LAWRKHÂWM

1. Thawhtan zân (July ni 26) inkhâwmah Group kal tha ber tân lâwmman- Rs. 500/- siam a ni a, Luka Group te mi 51 kalin lâwmman an dawng. Matthaia- 45, Marka- 44, Johana- 37 & Br. O.B.- 6; kan vaiin mi 183 (32.68%) kan inkhâwm a ni.
2. Nilai (July ni 28) zân inkhâwm bânah Programme Sub-Committee an thu a, August thla chhûnga chanvo nei tûrte heti ang hian an rêl.
3. August ni 7, inrinni dâr 10 A.M. atanga 1:00 P.M. hian Gospel Centenary Hall-ah Branch member huapin Bible Study neih a ni dâwn a. Rev. R. Lalrosiama, Asst.Professor ATC-in hun a hmang ang. Ani hian Timothea hnêna Tirhkoh Paula Lehkha Thawn Pahnihna chu kan zirho tûrin a thlang a. Hei bâkah hian thalaite mamawh lam hawi sawizauna a nei bawk ang a, sawihona hun a awm ang. Bible Study hi kumtîra Branch Activities Calendar zînga mi a ni. August ni 1 Challenger hetah hian
   
4. Kristian Chhûngkaw Campaign chu August ni 7 zân, ni 8 chawhma, chawhnu leh zân leh ni 9, thawhtan zân inkhâwmah te neih a ni dâwn a. Rev. C. Chanchinmawian thuchah a sawi ang.
5. August ni 14, inrinni khian College Veng Field-ah Branch Sports neih a ni dâwn ta. Branch Committee Member-te leh Branch hruaitu lo ni tawh ten Opening Match (Football) an khêl hmasa ang.
6. Literature Night chu August ni 16, thawhtan zân khian neih a ni dâwn a; Synod Bookroom lam atangin hun an rawn hmang ang a, zawhna leh chhanna- discussion hun pawh awm thei tûra beisei a ni. Anni lam hian lehkhabu tha tak takte rawn kengin 5% discount-a lei theih a ni ang.
7. Synod Moderator Rev. C. Chawngliana chuan August ni 28 zân khian kan Kohhran ah hun a rawn hmang dâwn.

SYNOD NEWS

1) Synod Revival Retreat nei zo:- July 23 - 25 chhung khan Synod Revival Team Retreat, Chanmari Kohhran Biak Inah tluang taka neih zawh a ni. Synod Revival Team Retreat hi kum tin neih thin tura ruahman a ni a, nikum khan Khatla Kohhranah neih a lo ni tawh a ni. Tun tum Revival Team Retreat-ah hian thupuiah ‘Thianghlimna’ (Johana 17:19) tih an hmang. Retreat-ah hian Mizoram chhunga Synod Revival Team 70 atangin Speaker pakhat theuh bakah palai turin Team member 6 zel ruat an ni a, palai 490 tel tura beisei atangin palai 484 an inziak lut a ni. Team 70 atang hian a hmunah mi 54 leh veng chhung hmun hrang hrangah mi engemaw zat an riak lut a, an zavaiin palai 267 riak lutin a bak zawng hi langin an kal thin bawk.

Challenger & Group Sum Audit Report

Branch Committee-in a lo rêl tawh angin, July ni 27 thawhlehni zânah Challenger leh Group sum kum chanve audit neih a ni a. Pu Laldinpuia (Secretary), T/Upa T.L. Haungura (Treasurer) leh Pu F. Lalhmuchianga (Fin. Secretary)-ten an audit a. Sum vawngtuten felfai takin an enkawl a ni. Challenger sum hi January to June dinhmun a ni a, Group hi January to July ni 27 thleng dinhmun a ni.

Branch Sports- Group Colour & Chawlhbûk sakna tûr

July ni 25 Pathianni Fellowship-ah Branch Sports huna Group hrang hrangte colour tûr leh chawlhbûk sakna tûrte Group Leader theuh ten an pawt a. Heti ang hi an colour tur leh field-a an awmna hmun tûr (PUC Playgroud-ah chuan pavillion-ah vek awm tûr a ni) a ni ang:-
1) Matthaia Group- Red - Thlânmual pawng sâng laiah
2) Marka Group- Green- Pavillion hnuaiah
3) Luka Group- Blue- MHIP House or MUP House kawtah
4) Johana Group- Yellow- Thlânmual chuan hnuaiah
Sports Programme/Item-te a tam tham deuh avângin sênso phuhrûk nân T-Shirt siam a ni a, Fellowship-ah hian tlângzarh a ni bawk, Rs. 180/- man tûr a ni. Group Leader-ten an ha chhuak a ni. A hma lamah KTP logo awmin, 'Kristian Thalai Pawl College Veng Branch' tih inziak a awm a, a hnung lamah 'Isua nen engkim a ropui' tih inziak a awm bawk.

July 2010 Faith Promise

July ni 25 Pathianni zân inkhâwmbânah July 2010 chhûng Faith Promise chhiar a ni a. Thawhtu mi 481 (86.82%) awmin, Rs. 15,141/- hmuh a ni. Ni 26 thawhtan zân inkhâwmah Pu Lalthangvunga Sailo-an a hlân ang.
Faith Promise hi Finance Committee Member-ten an chhiar a ni. Finance Committee Member te hi Branch Committee Member-te an ni.

July thla Pathian Ram Thawhlâwm luh dân

July ni 25 Pathianni tlaiah July 2010 chhûnga thawhlawm ip lutte chhiar a ni a, hetiang hi thawhlawm luh dân a ni:-
Pathian Ram : Rs. 1,39,198.00
Ramthar: Rs. 1,03,795.00
Tualchhûng: Rs. 1,20,140.00
Total: Rs. 3,63,133.00
Ip lût: 307 (73.10%)

Branch Committee vawi 11-na neih a ni

July ni 23, zirtâawp zân khan K.T.P College Veng Branch Committee vawi 11-na chu Kohhran Committee Room-ah neih a ni a, member mi 17 an kal a ni. August ni 14 inrinni atanga tan turin Branch Sports neih rel a ni. Indoor item 17 leh outdoor item 19 hmangin Group inelna neih a ni ang; a kimchang chu hetah hian en theih a ni.
Committee chuan July ni 17 & 18-a Bial KTP Half-Year Meet kan thlen chu a thlîrlet bawk. Meet-ah hian Rs. 25,933/- hman a ni a, budget-ah Rs. 20,000/- dah a ni thung. July ni 18 Pathianni zân Pathian Biak Inkhâwm thawhlawm Rs. 5,964/- chu Branch-ah a luh avângin Rs. 19,969/- sêng ang kan ni.
Luka Group Asst. Secretary atân Tv. Vannunzira ruat thar a ni a, ani hian hnathawhna avânga phai lama kal ta Tv. K.Zonunmawia hmun a luah a ni. Hei hi en bawk la Challenger Issue 30

Zai hruaituten training nei

July ni 29, ningani zânah Gospel Centenary Hall-ah Music Committee ruahman angin, Kohhrana zai hruaitu- Khuangpu, Hla hriltu leh Rimawi tum thîn ten training an nei a. Kal tûra beisei 36-ah mi 26 an kal thei a, chhimtu mi 3 an awm bawk. Hla hriltu 11 an kal thei a, Khuangpu leh rimawi tum thin mi 15 an kal a ni. Thusawitu/ Trainer bîk awm lovin, a practical tichung zêlin zai hruai dân tûrah sawihona hun tha tak neih a ni. Kohhran inkhâwm zai boruak a that zêl theih a rinawm a, heti anga hun an hmang thei hi a hlu hlê a ni.

Synod Revival Team ten intuaitharna nei dâwn

Mizoram Synod hnuaia Revival Team Retreat chu ni 23 - 25 July, 2010 chhûng hian Chanmari Presbyterian Kohhran Biak Inah neih a ni dâwn a, thupui atân 'Speaker-te mamawh' tih hman a ni ang. He hunah hian Mizoram chhunga Synod Revival Team 70 atangin palai turin Speaker pakhat theuh bâkah Team member 6 zel ruat an ni a, an kal kim thei a nih chuan mi 490 vel tel thei tura ngaih a ni. Kan branch atangin Tv.C.Malsawmzuala (Krista Thupuangtu Team), Tv. Lalhmangaiha & Tv. J.H.Lalchhanhima (Riangvaite Thian Team) leh Pu Reuben V.R.Beiseia, Tv. Lalnunthara, Pu C.Malsawmliana & Tv. Zohmingthanga (Soldiers for Christ), Pu H.Lalremtluanga (Holy Fire Team) te an tel. Hun hman dân tûr chu heti ang hi a ni ang:-

LAWRKHÂWM

1. Bialtu Pastor C. Sangliana chuan July ni 11 & 18 Pathianni Sunday School hunah N.P.S.S. Department hrang hrangte tlawhin, fuihna thuchah tawi a sawi vek.
2. Bial KTP Conference thurêl 'Pastor Quarters tihchangtlun' tih bawhzui nân July ni 10, inrinni-ah Pastor Quarters-ah Inverter thar dah fel a ni.
3. July ni 16 zirtawpni khân Central KTP-a bial budget Rs. 18,200/- chu pêk fel a ni.
4. July ni 19 thawhtanni zân inkhâwm chu Fakna Inkhâwm hming put tîrin Gospel Centenary Hall-ah Lêngkhâwmpui neih a ni dâwn a, T/Upa T.L. Haungûran inkhâwm a hruai ang.
5. Branch Sports Sub-Committee chuan Branch Sports neih tan hun atân August ni 15, inrinni a ruahman a. Intihsiakna tûra rawt hrang hrangte ennawn leh a hun tûr leh tul dangte ruahmanin July ni 20 thawhlehni zân khian an thu leh ang.
6. August ni 7, 8 & 9-ah Rev. C. Chanchinmawia ruaiin Kristian Chhûngkaw Campaign neih tum a ni. Hei hi Kristian Chhûngkaw Committee thurêl bawhzuina a ni a. Puitling S.S.-ah pawh hun hmang telin, ni 9-thawhtan zân chu Thalai pual bîk tûra ruahman a ni.
   

Bial K.T.P Half-Year Meet a tiak ta!

KTP Venghlui Pastor Bial Half-Year Meet chu July ni 18, Pathianni zân dâr 11:10-ah a tiak ta! Pathianni zân Pathian Biak Inkhâwmah hian Biak In chhûng leng lo, varandah-ah nên thutna rem ang chu a khat vek a. Zaiho boruak a nuam a, lamtual pawh a khat a, naupang tê atangin a lian ber thlengin lam chhuak an awm.
Inkhâwm hi Pu Lalrosanga Khiangte, Bial Asst. Secretary-in a kaihruai a; College Veng Kohhran Zaipâwl mi 100 chuang ten Upa P.C. Tlangmawia (L) hla phuah 'Lal sût vuanin' tih kan rem a, Aizawl Kohhran Zaipawl mi 80 vêlin hlapui 'Dikna lal tiang' an rem bawk. Aizawl Kohhran Zaipâwl hi Half-Year Meet-a Zaipâwl nei tha/ zai tha ber niin an lang! Pu F. Lalremruata, Bial Leader, Branch Asst. Leader ni bawkin Pathian thuchah a sawi a ni.
Inkhâwmbân fellowship-ah Short Play 2- College Veng & Aizawl Branch te a awm a. Kan Branch-in an chan dâwn hian sound system-ah harsatna a awm avângin rokhawlhna a awm deuh. Venghlui Branch-ten Instrumental Musics tha tak an nei thei bawk.
Branch chuan hêng mite chungah hian lâwmthu a sawi:- 1) Venghlui Branch- Monitor & Drums set min hawhtîrtu, 2) Aizawl Branch- Sub-woofer box 2 min hawhtîr, 3) Liansangkima s/o Tlanghmingthanga- Drums set min hmantîr, 4) Kohhran Hmeichhia- Inrinni chhûn-zân, Pathianni chawhnu-tlai-zâna refreshment min buaipuitu, 5) Audiotech- Power Amplifier min hmantîrtu, 6) Active Sound- Cross over min hmantîrtu, 7) Traffic Duty- Pu R. Zapliana, Pu V. Lalrohlua, Pu K. Zohmingthanga, Pu H.S. Lalrampara te leh 8) Meet hmanga member inkhâwm zawng zawng chungah leh a hlawhtlin nâna tawngtaina hmangtute chungah.

Half-Year hman mêk a ni

Kristian Thalai Pâwl Venghlui Pastor Bial Half Year Meet chu July ni 17, inrinni chhûn atang khân College Veng Kohhranah neih tan a ni a. Inrinnin chawhma dâr 11 atanga dâr 2:30 P.M. thleng Gospel Centenary Hall-ah Branch Comm., Group & Sub-Committee Member-te pualin seminar neih a ni. Dr. C. Lalhrekiman 'Mahni Inthah- A vên theih asin' tih thupuia hmangin chawhma lamah paper a present a. Tv. Zothanmawia Khiangte, Bial Comm. Member-in seminar hi a kaihruai a ni. Member kal dân:- Venghlui- 59, College Veng- 79, Aizawl- 30, Bial Comm.- 12, Kohhran Upa- 3; Resource Person nên mi 184 an kal. Chawhnu lamah discussion hawiin hun hman a ni thung.
Zan inkhâwmah Fakna Inkhâwm hun hman a ni a; Pastor Bial Zaipâwlte praise group niin hlim taka hun hman a ni. Chanvo nei ten tha takin an hlen thei vek a, kan Branch Leader, Bial Finance Secretary ni bawk Tv. R. Lalhmunsangan thuchah tawi a sawi a ni. Zaiho boruak a nuam a, dâr 8:30 vêlah inkhâwm hi kan tin a ni.
Pathianni chawhnu atangin Half-Year Meet neih chhunzawm leh a ni a, Pu C. Lalrinawman inkhawm a kaihruai a. Venghlui Kohhran Zaipawl leh Bial Zaipawl an zai a; Venghlui Kohhran Zaipawl member 100 vêlin hla pui 'Wylwn' an rem thei a, an fakawm hle. Bial Asst. Leader, Central KTP Comm. Member ni bawk Pu Lalnghinglova Hauzel-in Pathian thuchah a sawi a ni. Tlaiah Fellowship neih a ni a, Gospel Centenary Hall-a leng lo an tel a. Pu F. Lalhmuchiangan a kaihruai a, Aizawl Branch Male Voice, Venghlui Branch Short play leh kan branch atangin Female voice te ngaihthlâk a ni. Kan branch aiawhtute hi Senior Department zirlai an ni.

Synod Bookroom News

1. Synod Bookroom chuan July 6- 10 chhung khan Mamit leh Kolasib Synod Bookroom Branch tanchhanin mipuite tan Reduction Sale a buatsaih a, Synod Bookroom bungruate 5% - 80% discount pea zawrh chhuah a ni. Tun tum Mamit leh Kolasib Reduction Sale hi mipuiin an hlut hle a, Kolasib-ah hian kar khat chhungin Rs. 2,06,569/- man lai lehkhabu hralh chhuah a ni a, Mamitah hian Rs. 1,60,000/- chuang man hralhchhuah a ni bawk. August thla chhung hian Synod Bookroom Serchhip Branch-ah Serchhip huam chhung mipuite tan Reduction Sale hi neih leh a ni ang.
2. Thalaite zinga thuziak leh chhiar kawnga hma kan sawnna atana beihpui thlak hna kalpui mek zel a ni a, kumin chhungin KTP Branch hrang hrang - Mission Veng, Vaivakawn, Ramhlun S, Venghlui, Ramthar leh Dintharah te Literature Nite/Synod Bookroom Nite hlawhtling tak hman a lo ni tawh a. Hetiang hian Branch hrang hrangah hun hman leh a ni ang :- 1) Bungkawn KTP nen: July 19, 2010; 2) Bethlehem KTP nen: July 26, 2010; 3) Tuikhuahtlang KTP nen: August 2, 2010; 4) Zemabawk KTP nen : August 9, 2010; 5) ITI KTP nen: August 12, 2010; 6) College Veng KTP nen: August 16, 2010; 7) Kanan KTP nen: August 30, 2010
   
3. Hnaruak:- www.cca.org.hk/openings/announcement.pdf

[source: synfocity-301]

MPF & Political Party-te Thawhhona Thuthlung

MIZORAM PEOPLE FORUM LEH POLITICAL PARTY HRUAITUTE
AIZAWL MUNICIPAL COUNCIL INTHLAN 2010 ATANA
Thawhhona Thuthlung

Aizawl Municipal Council inthlan hi thianghlim leh felfai taka neih ngei ni se. Vote nei thei dik takte chuan vote thlak theuh ni sela; tharum hmanga mi vau, tih thaih leh sawrkar hnathawk vaubehte hi tih loh ni se. Inthlanna hi boruak zalen leh muanawm tak hnuaia neih a nih ngei theih nan Mizoram People Forum (MPF) lehPolitical Party hrang hrang ten inthlan chungchangah thawhhona thuthlung neia hma lakho kan remti a. Hetiang hian ‘Thawhhona Thuthlung’ kan siam a, hei hian Aizawl Municipal Council inthlan hun puan atangin inthlan zawh fel thleng a huam ang.

Chanchin thar

1. Half-Year Meet nei dâwn. July ni 17 & 18 hian kan Kohhranin KTP Venghlui Pastor Bial Half-Year Meet kan thleng dâwn a. Thawhleh zân khân Decoration Sub-Comm. lam an che a, ningani chhûn hian Property Sub-Comm. (Light & Sound) te a tum 3-na atân hnatlâng an ko bawk. Zirtâwpni zânah Branch pum huap hnatlâng koh a ni. Kan branch aiawha Short Play nei tur- Pathianni tlai chu zan lama chan chi an inbuatsaih avângin sawn a ni a, Female Voice -te Pathianni tlaiah an zai thung ang. Hun hman dân tûr chipchiar chu hetah
2. July ni 13 tlai lam khân Kohhran choka sîra tui herh hawna panga (5) leh inchung mipa zun in sîra kut silna ami chu rûkbo a ni a, a la tu hi hriat chhuah a la ni lo. Hêng tui herh hawna-te hi tui line off lo chuan thlawn theih a ni lo va, a off-na lai pawh hi hmuh mai theiha dah a ni lo. Chinchâng hre tak niin a lang.
   
3. Thawhtan zan (July ni 12) zân inkhâwm kha mi 133 kan ni a, inkhâwm bâna Biak In leh a chhehvêla Bethel-pui neihah mi 90 vêl an awm a. Bethel neih bâkah inhlanna hunte neiin, zaikhâwmna hun neih a ni bawk a. A tel ten hlâwkthlâk an ti hle.
4. Group Budget pe: Matthaia Group-ten Rs. 7,000/- an pe a, Luka Group ten Rs. 5,000/- an pe a. Group tin ten an budget Rs. 9,000/- an tlin thei theuh dâwn niin a lang a, Group hruaitute leh member-te an fakawm hle.
5. Pêm thar: Johana Gr.Asst.Leader Pu F. Lalhmangaihsanga h/o Darremmawiia te chhûngkua chu East Lungdar Kohhran atanga an Pêm Lehkha nilai zan (July ni 14) khân chhiar a ni.
   
6. Naute nei thar: Kan memberte- Pu Joseph Lalnunsanga s/o Malsawma Chhangte te leh Pu Vanlaltluanga s/o Darlawma (L) te chuan July ni 14 & 15 te khân Durtlang Presbyterian Hospital-ah naute- mipa ve ve an nei thar a, kan lawmpui hle.
7. India Rupee chhinchhiahna (symbol) thar: Union Cabinet chuan ningani (July ni 15) khân Rupee (chêng) chhinchhiahna thar IIT-ian (IITB Research Scholar/ IITG-a thawk mêk) D Uday Kumar-a design chu a pawm ta. Hindi hawrawp 'Ra' leh Roman hawrawp 'R' inpawlh a ni. India chu khawvêla pawisa zinga symbol nei 5-na a ni ta a ni. Chhiar zawm duh tân hetah

LÂKKHÂWM

1) B.E. (Mechanical) hmeichhe Mizo hmeichhe zinga hmeichhe B.E. (Mechanical) hmasaber nia hriat, kan member Nl.C. Zonunmawii d/o C. Lalrosanga chuan UVCE Bangalore atangin B.E. (Mechanical) Distinction-ah a zo thar a. Kan lawmpui takzet a ni.

K.T.P College Veng Branch Committee vawi 10-na neih a ni

July ni 8, ningani zân khan K.T.P Colllege Veng Branch Committee vawi 10-na chu Committee Room-ah nei a ni a, member 16 an kal. Committee hi Bialtu Pastor C. Sanglianan a ho a ni. Aug. ni 2-8 chhûnga Literature Week neih tura lo rêl tawh chu, Synod Bookroom lamte hunawl- Aug. ni 16-22 chhûng atân sawn a ni a. Group hrang hrang hmalakna thlîrho a ni bawk. Thurêl dangte:-

CENTRAL K.T.P THUCHHUAHTE

Central K.T.P Committee chuan Inneih lawmpuina thilpêk chungchânga kaihhruaina leh Relief Budget hman dân tur ruahmanna a siam thar a. June ni 11, 2010-a circular tarlan ang chu heti ang hi a ni:-

LAWRKHÂWM

1. Upa Bial 3-na, Upa Lalbiaktluanga bial chu a zau deuh avâng leh, a bialtu hriselna that lutuk loh avângin T/Upa H. Rosema chu he bial pui tûra ruat a ni.
2. Kohhran suma Synod hnuaia 'Keyboard' zir tûrin Tv. Lianhmingthanga s/o Zahmingliana (Upa Bial 4-na) chu thlan a ni. Ani hian July-December chhûng a zir ang.
3. July ni 4, Pathianni chawhnu inkhâwma 'Health Sunday' puala thawhlawm chu Rs. 2,408/- a ni a, hei hi vêngchhûnga damlo kan nân hman a ni ang. Zân inkhâwmah 'Presbyterian Hospital- Durtlang' puala thilpêk lakkhâwm chu 3,891/- a ni.
4. MHIP Day (July ni 6)-ah Marka Group chuan Rs. 3,000/- budget-ah an pe a, Group budget pe hmasaber an ni. Group tinin Rs. 9,000/- theuh budget an nei a ni.
   
5. Johana Group chuan hemi ni hian sam henna-in sum an tuak a, member engemawzât an thawkchhuak a. Inhlawhna remchang siamsaktute chungah an lawm hle.
6. College Veng Branch YMA President nilai Pu K. Pazawna chu Champhai-a post a nih avângin a nihna a pha a. July ni 4, Pathianni tlaia Branch Y.M.A Committee chuan heti ang hian O.B. post an thlang a, an insiamrem:- President: Pu R. Zapliana,

K.T.P Bawngkawn Branch nen Joint Service hlim taka hman a ni

Branch Committee pahnihte lo remtih tawn ang leh, Kohhran Committee-te remtihpuina angin July ni 5, 2010 thawhtan zân khân KTP Bawngkawn Branch kan tlawh a. Bus pathum, motor tê 5 vêl leh two wheeler 20 vêl hmanga kalin member 161 kan kal thei. Bawngkawn lamin Member Inkhawm Kim Zan puangin inkhâwm an tha hlê a, banner 3- welcome banner, Biak In leh Hall lamah te tarin min lo lâwm a ni. Zaiho boruak a nuam a, chanvo neiten an hlen tha hle. Inkhawm tanna hun Nl. C.Lalbiaksiami'n a hmang a, Pathian thuchah Pu F. Lalremruata, kan Branch Asst. Leader-in a sawi a, Kohhran Zaipawl ten Upa P.C.Tlangmawia (L) hla 'Lal sût vuanin' tih an sa a, inkhawm boruak a nuam hle. Inkhawm thawhlawm hi Rs. 3,490/- a ni. Fellowship chu Pu Lalthangvunga Sailo (Asst.Secy.)-in a hruai a; item hrang hrang- KTP Band (BK- KTP Gen.Conference Mamit participant) te, Gospel Dance (Comedy- BK) te, Female Voice (BK) te, Solo: Dr. Shirley leh Short Play te neih a ni. Fellowship hi dar 10:40-ah khamlo takin kan tin.

Rawngbâwlna report:- Branch din hun: BK- 5th Nov., 1967-ah Durtlâng atangin; CV- 22nd Oct., 1978-ah Venghlui atangin Member: BK- 777 (mipa-454+ hmeichhia323); CV- 550 (mipa 242+ Hmeichhia 318)

Branch Kumpuan bawhzuina signboard tar

KTP Branch Committee-in a lo rêl tawh angin, July ni 3 inrinni chawhma khân, Branch kumpuan 'Inkhâwm Uar Kum' denchhenin 'HAWH U LALPA INAH I KAL ANG U' tih chu Biak In gate sîrah târ a ni. Glow sign hmanga siam niin, a ban leh a bâwm tam zâwk hi aluminium a ni a. A bâwm hi Pu Lalchuailova (College Veng) kutchhuak a ni.
Signboard i/c F. Maruata & Achunga an ni a, hnatlânga thawkchhuakte (i/c te bâkah):- Hriatrenga, Awmtea, Chhantluanga, Hriata, F. Chianga, Thangtluanga, Mawizuala leh Madina te an ni. Signboard siam nân Rs. 4,485/- sên a ni. Pu Thangtluanga te chhûngkua-in cement, balu leh rora te min pe a, a lawmawm hlê.
Signboard târna hmunin Biak In gate hawnna a dâl deuh hlek avângin July ni 5 tukah a tarna hmun sawn leh a ni a, electric lâkna pawh a him/tlo zâwk nân pipe leh capping hmanga tuam leh vek a ni bawk.

FAINA LEH THIANGHLIMNA CHUNGCHÂNG

College Veng Presbyterian Kohhran Hmeichhe Committee-in Faina leh Thianghlimna chungchânga thuchah a siam:-

1. Bawlhhlawh a bâwmah chauh paih rawh.
2. Hnam changkâng apiang an fai thin.
3. Tuiluankawr (nala) hi bawlhhlawh paihna hmun a ni lo.
4. Bawlhhlawh a paihna hmuna paih hi finna a ni.
5. Bawlhhlawh khâwl la, bawlhhlawh paih motor hmang tangkai rawh.
6. Ringtu nih leh fai hi a inhmeh a ni.

Venghlui Kohhran Hmeichhe Thuchhuah

MIZO HMEICHHIATE INCHEINA CHUNGCHÂNG

Mizo hmeichhiate incheina hi inzirtîr a tul ta hlê mai. Hnamdangho kan hmuh phâk ve chin kan han en hian an hnam inchei dân an kalsan tâk pawh kan hre lo, engemaw entirnân an hâk/ bih pawhin an hnam incheina an kalsan ve ngai lo. Ram leh hnam a lo changkâng a, kan nunphung leh chezia, hawiher leh duhzâwng a lo danglam zêl a. Kan mithmuh leh beng hriat pawh a danglam lo thei a ni lo. Hmân leh tûn hun inher mil zêla nun thiam kan zir pawh kan tih ngei ngei tûr chu a ni. Mahse, kan hnam incheina zahawm tak leh mawi tak thlauhthla zâwnga inchei hi chu hnam boralzia chi khat, hnamdangten min hmuhsitna thlen thei a nih avângin mizo incheina zahawm tak hi i chhawm nung hrâm teh ang u.

Kohhran & Branch News

1. Venghlui Pastor Bial Inkhâwmpuiin a lo rêl tawh angin, July ni 3 inrinni nilêng (10:30 A.M. to 4:00 P.M.) hian Venghlui Kohhran Biak Inah bial chhûnga Kohhran Committee Member Conference neih a ni dâwn. Rev. Dr. Lalchhuanliana paper buatsaih' Tûnlai huna Kohhran enkawl dân' tih zirho tûr a ni ang.
2. June thla chhûnga Faith Promise hmuh zawng zawng Rs. 15,199/- a ni a, member 492 (90.27%) in an pe a ni.

Kum 2010 Presbyterian Hospital Report

June ni 4, Pathianni hi Hospital Sunday a ni a. He ni denchhena Presbyterian Hospital, Durtlang-a hruaitu, Presbyterian Hospital Board Chairman, Rev. C.Chawngliana (Synod Moderator) leh Board Secretary Dr. Lalremthanga report han tarlang ila. Thawktu nghetlo, doctor-2 tih zingah hian kan member- Dr. Abraham L. Khiangte s/o K. Daniela a tel ve a ni.

Health Sunday & Hospital Sunday hmang kawp dâwn

July 4 (Pathianni) hi Health Sunday & Hospital Sunday (Damdawi In Pathianni) a ni a. Mizoram Presbyterian Kohhran chuan Hospital Sunday hi kum 1928 atang khan a hmang tan a, a tirah chuan hman hun bik ruatsa a awm lo va, kum 1981 atang khan July Pathianni hmasa ber hi hman a ni ta a ni.

BAWNGKÂWN BRANCH NÊN JOINT SERVICE NEIH A NI DÂWN TA

K.T.P College Veng Branch ten kan sâwm angin, JULY Ni 5 thawhtan zân hian K.T.P Bawngkâwn Branch kan tlawh dâwn a. Bus pathum (3) hman tum a ni a, tlai dâr 5:30-ah Biak In kawt atanga chhuah tûr a ni ang. Biak In Programme leh Fellowship Programme heti angin:-

Hruaitu : Tv. K.Lalrotlinga, Asst. Leader (BK)
Tantu : Nl.C.Lalbiaksiami, Branch Comm.Member (CV)
Thusawitu : Pu F. Lalremruata, Asst. Leader (CV)

KTP Venghlui Pastor Bial Half-Year Meet Programme

HALF YEAR MEET PROGRAMME

A hun : July ni 17-18, 2010
A hmun : College Veng Kohhran Biak In

Seminar Programme (Branch Committee, Group Committee & Sub-Comm. Members pual)
A hun : July ni 17, 2010
A hmun : Gospel Centenary Hall, College Veng
Resource Person: Dr. C.Lalhrekima
Thupui : 'Nun Hlutzia'