic Spot ni thin, Lawibual-ah neih a ni bawk.

Group hrang hrang medal lak dan chu heti ang hi a ni:-
Group            Gold          Silver         Bronze      Total
Matthaia     -    11       -      05     -        07     -        23       1-na
Marka        -    05       -      06     -        06     -        17       3-na
Luka          -    09        -     10     -        04      -        23       2-na
Johana       -    04        -     08     -        08      -        20
Branch KTP sports-a item hrang hrang sponsor tu, heng- Varte Wholesale Store, Pu Lalrinliana te chhung, Tv. Lalsiamliana, Tv. F. Lalzidinga, Pu Laldinpuia, Pu C. Lalrinawma leh T/Upa T.L. Haungura te chungah Sports Sub-Committee chu a lawm hle.

Lâwrkhâwm

• May ni 22, thawhlehni zan khan Pavalai Pawl chuan kumin chhung atana member thar lawmna leh intuaithar-in hun an hmang a. Mizoram Pavalai Pawl hruaitu, Upa Lalthakima, ITI Veng-in thuchah a sawi.
• May ni 23, nilaini zan inkhawm ban khan bial chhung Branch O.B.-te Computer Room-ah an inhmukhawm a. Hun remchang hmasabera College Veng Field-a Branch pathumte football match neih an rel a; hemi nia member kal khawmte chuan Rs. 100/- aia tlem lo keng khawmin zanriah kilho nghal nise, tiin an rel.
• PUC Girls' Hostel thar sakna tura ban khur laih inhlawhna atanga Rs. 12, 500/- hlawh chu lakfel a ni.
• May ni 24, zirtawpni zan khan Kohhran Music Committee buatsaihin, zai hruaitute- khuangpu, musicians' leh hla hriltute an inhmukhawm a. Kohhran zai boruak a that zawkna tur thil tulte sawiho nghal a ni.

Hla Kûtpui Hman a ni dâwn

July ni 14-15, 2012 chhung hian Hla Kûtpui neih a ni dâwn a, thupuiah 'Pathian fak hla sak, Kohhran tinungtu' tih hman a ni ang. Ni 14 zan hian mipuiin solfa-in 'Engkim ti thei Lalpa' (KHB 10-na) sakho tur a ni a, Kohhran Hmeichhia-in KHB 44-na 'Aw Lalpa, min lawmin' tih lengkhawmin an sa ang a, KTP atangin quartet/trio a awm bawk ang. Ni 15, Pathianni chhûn thupuiah 'Pathian fak hla sak, leiah leh vanah' tih hman a ni ang a. Kohhran Zaipawlin 'Hmangaihna In nuam' (KHB 470-na) an sa ang a, mipui sak tur chu lengkhawm hla 'Isua hnenah puan zar sinin' (KHB 462-na) a ni ang. Pi Tluangthangpuii a solo ang a, Senior Deptt. atangin zai beisei a nibawk. Pathianni zan hian Kohhran Hmeichhiaten 'Hringmi hun hi tui luang angin' (KHB 555-na) an sa ang a, Intermediate & Sacrament-in 'Aw kan Lalpa, khawvel entu' (KHB 566-na) an sa ang a, Pathianni Naupang Inkhawm atangin solo beisei a ni bawk.

Lawrkhawm

• Kan kohhran mi, kan member Nl. Ramdinmawii Khiangte missionary chu chawlh hmangin a rawn haw mek.
• K|P T-shirt siam mek a ni a, nghâwng nei leh nghâwng bial a awm dawn a, a duh tur chuan mahni hâk tawk leh a rawng (purple/white/blue) Pu C. Lalrinawma hnenah hriattir tur a ni.
• Bial Kohhran Hmeichhia chuan Bial Huapin Kristian Chhungkaw Seminar chu May 15 khian Venghlui Kohhranah a nei dawn a. ‘Nu mawhphurhna - Incheina’ tih zirho a ni ang a, Resource Person-ah Upa Prof. Lianzela, Venghnuai hman a ni ang.
• Venghlui Pastor Bial K|P Committee member ni lai Pu Vanlalthara Varte chu eizawnna avanga hmun danga a awm a ngaih avangin Bial K|P OB Meeting chuan a aiah Tv. Lal\huamluaia, Aizawl Branch a ruat.
• Group sum tuak nan All India Radio-ah ni 1.May.2012 khan "Ram hmul damdawi leh \hatnate" tih topic hmangin Hmeichhe hunah hun ah han hmanga. Hemi hunah hian Nl Shirley Lalbiakzuali te, Nl Lalhruaitluangi te, Nl Lalrindiki te leh Nl Lalnuntluangi ten hun an hmanga. He hun hmang thei tura hun min ngaihtuahtu Pu F Lalremruata chungah Group ten lawmthu an sawi tak meuh meuh a ni.

Branch Sports neih mek a ni

April ni 28 Inrinni a\ang khan K|P Sports 2012 chu neih \an a ni ta a. Sports hian May 14 thleng a awh ang. Nimin khan Field Items neih a ni a. Hawnnaah March Past neih a ni a, Sports hi Bial K|P Leader Pu F. Lalhmuchianga’n ropui takin a hawng. Hawn a nih hnu hian Football, Volleyball, Poison Ball, Kabadi, Musical Chair, 100m Race, Inkepir, Sakuh-uilut te neih a ni a.

Field Items hi May 5 hian neih chhunzawm leh a ni a, heng hmang hian intihsiakna neih a ni: Football, Khawngkhawbai ûm, Penalty Kick (Hmeichhe pual), Mix Race, Maida Games, Kawikah (Hmeichhe pual) leh Volleyball.

April ni 30 zanah Quiz hmanga inelna neih a ni a, member 134 (21.65%) kan kal thei a, a lawmawm hle. May ni 7 zanah Solo leh Extempore speech hmanga inelna neih leh tur a ni ang.

Hla inphuahsiak kha May 12 thleng thehluh theih a ni a, chang thum aia tlem lo, a thunawn tela phuah tur a ni.

Kum 2013 Bial Inkhawmpui-kan Kohhran Biak Inah

Venghlui Pastor Bial Inkhawmpui vawi 41-na chu April ni 20-22 chhung khan Aizawl Kohhran Biak Inah neih a ni a. Inkhawmpuiah hian kan Kohhran leh Aizawl Kohhranten Upa thlan kan dil a, kan dilna hi pawm a ni a, Presbytery-ah la thlen leh tur a ni ang.

Rorel inkhawmah Presbytery-a kal zel tur Agenda pahnih pawm a ni a. Lay Theological Education chak zawka kalpui dan Synod-in zawng se, tih chu Presbytery-a thlen leh tur a ni ang a, Synod Hospital-a ba tam lutuk a lo tlem zawk theih dan tur zawn nise, tia rel a ni bawk. Bial huapa tih theih chinah, Bial huap Revival neih ni rawh se, tih a ni a, Bial chhunga thuhriltute tan sermon buatsaih dan zirhona buatsaih ni rawh se, tih a ni a, Bial chhung Kohhran Committee member Conference neih ni rawh se, tih a ni a, Bial huapa finance campaign neih tura rel a ni bawk.

Bial Inkhawmpui vawi 42-na kan Kohhranah April 26-28, 2013 chhunga neih tur a ni a, thupuiah ‘Thlaraua khat nun’ (Eph. 5:18) tih hman a ni ang a, speaker-ah Upa Romawia a ni ang.
Bial puipa turte:

Chairman : Pastor R. Lalnuntluanga

Chairman kalchhuak : Upa R. Zatlaia

Secretaries : Upa R. Lalbiakthanga (Sr.) & Upa Lalmanliana (Jr.)

Treasurers : Upa R. Rozama (Synod sum)

Upa Dr. R. Vanlalchhawna (Bial sum)

KTP General Conference a zo ta

KTP General Conference vawi 54-na chu nizan khan zawh a ni ta a. Conference neih lehna tur hmun hi Khawzawlah Feb 27-March 2, 2012-ah a ni ang. Kumin Kumpuanah Lal Isua nen tih hman a ni ang a, nakkumah Midangte tana nun a ni ang.

January 2012 inchhiarnaa a landanin K|P Branch 782 awmin heng zinga 45 hi Mizoram pawna mi an ni a, member mipa 80,800 an awm a, hmeichhia 47,316 awmin, member zawng zawng hi 128,116 an ni. Nikum Rorel Inkhawm leh kumin General Conference inkarah Branch ding thar 8 an awm a, Branch din chhunzawm thei lo pathum an awm. Chanmari Bial chu member tamna ber Bial niin member 2687 an awm a, Chaltlang Bialah member 2269 leh Ramhlun N Bialah 2162 an awm a. Buarpui Bial chu member tlemna ber Bial niin member 62 an awm a, Lungsen Bialah 97 leh Marpara Ramthar Bialah member 98 an awm. Branch malah Mission Veng Branch-ah member 1330 an awm a, Chanmari W Branch-ah member 1268 leh Chanmari Branch-ah 1124 an awm.

K|P member thi hi 371 an awm a, member thi awm lohna Branch 34 an awm. K|P chanchinbu Kristian |halai hi copy 29931 tihchhuah a ni a, nikum aiin copy 5610 in a pung. Nikum Rorel Inkhawm leh kumin General Conference inkarah nupui pasal innei zawng zawng 4554 an awm a, Biak Ina innei 1845 (40.51%) an ni a, hmun danga innei 2709 (59.49%) an ni. Sum thawh chhuah lamah Pastor Bial K|P sum hmuh zat belhkhawm Rs. 1,37,00,247 a ni a, Branch sum hmuh zat belhkhawm Rs. 11,03,73,504 niin, kohhrana sum chhun luh zat belhkhawm hi Rs. 2,72,07,298 a ni. Kum 2012-13 chhung budget atan Rs. 12,00,000 ruahman a ni.

Thawh\anni zan inkhawmah K|P member inkhawm zat hi za zelah 27.48 a ni a, Guwahati Bial bial chu inkhawm \hatna ber Bial niin member zaa 59.40 inkhawm ziah ang an ni a, Champhai Vengthlang Bial chu inkhawm chhiatna ber Bial niin za zela 15.02 inkhawm ziah ang an ni. K|P member zingah mi 21 Pro. Pastor-a chhuak thar an awm a, SMB hnuaia missionary-a chhuak 138 leh SMB ni hnuai ni lova missionary-a chhuak 75 an awm.

An thurel tlangpuiah chuan K|P General Conference thlengtu tur indawt, kum rei zawk atana ruat lawk chungchang chu passed a ni a, Chhawmdawlna puala inkhawm thawhlawm lakkhawm rawtna lut pawh pawm a ni a, CK|P-in a lakkhawm dan tur ruahmanna a siam ang. Mental Health, Work Ethics leh Value System (ngaihhlut tur dik) inzirtirna neih rawtna te pawh pawm a ni. Krismas Hla Bu siam thar leh rawtna lut pawh pawm a ni bawk.

Branch KTP thurel

Tun Ningani zân khân Kohhran Committee room-ah Branch KTP Committe vawi 4-na neih a ni a, thurêl thenkhatte:

1. KTP Day, February ni 22 (Nilaini) lawm nan Branch pum huapin veng chhung thenfai hnatlang neih tur a ni a, zing dar 6:30-ah Biak In kawtah innghahkhawm tur a ni ang. Hmanraw ken turte: Suahdur leh bawngtuthlawh. A nei remchang chuan tawlailir leh buara (sai-ip) thawhchhuahpui nise.

2. Branch Sports chu April ni 28(Inrinni) atanga neih tan tura rêl a ni a. Sub-Commmittee hetiang hian din a ni:
Chairman Pu C. Lalrinawma, Branch Asst Secy
Secretary Tv Lalmawizuala Tochhawng
Member-te Group Leader ni lo, Branch
Committee member zawng.

3. Kohhranin zaipawl uniform neih min phalsak avângin lawmawm kan ti hle a, hma lo la turin Zaipawl Director, Conductor leh Asst. Conductor-te leh Nl Baby Lalhmunsangi te ruat an ni.

4. Kuminah hian zaipawl member hla zir tha ber hnenah lawmman pek nise, Group zir tha ber hnenah lawmman pêk tura rêl a ni bawk.
(Internet lama kan chiankuan loh deuh thrin avangin kan update thra tawk thrin lo. Visitor te ngaihdamna kan ngen e)

Aizawl East Area Masihi Sangati

Aiawl East Area Masihi Sangati kum 2012 hruaitu turte chu February ni 2,2012 khan Republic Veng Kohhranah thlanna neih a ni a. A hnuaia mi ang hi hruaitu thlan tharte nihna a ni:
Chairman Upa Lalbiakchhunga
Vice Chairman Upa Dr. H. Lallungmuana
Secretary Pu B. Sanga Sailo
Asst. Secretary Pu C. Sangzuala
Treasurer Pu Lalngura
Fin. Secretary Pu H. Vanlalliana
February ni 19,2012 hian min bialtu Rev. S.B. Gurung chuan kan Kohhran Sangati a rawn tlawh dawn a, Sacramen a buatsaih nghal dawn bawk a ni. Masihi Sangati rawngbawlna hi Kohhran miten thahnemngai lehzualin i tawiawm zêl ang u.

Venghlui Pastor Bial Kohhran Hmeichhe Inkhawmpui

Venghlui Pastor Bial Kohhran Hmeichhe Inkhawmpui vawi 40-na chu kan Kohhran Biak Inah Zirtawpni zan atang khan neih tan a ni ta a, zanin hian a tiak ang. Thupuiah ‘I rawngbawlna kha hlen rawh’ tih hman a ni a, speaker hi Rev. C. Sangliana.
Zirtawpni zan, Palai lawm leh Report Inkhawm kha Pi Zozaihmingi, Bial Chairman-in a kaihruai a, Kohhran tina Hmeichhe Secretary ten report an pek bakah, Bial Kohhran Hmeichhe Secretary-in report a pe a. Venghlui Kohhran Hmeichhia leh Aizawl Kohhran Hmeichhe zaipawlte an zai. Nimin khan rorel inkhawm leh hruaitu thar thlanna neih a ni a. Rorel inkhawmah hian Agenda 14 a awm a, kan Kohhran Hmeichhia atanga thu lût - Bial huapin Bible Rxam neuih leh nise, Exam tur chu Bialin ngaihtuah nise, Women Centre Budget Central-in Bial tin thawh tur an rawn bithliah hi tuna kan thawh ai hian rawn sân nise, tih leh, Missionary pathum Bialin kan châwm mek hi châwm belh nise, tih te a tel.

Misawnari chawm & Group Budget

• Kan Branch-in Missionary paruk (6) kan chawm thin chu tipungin, kumin atang hian sawm (10) kan chawm tawh dawn.
• Group budget atan Rs. 10,000/- (sing khat) a ni ang.

Kum 2012- 2013 College Veng MPF Local Forum hruaitute

President: Upa F. Zakhuma

Sr. Vice President: Upa Lalmanliana

Vice President: Pu F. Manghnuna

Secretary: Pu P.C. Lalropara

Joint Secretary: Pu C. Lalremruata

Treasurer: Pi F. Laltanpuii

Fin. Secretary: Pu A. Lalhluna

Committee Member-te:-

1) Prominent Citizens- T/Upa H. Rosema & Pu Lalbiakthanga Varte

2) YMA- Pu H.S. Lalrampara & Pu R. Zapliana

3) MHIP- Pi Chawngthanpuii & Nl. R.Zohmingthangi

4) MUP- Pu C. Thakima & Pu H. Vanlalhriata

5) UPC (NEI)- Upa R.L. Dengliana

6) Roman Catholic Church- Pu Lalngilneia

7) KTP- T/Upa T.L. Haungura & Tv. C. Lalruatsanga

Dibong-ah Work Camp-in kal

Jan. ni 17, thawhlehni-ah Dibong Biak In sa turin kan Kohhran atangin mi 8 an kal a. Biak In sakna tur hmanruate Silchar atangin an lakhawm a, mamawh tul ang lamna a buaithlak deuh avangin, Jan ni 29 kar hi an la cham ang. Dibong BiaK In awm sa an thiat a, a hmunah a thar hlak an sa dawn a ni. Work Camp-a kalte chu- Nl. Hmingthansangi, Pi Lalpari, Pu H. Biakthuama, Pu Zoliana, Pu Vankhuma Hranleh, Pu Ramdingliana, Tv. Rothara leh Tv. M.S. Dawngkima te an ni. Dibong-a Evangelist in chung chilhna tur atana Kohhran Hmeichhia-ten thawhlawm an thawh chu anni hian an hlan nghal a ni.

KTP Venghlui Pastor Bial Conference vawi 41-na Rorel

A hmun: Aizawl Kohhran, venghlui

Speaker: Upa Lallianmawia

Thupui: 'Isuan nen'

Central KTP-a kal zel tura rel te:-

1) CKTP-in Setana betute zirchianna leh chhanchhuah kawngah hma la rawh se

2) CKTP-in member rahbi tleute chhanchhuah nan budget dah rawh se

3) HIV/AIDS chungchanga hmalak nan a tul apianga hman turin zan khat inkhawm thawhlawm lakkhawm ni rawh se

Bial KTP Committee hmalakna tura rel te:-

1) HIV/AIDS avanga harsatna tawkte tanpuina kawngah hma la rawh se

2) Bial hmingin Synod Hospital, Durtlang-ah kutthlak ni rawh se

3) Bial Zaipawl-in music video siam rawh se

4) Bial huapin Advance Christmas hman ni se tih te.

Kum 2013 Bial KTP Conference chu Venghlui Kohhran-ah nghah a ni.

Kum 2012-2013 KTP Venghlui Pastor Bial hruaitute:-

Leader: Pu F. Lalhmuchianga (College Veng)

Asst. Leader: Pu R. Lalhmunsanga (College Veng)

Secretary: Pu Lalrosanga Khiangte (Venghlui)

Asst. Secretary: Pu K. Lalruatpuia (Aizawl)

Treasurer: Pu Lalbiakkaia Sailo (Aizawl)

Fin. Secretary: Tv. Vanlalvuana (Venghlui)

KTP Venghlui Pastor Bial Conference vawi 41-na

KTP Venghlui Pastor Bial Conference vawi 41-na

A hmun: Aizawl Kohhran, venghlui

Speaker: Upa Lallianmawia

Thupui: 'Isuan nen'

KTP Venghlui Pastor Bial Report:-

1) Bial Committee thut zat: 9

2) Branch-te Kristian Thalai lai zat belhkhawm: 677

3) Bial sum dawn zat: Rs. 1,36,741/-

4) Branch sum thawhchhuah zat belhkhawm: Rs. 21,61,378/-

5) Kohhrana sum chhunluh belhkhawm: Rs. 3,87,695/-

6) Bial KTP Missionary chawm zat (SMB hnuai): 6

7) Branch chawm belhkhawm (SMB hnuai): 23

8) Bial Zaipawl member zat: 25

9) Evangelical Cell/Sub-Committee din thei zat: 3

10)Branch-te Hospice puala thawhlawm lakkhawm zat: Rs. 4,264/-

11)Missionary-a chhuak thar zat (SMB hnuai): 2

12)Missionary-a chhuak thar zat (SMB hnuai lo): 2

Venghlui Pastor Bialtu Rev. R. Lalnuntluanga

Bialtu Pastor thar, Rev. R. Lalnuntluanga hi Oct. 10, 1956-ah Khawzawl-ah a piang a, a pa R. Chalmawia (L) leh a nu Lianngengi a ni. A nu hi kum 86 mi niin I.T.I Veng-ah a awm a ni. Kum 1980-ah ATC atangin B.Th a zo a. Lungpho High School-ah zirtirtu hna a thawk zet a, kum 1980 Synod-in Pro. Pastor atan a la a, Khawlailung-ah dah a ni. Kum 1983 Synod-in Pastor atan a nemnghet a, Suangpuilawn-ah a awm a, hemi hunlai hian B.D. External-in a zo. Kum 1992-1997 chhung Mamit-ah a awm a, kum 1998-2003 chu Synod Revival Director niin, kum 2004-2006 khan Chhimbial Administrative Secretary hna thawkin Lunglei-ah a awm. Kum 2007-2011 chhung khan Ramhlun South a bial leh a ni.

Pastor nupui hi Pi H. Lalrinmawii a ni a, kum 1983 January thla-ah an innei. Fa panga, mipa pahnih leh hmeichhe pathum an nei a, chungte chu- Pro. Pastor Joseph Lalnunmawia (Thenzawl), Lalrohlua, R. Lalrintluangi, R. Lalruatfeli & Jane Lalduhsaki te an ni.

Activities Calendar

1. Kum tira Sports
2. Blanket sûk
3. Aizawl khaw pâwn Branch dangte nena Joint Service neih
4. Teenage Night
5. Branch pum huapa Retreat neih
6. Bible chhiar chhuakte hnena Holy Bible pêk
7. Ramthar Field-a kut thlak
8. Kohhran Thurin zir
9. Literature Week
10. Conductors’ Training

Activities Calendar-ah hian kum danga kan lo tih thin ang lo deuhin, a te nawi zual leh, activities calendar-a dah em em ngai lova, committee-a sawi mai theih chite dah a ni ta lo.

Bial KTP Conference vawi 41-na

Zirtawpni zan atang hian Venghlui Pastor Bial KTP Conference vawi 41-na chu Aizawl Kohhran Biak Inah neih a ni dawn a. Thupuiah ‘Lal Isua nen’ tih hman a ni ang a, speaker tur hi Upa Lallianmawia a ni. Aizawl Kohhranin inkhawmpui hrim hrim an dawn hmasak ber a ni dawn a, kohhran pum huapin an phur hle a. Bial KTP Conference-a senso tur pawh kohhranin eng emaw zat a tumsak dawn a ni.

Zirtawpni zan, a tan zan hian Palai lawm leh report inkhawm neih a ni ang a, Inrinni ahin rorel leh hruaitu thar thlan a ni ang a, Inrinni zan atang hian speaker Upa Lallianmawia'n thupui a sawi tan ang.

Kohhran Hmeichhe kumpuan

Kan Kohhran Hmeichhiate chuan kumin hian kumpuan neih nise, an ti a. Kum 2012 Kumpuanah ‘Inkhawm Uar Kum’ an puang

Thisen pe

Inrinni khan Venghlui Pastor Bial chuan Venghlui Kohhran Hall-ah Synod Hospital tan thisen a pe a. Mipa 35 leh hmeichhia 16 ten thisen hi an pe thei. Kan Branch chuan nikum October khan Branch Day puala kan lo pek tawh avangin thisen pekah hian kan tel tam thei lo a ni.

Rawngbawltu Inhlantharna

Zirtawpni zan khan kum 2012 chhunga rawngbawltu atana ruat tharte pualin Inhlantharna neih a ni a. Inhlantharna Inkhawm hi Upa F. Zakhuma, Treasurer (Synod Sum) chuan a kaihruai a, Upa Lalmanliana, Secretary-in rawngbawltute hming a lam a. Inhlantharna tawngtai rual neih a nih hnuin, Upa Romawia, Kohhran Chairman hnen atangin thuchah tawi ngaihthlak a ni. Upa Romawia hian rawngbawltute tana rinawm a pawimawhzia, rawngbawlna hrang hrang vuantute a fuih thar bawk. Rawngbawltu inhlantharah hian tel tur 287 an ni a, harsatna hrang hrang avangin mi 65 an kal lo va, heng zinga mi 44 te hian an pha a, mi 222 an kal.

Member Thar Lawm-cum-Cultural Night Programme

Thawhtanni, January ni 16 zan hian kum 2012 chhunga Branch member thar lawmna neiin, Cultural Night anga hun hman a ni dawn a, hnam incheina tilang thei tura inthuam tur a ni. Hun hman dan tur hetiang hi a ni:-
A hmun: Gospel Centenary Hall
Hruaitu: Nl C. Lalhriatpuii
Tantu: Tv K. Malsawmkima
Thuchah tawi: T/Upa T.L. Haungura, Leader
Hosts: Dr. Shirley Lalbiakzuali Chhangte & Tv.Lalmawizuala Tochhawng
Items:
1. Solo: (i) Tv Lalramchhana Hnamte, (ii) Tv Andria VL. Ruatfela
2. Group Singing: Korban
3. Short play: Nl C. Vanlalzawmi & Friends

Branch Comm. hnuai Sub-Comm. hruaitu turte

Kohhran Zaipawl

Director : Pu Lalthangvunga Sailo

Conductor : Tv. F. Lalzidinga

Asst. Conductors : Tv. C. Lalhriatkima & Tv. HVL Biakrinawma

Property Sub-committee

Chairman : Pu C. Lalrinawma

Secretary : Tv. Thangmawizuala

Finance Sub-committee

Chairman : Tv C. Lalruatsanga

Secretary : Nl. VL. Hmangaihzuali

Evangelical Cell Sub-Committee

Chairman : T/Upa TL. Haungura

Secretary : Tv. H.Vanlalhriatzuala

Challenger Editorial Board

Editor : Tv. C. Lalruatsanga

Joint Editors : Tv Rochungnunga & Tv. F. Vanlallura

News Editor : Nl. PC. Lalthangbiki & Nl Lalnuntluangi

Circulation Manager : Nl. C.Lalbiaksiami

Production Managers : Tv. H.Vanlalhriatzuala & Tv. HT. Hmingliana

Programme Sub-committee

Chairman : T/Upa TL. Haungura

Secretary : Pu Lalthangvunga Sailo

Refreshment Sub-committee

Chairman : Pu F. Lalhmuchianga,Treasurer

Secretary : Pu F. Lalhmangaihsanga

Decoration Sub-Committee

Chairman : Pu C. Lalrinawma

Secretary : Nl Lalchansangi

Literature Sub-Committee

Chairman : Pu R. Lalhmunsanga

Secretary : Tv Rochungnunga

Kum 2012 KTP Group hruaitute

Heng mite hi dânin a phal angin Branch Committee-in a ruat

MATTHAIA GROUP:

Leader :	Tv. F. Vanlallura
Asst. Leader:	Tv. Lalthlamuana
Secretary:	Tv. H. Vanlalhriatzuala
Asst. Secretary:	Tv. K.Zonunmawia
Treasurer:	Nl. Shirley Lalbiakzuali Chhangte
Fin. Secretary:	Nl. Lalnuntluangi

MARKA GROUP:
  
Leader :
  
Tv. Rochungnunga
  
Asst. Leader:
  
Tv. H.T. Hmingliana
  
Secretary:
  
Tv. HVL Biakrinawma
  
Asst. Secretary:
  
Tv. Vannunzira
  
Treasurer:
  
Nl. K. Lallawmpuii
  
Fin. Secretary:
  
Nl. Lalrinsangi

LUKA GROUP:
  
Leader :
  
Tv. C. Lalhriatkima 
  
Asst. Leader:
  
Tv. Lawrence Lalramnghaka Varte
  
Secretary:
  
Nl. Laldinpuii Chenkual
  
Asst. Secretary:
  
Tv. J.K. Laldinpuia
  
Treasurer:
  
Nl. Krosszarmawii
  
Fin. Secretary:
  
Nl. H. Lalnunthari

JOHANA GROUP:
  
Leader :
  
Pu Lalchhantluanga 
  
Asst. Leader:
  
Tv. C. Lalbiaktluanga
  
Secretary:
  
Tv. Isaac C. Lalrempuia
  
Asst. Secretary:
  
Tv. Lalthanpuia
  
Treasurer:
  
Nl. P.C. Lalthangbiki
  
Fin. Secretary:
  
Nl. K. Lalthakimi

Pastor Thlamuana insawn

Kan member, Pastor Vanlalthlamuana, Siliguri-a awm thin chu Jan. ni 15, Pathianni hian Lungpho Pastor Bial Pastor turin lakluhna inkhawm neih a ni dawn a. Induction hmangtu tur hi Pastor Lalnunmawia Pachuau, Khawlailung Dinthar a ni.

Kan bial, Venghlui Pastor Bialtu thar Pastor R. Lalnuntluanga pawh Rev. Dr. R. Lalbiakmawian induction a hmang ang. Kan Kohhran Upa, Bial Secretary ni bawk Upa H. L. Lawmzualan Pastor thar chanchin a sawi ang a, College Veng Kohhran Zaipawl leh Bial Zaipawl an zai ang.

Rawngbawltu inhlan thar 2012

Zirtawpni zan khan kum 2012 chhunga rawngbawltu atana ruat tharte pualin Inhlantharna neih a ni a. Inhlantharna Inkhawm hi Upa F. Zakhuma, Treasurer (Synod Sum) chuan a kaihruai a, Upa Lalmanliana, Secretary-in rawngbawltute hming a lam a. Inhlantharna tawngtai rual neih a nih hnuin, Upa Romawia, Kohhran Chairman hnen atangin thuchah tawi ngaihthlak a ni. Upa Romawia hian rawngbawltute tana rinawm a pawimawhzia, rawngbawlna hrang hrang vuantute a fuih thar bawk. Rawngbawltu inhlantharah hian tel tur 287 an ni a, harsatna hrang hrang avangin mi 65 an kal lo va, heng zinga mi 44 te hian an pha a, mi 222 an kal.