Kohhran Hmeichhe Inkhawmpui Lian

Tunkar Ningani zan atang hian Kohhran Hmeichhe Inkhawmpui Lian Vawi 44-na leh Kohhran Hmeichhe Jubilee lawmna chu Kawnpui khuaah neih a ni tawh dawn a. Kan Bial atangin Nl. Lalthantluangi leh Pi Lalrokimi te an palai ang.

Khawmpui Lianah hian thupuiah ‘Kristian Chhungkua’ hman a ni a. Thupui hi then thumah then a ni a. Thenkhatna hi ‘Kristian Chhungkua leh Khawvel’niin, Nl. Zohmangaihi, Secretary for Women’s Relation, PWF, PCI-in a sawi ang a. Then hnihna, Chhungkuaa Lalpa Rawngbawl’chu Pi C. Lalhmangaihi, Inkhawmpui Lian Treasurer-in a sawi ang a, Pi C. Lalthanzauvi, Central Committee member-in thupui then thumna ‘Kristian Chhungkaw Lungphum Krista’tih a sawi ang.

Ningani zan hi Palai Lawm leh Report Inkhawma hman a ni ang a, Zirtawpni hian Rorel Inkhawm leh Hruaitu thar thlanna neih a ni ang a. Rorel hlân hian pandal-ah II Timothea zir a ni ang a, zirtirtu tur hi Pi PC Laltlani, Aizawl Theological College a ni ang. Zirtawp zan hian Jubilee hawnna neih a ni ang a, hemi zan hian thuchah Rev. Zosangliana Colney chuan a sawi ang.
Inrinni hian Jubilee lawmna inkhawm neih a ni ang a, hetah hian Synod Moderator Rev. C. Lalsangliana’n Jubilee Present a hlân ang a, zanah thupui thenkhatna ngaihthlak a ni ang.

Tleirawl Pual Camping

March 10-12 chhung hian kan Kohhran chuan Tleirawl Pual Camping a buatsaih dawn a, speaker-ah Upa Lallianmawia, Khatla East hman a ni ang. Nu leh paten kan fate, lut rual kan neih chuan luhtir ngei tum ila a tha awm e.
Camp puipa turte:
Director : Upa Kapmawia
Asst. Director : Pu C. Lalremruata
Secretary : Pu H. Thangtluanga
Manager : Pu Zoliana

February thla Faith Promise

KTP Day Vawi 57-na

Vawiin, February 22 hi Kristian Thalai Pawl din champhaphak vawi 57-na a ni a, Mizoram hmun hrang hrangah he ni pual hian hun hman mek a ni. Central KTP chuan KTP Day pual hian vantlang hnathawk a, a thei chuan thisen pea hun hmang turin circular a tichhuak a. College Veng KTP pawhin tukin dar 6:15 atang khan Taxi stand leh Biak In inkara tuiluankawr tifaiin kan hnatlang. Hnatlang thawkchhuak hi mi 25 vel kan ni a, Local Council Chairman Pu Vanhranga chuan hnatlang thingpui inna tur Rs. 500 min pe a, a chungah kan lawm hle.

Kristian Thalai Pawl din tan hun chiah hi hriat chian a har hle a. Kum 1953 November 27-ah Teachers’ Training School, Aijal-ah khawpui chhung mi pawimawh deuh deuhte leh thingtlang Middle School zirtirtute inhmuhkhawm atanga din chhoh a ni a, Provisional Committee din phawt a ni a, Synod Standing Committee-in a pawmpui hnuah mumal deuh zawka kalpui chhoh a ni ta a, February 22 hi KTP Day atan hman zui a ni ta bawk. KTP dinnaa hnarkaitute chu:-C
Chairman : Rev. O.W. Owen (Pu Awna)
Vice Chairman : Pu Lalthankhuma
Organising Secretary : Nl Zokhumi (Mission Veng)
Asst. Secretary : Tv. Luka
Treasurer : Mrs. Owen (Pi Awni)
Committee Members : Pu Vanlalkunga (Dawrpui) leh Pu Thanhnuna (Venghlui) te an ni.

Pem lehkha chhiar

February ni 16 (Nilai zan) inkhawmah mi 3 chuan Kohhran thununna an tâwk a. Hetihrual hian Pi Zothanpuii te chhung, member 5; Pu Lalfakawma te chhungkua, member 3, leh Pu Ngursangzuala te chhung, member 3 te pem lehkha chhiar a ni.

Fapa thar

Kan Branch Secretary Pu Lalthangvunga Sailo chuan fapa duhawm tak a nei ve ta heu mai. Thawhlehni, ni 15, February khan a hmang koh hi a piang a, a lai-ah hmingah Lalvenhima Sailo phuah a ni. Kan lawmpui tak meuh meuh a, tunah chuan 'Pa' tia koh theih a ni ta.

SUNNA

18/02/2011 (zirtawp) tlai dar 5:00 khan Pi Chalmawii (88) m/o Nl.Hmingthangsangi chuan Zunthlum natna avangin New Life Hospital-ah min boral san. 19/02/2011 (inrinni) 12:00 Noon ah Bialtu Pastor, Pastor C.Sangliana'n a vui.
Khawhar chhungte kan tawrhpuiin, Pathianin awmpui zel turin i tawngtaipui ang u.
Pi Chalmawii hi kan Kohhran Indan tirh atanga kan rawngbawltu pawimawhtak a thihni thleng hian a ni.

Pu F.Lalremruata thlah ani

Thawhtan zân (14/02/2011) inkhâwmah, kum over avânga kan hruaitu kalchhuak ta Pu F.Lalremruata chu NGAIHHRUINA thilpek (Certificate) hlan a ni. He thlahna inkhâwm hi Pu C.Lalrinawma'n (Fin.Secretary) a kaihruai a, Tv.JH Lalchhanhima a tan a, Tv.R.Lalhmunsanga, Br. Leader-in thlahna thu tlêm sawiin, thilpêk a hlan a. Pu F.Lalremruata hnên atang hian fuihna thuchah tha tak "I rawngbâwlna kha hlen rawh" tih thupui hmangin Pathian thuchah kan ngaithla.

Pu F.Lalremruata inkhâwmah hian a nupui fanaute leh a farnu ten an rawn tawiawm bawk. Inkhâwm bânah Branch Committee Member-ten Pu F.Maruata te inah thingpui an inho a ni.

FAPA PEK AN NI TA

Kan Branch Secretary Pu Lalthangvunga Sailo chu a nupui Pi Partei'n, Vawiin (Feb. ni 15) chawhma dar 10:50 khan FAPA duhawm tak Kg 3.250 a hrinsak ta, kan lawmpui e.

Kum 2011 Member thar lawmna nei

February ni 7, thawhtan zân inkhâwmah kum 2011 Branch Member thar lawmna inkhâwm neih a ni a. Branch Leader Tv. R. Lalhmunsangan inkhâwm a kaihruai a, Rev. Remlalfaka, MTC Lecturer-in thuchah a sawi. inkhâwmah hian Tv. C. Lalbiaktluanga a solo a, Faith Promise intiamna neih a ni bawk. Hemi zâna inkhâwm kal tha ber lawmman chu Luka Group-ten an dawng. Inkhâwm thawhlawm Rs. 1,799/-

Inkhâwm kal dan:- Matthaia Group: 45, Marka Group: 39, Luka Group: 46, Johana Group: 40; Branch O.B.: 5 leh midang: 4; T.T. : 179