KTP Sport 2011- kan zawh takah khan Matthaia Group chu Gold 13 lain kan champion a, pawisa fai India rupees in 2000 leh pen tam tak kan dawng bawk.

Aw LALPA kan lawm e,

Dibong-ah Work Camp

May ni 9 -19, 2011 chhung khan Manipur State chhunga Dibong hmunah kan kohhran mi 7 chu work camp-in an zuk kal a. Heta kalte chu - Pu C. Lianchhuma, Nl. Hmingthansangi, Isak Lalrawngbawla, Tv.Lalrothara, Tv. Jerry Lalduhawma, Pu Zokhuma leh Pu Lawmkima te an ni. Bahadurgram atangin Pu Khelendro leh Biswajit Singh te, a hmuna Evangelist awm A. Maniton Singh leh Nl. Bedamani te, Maliana (Evangelist, Rep. Vengthlang mi) ten an pui a; Dibong khuaa mi 3 hlawhfa an la bawk.Ni 14-ah Bial In hmun an lai zo hman a, ni 15 Pathianni tukah ruah a sur hnem deuh avangin an hmunlaih sa ko sâng lam a ti-min a. Lung an rem leh nghal a, hei hian hna a titamin boulder leh cement pawh a tihau tak ta deuh a ni. Ni 19, ningani-ah dam takin an rawn haw leh a ni.

Thu sepsel

• Malsawmtluangi D/o Laltlanmawii, kum 14 chuan Nilaini khan chatuan ram min pansan a. Kan uiin, a kalsan tak a chhungte Pathian awmpui se, tih hi kan tawngtaina a ni.
• Tun Nilaini zan inkhawm khan Dr. Hranghmingthanga te chhung pem lehkha chhiar a ni a. Dr. Hranghmingthanga te hi Ramhlun North Kohhran atanga rawn pem niin, chhungkaw member 3 an ni. Hemi zan vek hian mi pahnih thunun an ni bawk.
• Kan Kohhran mi Tv. Lalramchhana, Tv. Malsawmzuala leh Pu Chalhmingthanga te awmna team, Krista Thupuangtute Team chuan Zamuangah rawngbawlna nei turin Inrinni khan an kal a. Kohhran mipuiten kan tawngtaipui dawn ni

Masihi Sangati Meet-ah baptisma chang thar 12

East Area Masihi Sangati Meet vawi 15-na chu tluang takin neih zawh a ni ta a. May 22, Pathianni chawhnu khan hnam dang ringthar 12 ten Baptisma an chang thar a ni.
Area Masihi Sangati Meet hi kum tin vawi hnih neih thin a ni a. Kumin hian Masihi Sangati Convention a awm dawn avangin tum khat chauh neih a ni dawn a ni. A hun leh hmun tur hi Synod-in a ruat mai thin a ni.
Aizawl East Area huam chhungah hian Masihi Sangati Pastor pakhat a awm a, Area hruaitute a hrangin an awm a. Pastor bial panga awmin kohhran 18 leh preaching station (Masihi Jivan Sangh) pakhat a awm. Fellowship 16 an awm a, Non Mizo member 1018 awmin Kristian 316 an awm a, Kristian ni lo 499 leh sakhua nei lo 203 an awm a ni. Tun Area Meet-ah khan ringlo lo kal zawng zawng 81 an ni a, palai 692 an awm a ni.

MO THAR KAN NEI TA

Kan Branch K.T.P Leader Tv.R.Lalhmunsanga chuan kumtluang atan Nl.Debie Lalkhawngaihi Sailo of East Lungdar chu vawiin chawhnu dar 1:30 khan kan Kohhran Biak Inah "TIAM TLAT E" a tihpui ta. Kan va'n lawm em!! Fanau maltluan chawia, nupa kawprem tak ni a, a dam dun chhung zawng kan Lalpa Isua Krista leh a Kohhran tana rawng an bawl theihnan member ten i tawngtaipui ang u.

KTP Sports

KTP Sport chu kar leh Inrinni hian neih chhunzawm leh tur a ni a. Hetah hian field item hrang hrang la tih zawh lohte zawh tawh tur a ni ang. Zing dar 9:30-ah field-ah inchhiarna neih a ni ang.
Nimin, Inrinni zing khan Cross Country Race neih a ni a, hetah hian Bethlehem Venga kualin tlân a ni a, member kal an \ha hle.

Tawngtai tlaivar

Thawhtanni zan khan Venghlui Pastor Bial KTP Conference-in a lo rel tawh angin, member hlate pualin tawngtai tlaivar neih a ni a. Venghlui Pastor Bial chhunga KTP branch pathumten an nei.
Kan Branch chuan dar 10:30 atangin Tawngtai Tlaivar Programme hi neih tan a ni a, zing dar 4:10 thleng neih a ni. Zanlaiah tawngtai tlaivarte pual hian ar sawhchiar siam a ni a, he hunah hian member 96 vel an tel thei a ni.

Barak area atangin tlawhtu

Tun Nilaini zan inkhawm khan Barak Area atangin mi 27 an rawn kal a. Barak Area-a Synod-in Meitei zinga rawng a bawl atanga kum 25 tlin lawmna nei turin Mizoram vehbur an rawn khawn a. Kan Kohhranah hian zaia rawngbawlna neiin, kan kohhran pawhin tanpuina a pe. Heng mite hi Barak Area Administrative Secy. Rev. Ralthansanga Ralte hovin an rawn kal a ni. Heng mite hian kohhran 12 leh an tlawh dawn a ni.

Aizawl East Area Masihi Sangti Area Meet

College Veng, May 22: Zanin atang hian East Area Masihi Sangati Area Meet vawi 15-na chu kan Kohhran Biak Inah neih a ni dawn a. Aizawl East Area huam chhungah hian kohhran 17 an awm a, Aizawl East Presbytery huam chhung a ni. Thupuiah ‘Isua chauh chhandamtu’ (Tirh. 4:12) tih hman a ni a, Evan. Lalhruaitluanga, Gospel Team leader chu speaker-a hman a i ang
Aizawl East Area Meet tan zan, zanin hian Pathian biak inkhawm neih a ni ang a, hetah hian kan veng Kohhran Zaipawl leh zaipawl dang pali an zai ang. Thupui ngaihthlak nghal a ni ang a. Inkhawm banah Fellowship neih a ni ang a, Pu H. Vanlalliana, Fin. Secretary, Aizawl East Area Masihi Sangati chuan a kaihruai ang.

KTP Sports neih mek a ni

College Veng, May 15: May 8 tlai Fellowship atangin Branch KTP Sports 2011 chu neih tan a ni ta a. Inrinni khan College Veng Field-ah field item neih a ni a, boruak a nuamin member-te an phur hle.

Inrinni zing dar 9:30 khan inchhiarna neih a ni a, hemi hnu hian Sports hi neih chhunzawm nghal a ni a. Sports tan nan hian Branch Committee member leh Pavalai ten opening match an khel. Inrinni khan hmeichhia leh mipa football a awm a, final hi ni 28, Inrinni khian khelh leh tur a ni. Hei bakah hian Sack Race, Insuknawr, Ke phuara tlân, Kalchhet kal leh Air Rifle Shooting te hmangin inelna neih a ni a, Slow Motion Race, nimina neih tura tih chu ni 28-a neih tura sawn a ni.

Pathianni tlai dar 3 khan Centenary Hall-ah Fellowship-ah Sports hi chhunzawm leh a ni a, hetah hian Action Recitation, Sawhkhawk leh Balloon Insepsiak te hmangin inelna neih a ni a. Thawhtanni zan khan Short Play hmangin inelna neih chhunzawm a ni.

Thu sepsel

• Tun Nilaini zan inkhawm khan Bethlehem kohhran atangin Pu Vankhuma te chhungkua member pahnih pem lehkha chhiarchhuah a ni a. Kan kohhran tana mi tangkai tak an nih chhunzawm zel kan beisei. Nilaini zan vek hian Mi pakhat thunun a ni bawk.
• Pu Vanlalruata Siakeng chuan Sa-sah Chém Rs 400 man Kohhran tan a pe a, a lawmawm hle.
• Biak in a pangpar khawina plate pahnih chu a awmna chin lohin a bo a. A awmna hria chuan Biak in enkawltu hnenah pek nise a lawmawm hle ang.

Bial Kohhran Hmeichhe Leadership Training

May ni 17, thawhlehni chawhma dar 10:30 atang hian Venghlui Pastor Bial huapin, Venghlui Kohhranah Kohhran Hmeichhe Committee Member chinte Leadership Training neih a ni dâwn a. Chawhma hunah 'Hruaitute mawhphurhna' tih Nl. Vanlalsawmi, Kohhran Hmeichhe Coordinator ziah an zirho ang a, chawhnu lamah 'Hruaitu leh Committee Kalhmang' tih Pi Biakengi, Central Kohhran Hmeichhe Committee Member-in a sawi ang.

Lawrkhâwm

1. Tawngtai tlaivâr: Central KTP Rorel Inkhâwm thu bawhzuiin, May ni 16 thawhtan zân hian tawngtai tlaivâr programme duan a ni. Inkhâwm hi Sports kallai angin Drama Competition neih tur a ni a, bân atangin programme hi tan a ni ang. Group hrang hrangte tawngtai hun tur duan a ni a, zing dar 4 thleng programme siam a ni. Hawnna (10:00- 10:30 P.M) hruaitu: Pu F. Lalhmuchianga, Thawh 1-na (10:30- 11:30): Mat. Gr., Thawh 2-na (11:30- 12:30): Marka Gr., Thawh 3-na (12:30- 1:30): Luka, Thawh 4-na (2:00- 3:00): Johana, Thawh 5-a (3:00- 4:00): Member pum huap. Biak Ina tawngtai laia Hall lama Fellowship hruaitute:- 1-na: Tv. Lalmawizuala Tochhawng, 2-na: Nl. Baby Lalhmunsangi, 3-na: Pu Lalchhantluanga & 4-na: Tv. Thangmawizuala.
   
2. Masihi Sangati Meet: Aizawl East Presbytery huamchhûng, Masihi Sangati Meet vawi 15-na chu kan Kohhranin May 21-22 hian kan thleng dâwn. Speaker-ah Evan. Lalhruaitluanga, Gospel Team Leader a ni ang.
3. Nilai zan programme: May ni 18 nilaini zân inkhâwmah Barak Area atanga rawn kal ten rawngbâwlna an nei dâwn a. Anni hi Aizawl chhûng Kohhran hrang hrangah vehbûr khawnin an lo kal a, kan Kohhran chuan Rs. 6,000/- in a lo tanpui ve a ni.
   

Dibong-ah Work Camp

May ni 9, thawhtanni tuk khan Dibong hmuna Biak In sa turin kan Kohhran aiawh mi 7 an kal a. Anni hian Biak In hmun tur an buatsaih a; May ni 15 Pathianni tuka ruahsurin an lei laih a tih min avangin lungrem turin an la châm leh rih dâwn. C. Lianchhuma leh Nl. Hmingthansangi ten an ho a; KTP member atangin Tv. Isak Lalrawngbawla leh Tv. Jeremy te an kal ve a ni. Dibong-ah hian kan Kohhran mi engemawzat chu nikum khan Krismas hmangin an zuk kal tawh a ni read more.