K.Ṭ.P Thupui Innghahna

Thil ṭha ti atân Krista Isuaah chuan siama awmin, ama kutchhuak kan ni si a; chu thil tha tih chu kan awmna tûrin Pathianin a buatsaih lâwk a ni. (Ephesi 2:10)

Monday, November 29, 2010

SACRAMENT ZIRLAITE CAMP NEI DAWN

Kumin 2010 College Veng Presby. Kohhran-a Sacrament Zirlai 42 techuan Exam tha taka pass in 8/12/2010(nilai) zanah Kohhran Dan chhunga lakluh tura ruahmanna siam a ni. Anni ho hi tunkar December ni 2 - ni 4 chhung hian Upa C.Ngurthantluanga Speaker-a hmangin CAMP an nei dawn.

Variety Programme

Nizan, (Thawhtan zan) khan Variety Programme hman a ni a. He huna Group inkhawm tam ber hnenah Rs. 500 hlan niin, Marka Group te 36 inkhawmin inkhawm tam ber lawmman hi an la.

Variety Programme hi T/Upa TL Haungura'n a hruai a. A hruaitu a khat liam bawka inkhawm a nuam hle a. Matthaia Group Male Voice te class taka zaiin, music genre thar kan ngaithla a. Tv. Benjamin-a a solo a, Nl. Saizamrengi thiam takin a zai bawk. Nl. Saizamrengi zai hian inkhawm hruaitu lunghlui a tileng hle a, hun kal tawha a hmeichhe tawn tawhte a hriat chhuahtir.

I tawngtaipui ang

Kan member pui Tv.Lalhmangaiha, Tv.Zohmingthanga leh Tv.JH Lalchhanhima te chuan Rehobob centre, Sihhmui-ah rawngbawlna an nei mek a. Tin Tv.Lalthlamuana (Krista Thupuangtu team) chu Pawlrang-ah rawngbawlna nei in a thang mek bawk, heng kan member pui rawngbawlna nei a chhuak te hi i tawngtaipui ang u.

BUHFAITHAM CENTENARY








Buhfaitham Centenary lawmna chu tluang takin neih a ni. 26/11/2010 (zirtawpni) khan nilengin, Chawhma lamah Biak Inah hun hman a ni a, chawhnu lamah Gospel Centenary Hall ah Variety Programme-a hun hman a ni. Tlai lamah Centenary Ruai ropui taka theh a ni a, heng Ruai tehi Pavalai lamin an buaipui. Tin, Biak In, Hall leh Pawn lama Banner te K.T.P ten an buaipui bawk a. He Ruai hi mi 400 chuang zetin an kil thei a ni.

Monday, November 22, 2010

FAITH PROMISE

November, 2010 Faith Promise chhiar a ni a, Rs.17436 hmuh a ni. hma kan sawn hle a, a lawmawm tak zet a ni. Petu hi member 459 kan ni a, 80.38% a ni.

Kohhran Hmeichhe Ni & Buhfaitham Centenary


Zirtawpni hian Kohhran Hmeichhiate chuan Kohhran Hmeichhe Ni leh Buhfaitham kum za tlin lawmna an nei dawn a. He hun hi nilenga hmangin tlaiah zanriah kilho a ni ang.

Chawhmain Inkhawmna neih a ni ang a, hetah hian Buhfaitham chanchin leh Report Pi Lamchhingi, Secretary, College Veng Kohhran Hmeichhiain a pe ang a, lawmthu sawi tawngtai rual neih a ni bawk ang. Chawhnuah Variety Programme-a hun hman a ni ang.

Buhfaitham hi Mission Veng Kohhran nuho tihchhuah niin, a tir chuan Mission Veng Biak In sakna atana sum tuak nana hman a ni a. Biak In sak zawh a nih hian missionary chawmnana tham zui a ni a, tunah chuan ram pum huapa Kohhran Hmeichhiate rawngbawlna pawimawh tak niin, Synod sum hnar pawimawh berte zinga mi a ni tawh a ni.

Ruihtheih thil Awareness Campaign

Tun Pathianni khan Gospel Centenary Hall-ah Intermediate atanga Senior Dept. naupangte pualin Ruihtheih Thil Awareness Campaign neih a ni.

Awareness Campaign hi Central KTP-in Branch tinte Sunday School Committee nena inrawn chunga nei tura a ruahman a ni a. He hun hi Tv. R. Lalhmunsanga, Leader, Branch KTP-in a kaihruai a, Nl. VL Hmangaihzuali, Branch Committee member-in a tan a, Nl. C. Lalbiaksiami, Branch Committee-in hemi huna chhiar chhuah tura Central KTP buatsaih, Dr. C. Lalhrekima ziak a chiar chhuak. Sunday School zirlaite hi ruihtheih thil chi hrang hrang leh mihring taksa tana an hlauhawm theih dante zirtir an ni.

Banner Sponsor theih

Central KTP-in Krismas leh Kumthar vuakveta boruak thianghlim zawk a awm theih nana mipui rilru kaihruai thei tur banner Branch tinte tar tura a tihah, kan Branch huam chhungah pawh tar a ni dawn a. Mahni chhungte thi tawh emaw, hriatrengna tur lam leh a duh apiang tan banner hi sponsor theih a ni a. November thla chhungin sponsor duhte chuan Branch Secretary Pu Lalthangvunga Sailo hnenah inhriattir tur a ni ang.

LAWMPUINA

Kan member Nl.C.Lalnunsiami leh Tv.Isak te unau chuan MCS Written ah an in ziak tling a, kan va lawmpui tak em. Hetiang kan Br. K.T.P Member an awm hi kan chhuang hle a. An Interview hmachhawn tur atan i tawngtaipui ang u.

Saturday, November 20, 2010

SUNNA

Tv.Rodintluanga (24) Pu Lalawia(L) Inhnuai luah (Hmawngkai) chu tukin Inrinni, 20/11/2010 (9:30) khan Aizawl Civil Hospital ah Lung natna avangin a boral. Mitthi / Khawhar chhungkua kan tawrhpui tak zet a, an chhungkaw tan i tawngtai ang u.
Amah hi kan Branch K.T.P ah Marka Group Member a ni.

Thursday, November 18, 2010

Hmanlai zan video

Hmanlai Zan video kha peihfel a ni tawh a. Puan tawhnaah khan CD pakhat Rs. 30 man tur tih a ni amaherawhchu DVD-a siam a nih leh si avangin Rs. 40-a nih leh a ngai a, member-te hriatthiamna ngen a ni. Vawiin Fellowship banah Pu F. Lalhmuchianga, Fin. Secretary hnen atangin lei theih a ni. Thiante ta copy leh write mai lovin KTP taka lei hram i tum ang u.

Branch Committe thuchhuak

Branch Committee vawi 14-na chu Ningani zan khan thut a ni a, hengte hi rel a ni.
1. Krismas leh Kumthar vuakveta boruak thianghlim zawk a awm theih nana Kohhran chhungtin hnena thuziak sem tur CKTP-in a buatsaih chu Challenger semtute semtir tura tih a ni. Banner emaw poster emaw tar tur ngenna pawh tihhlawhtlin tur a ni a. Banner hi Sponsor duh tan sponsor theih a ni a, sponsor duh chuan Secretary hnenah November thla chhungin inhriattir tur a ni.
December 13 hian Advance Christmas hman a ni ang a, hetah hian Gift Exchange awm lovin, Presbyterian Hospital-a damlo harsa zualte tanpuina turin thilpek lakkhawm a ni ang. December 20 hian inkhawm banah Carol neih tur a ni ang a, heta sum hmuhte tanpui nan hian hman bawk tur a ni.
Biak In chei nan Kohhran chuan Rs. 15,000 a dah a, Biak in chei hi Decoration Sub-Committee kutah dah a ni.
2. Group leh Challenger sum te December 19, tlai dar 3-ah audit tur a ni ang a, auditor atan Treasurer leh Fin. Secretary te ruat an ni.
3. Kohhran Hmeichhe Ni leh Buhfaitham Centenary lawmna, November 26, Zirtawpnia neih turah Kohhran Hmeichhiate chuan Branch Committee member-te lawmpuia telpui tura min sawmna tihhlawhtlin ngei nise. Committee member a thei theite telpui a, tlaia chawhlui an buatsaih tur pawh kil ngei tura inhrilh a ni.
Buhfaitham Centenary lawmna puala Banner siam tura KTP min ngenna chu tihhlawhtlin nise tih a ni a, hma lo la turin Pu F. Lalremruata, Asst. Leader leh Tv. Rochungnunga te ruat an ni.
4. December 6, Thawhtanni zan hian kum 2011 chhunga KTP College Veng Branch hruaitu thar thlanna neih a ni ang a. Returning Officer tur hi Upa Chawngthanthuama niin, Polling Officer turin Upa Kapmawia leh T/Upa H. Rosema te an ni ang.
5. Kristian Thalai chanchinbu kumthar atana la turte Faith Promise bial theuhah Committee member ten zawh tur a ni a, December thla chhunga tihfel tur a ni ang. Lak man hi kum khatah Rs. 50 a ni a, pek lawk tur a ni ang a, Nl. K. Lalruatkimi hnenah thehluh tur a ni ang.
6. Member Inpekna Form sem a ni leh dawn a, December 12 aia tlai lovah thehluh tur a ni.
7. December 28 tlai dar 4 hian Pu F. Lalremruata, kan hruaitu kal chhuak tur te inah Branch Kumtawp Committee neih tur a ni ang.

Wednesday, November 17, 2010

SUNNA

Tv.PC Hranghnuna b/o PC Lalruma chuan 17/11/2010(nilai) 4:30Pm ah Thisen Sang avangin min boralsan ta. Lumen a nih hnuin, 18/11/2010 (ninga) 12:00 Noon ah College Veng Thlanmualah Vui a ni ang. Mitthi / khawhar chhungte kan tawrhpuiin, Pathianin awmpuiin, kaihruai zel se kan ti a, i tawngtaipui ang u.
Amah hi midang tetana hnawksaklo, mi inthlahrung thin tak leh midangte tana a neih ui miahlo leh midangte tanpui nasa thin tak a ni.

Sunday, November 7, 2010

Sunday School Chawimawinate

  1. Diploma : Kum 25 chhung kum hloh lova Zirtirtu tang zawnte hnenah Chawimawina Diploma Certificate leh Bible pek thin a ni ang.
  2. Jubilee Award : Kum 50 chhung kum hloh lova Zirtirtu tang zawnte hnenah Certificate (frame siamsa) leh Bible pek thin a ni ang.
  3. Pi Zaii Medal : Kum 10 chhung kai kim zawnte hnenah he Tangkapui hi Certificate nen pek a ni ang.
  4. Pi Zaii Medal Special : Kum 15 chhung kai kim zawnte hnenah he Tangkapui hi Certificate nen pek a ni ang.
  5. Zalawra Medal : Kum 5 chhung MSSU Pathian Thu Exam-naa lawmman la zawnte hnenah he Tangkapui hi Certificate nen pek thin a ni ang.
  6. Zalawra Medal Special : Kum 10 chhung MSSU Pathian Thu Exam-naa lawmman la zawnte hnenah he Tangkapui hi Certificate nen pek a ni ang.

    Kai kim chhiar dan chhiar dan
  • Tualchhung Sunday School-a kum khat chhunga Sunday School neih zawng zawnga kai kim tihna a ni.
  • Inkhawmpui leh Kohhran pawimawha hmun danga inkhawmte, zinna khaw danga Sunday School-a kaite chu kai kimah chhiar tur a ni lo.
  • Khaw danga pem emaw, insawn emawte chuan an awmna hmasaa an kai tawh chu an chhawm thei ang a, an awmna hmasaa Kohhran Sunday School Secretary hnen atangin lehkha an nei tur a ni.

Kohhran sum

Champion lawm tum

KTP Sports 2010 neih taka champion Matthaia group chuan November 13 hian Gospel Centenary Hall-ah Pathian hnena lawmthu sawina leh Champion lawm an tum a. hetah hian chawhlui kilho nghal a ni dawn a, Group member tel duh apiangte chuan Group hruaitute hnenah Rs. 10 aia tlêm lo pein inhriattir tur a ni. Group Committee member-te chuan Rs. 20 aia tlem lo thawh tur a ni ang. Champion lawmnaa tel tumte chuan buhfai no 1 ken tur a ni bawk.

Friday, November 5, 2010

KHAWVEL SUNDAY SCHOOL NI

Kan Kohhran chuan tun Pathianni, 7/11/2010 hian KHAWVEL SUNDAY SCHOOL NI hman tur a ni a, Puitling leh Naupang lam tem MSSU lam atanga Zirtur an buatsaih zirho a ni ang. Naupang lamah Korea rama Kristiante tihduhdahna an zir anga, Group I & II ah inthenin, hun an hmang ang.
Puitling lamah chuan PATHIAN THU ZIR TANGKAINA LEH HLAWKNA tih zir a ni ang a, Chawhma ah Pu Lianmawia Zote in hun a hmang anga, chawhnu lamah Pu F.Lalremruata'n a hmang ve thung ang.

Wednesday, November 3, 2010

AMC ELECTION

Aizawl Municipal Council Election, 2010 chu tluang tak leh muanawm taka neih zawh a ni. Kan Ward No.XVI pawh tluang takin Inthlanna neih a ni. Kan Veng, College Veng bikah voters 2068 awmin, vote 1360 a tla a, a lawmawm hle.
He A.M.C Election-ah hian kan Veng M.P.F chuan Electoral Roll en leh a tul anga hma lain an hman hlel hle a, a bikin kan Branch K.T.P Committee te chu he roll en ah hian a hma latu leh sul sutu berte kan ni.
M.P.F te hmalakna pawh a ni anga, boruak a muanawmin a tha hle a, A.M.C Election kan neih vawikhatna avang tepawh a ni mai thei. He A.M.C hi kan la hmelhriat tawk loh vang pawhin Vote thlaklo tepawh an awm nual an ti . . . Engpawh nise Vote thlak tu zawng zawngte chungah lawm,thu kan sawi a, Khua leh tui diktak kan nih chuan VOTE hi kan thlak ngei tur a ni(eng Inthlanah pawh). Chu chu Ringtu / Kristian te tihtur pawh ani.
M.P.F lama Duty te leh Party Hruaitu te nen Gospel Centenary Hall-ah M.P.F te buatsaihin ZANRIAH kilho a ni a, kan puar tlang hle.
Kan Ward - Ward No XVI ah Pu C.Lalsawivunga (MNF&MPC) chu a tling bawk.

HMANLAI ZAN KAN HLUT


Branch K.T.P in November ni khat, sanghnih leh sawm, thawhtan zana kan buatsaih chu Hruaitute beisei aiin member ten kan hlutin kan hmang tha hle a, a lawmawm hle mai. Nu leh Pa thenkhat tepawhin ‘hetiang hun hi thla khat chhung hmang rawh u’ te min ti vel mawle.
Memberte inpuahchahna a ropui hle a,Hruaitute’n kan tluk lovin, kan tlinlo zawk mah mah ani tih theih ani. Hetiang anih chuan member tam tak ten kan kham lovin, nuam kan ti tlang hle a, ‘ADVANCE KRISMAS ah tepawh hman nise’, tih rawtna a awm nual mai, kan ti lovang tih pawh a sawi theih loh.

KTP Sports 2010 Result kimchang

Group

Gold

Silver

Bronze

Total

Position

Matthaia

15

4

15

34

Champion

Luka

13

16

10

39

Second

Johana

13

11

18

42

Third

Marka

6

22

14

42

Fourth


Kimchang zawka en duh tan

Tuesday, November 2, 2010

Hello Hello

Hello Hello, College Veng K.T.P Information Centre atangin, Naktuk AMC Election neih turah Branch Committee member zawng zawngte 6:30Am ah duty tura kim tur a ni. Tumah Inphatsan lo ila.
Kan Hmanlai zan THLALAK te Drop Box ah lo en rawh le.

Monday, November 1, 2010

KAN VA’N HLIM EM



Hmanlai Zan chu kan han hmang ve ta chu ania, Hruaituten kan beisei bakin member ten kan hlut hle a, a lawmawm tak zet ani. Kan hlim tlangin, nuam kan ti tlang a, Inkhawm kal tan tirh atangin Biak In kawtah min lo thlirtu pawh an tam hle. Kan hun hman chhung zawngin Biak In hnaia kan Nu leh Pa tepawhin min rawn thlir nasa hle. Kan Group Champion Lawmman hi Matthai Group ten 1,000/- an dawng a, Quiz ah Matthaia Group bawk 300/- Debate ah Nl.Mabiaki heng tehi min Sponsor sak tu Pi F.Sanglutin a hlan. Nl.Zobawihi’n Photo Competion lawmman sponsorin Digital ah Tv.HVL Awmtea a hlan a, ani hian 1 - 3 a hauh vek zu nia, Mobile ah Tv.Mahriatan 1na a dawng bawk. Nl.Sangin Strongest Man hi 1na - 3na Sponsor in a hlan bawk, kan van lawm tak em. Hetianga member, leh kohhran mi inphal tak tak kan nei hi vannei kan inti hle, sum leh pai tamtak an seng a, Pathianin a let tam takin vur mawlh rawh se. Hetianga hun man hi a hlawk thlak hlein, a zawngchhang thlak hle mai, kan Hruaituten an hlauh thawn ber chu kan tive uk si anga, kan phur vak lo mai anga tih ani. Amaherawhchu Programme ti hlawhtling tura heti taka kan inbuatsaih hi memberte kan in lungrualzia leh kan inpek zia tilangtu ani.
Thlalak dang chu a Bawmpui lam i
lo hawng dawn nia.