Kan Kohhran kan hlim hle

Tunlai kan kohhran kan hlim hle a, zai pawh a nuam thei hle. Kan inpekna chin zel hi kan thlen chin a ni a. Tun aia nasa lehzuala kan hlim theihna tur chuan nasa lehzuala kan inpek a ngai a ni. |awng\ainaah pawh \an i la lehzual ang u.

Pathianni Chawhnu Naupang Inkhawm zirtirtu atan a ruat thar

Kan kohhran Sunday School Committee chuan heng mite hi Pathianni Chawhnu Naupang Inkhawm zirtirtu atan a ruat thar -
1) Tv Lalpanliana 2) Tv Isaac C. Lalrempuia
3) Nl K. Zorampari 4) Nl. Rohluni Renthlei
5) Nl. K. Lal\hakimi

MAY thla hunruat

Meeting Chairman : Upa Lalbiaktluanga

Zai hruaitute : Pu K.Rotluanga
Pu P.C. Lalropara
Pu Lianmawia Zote

Hla hriltu : Pi Malsawmi Zote
Pi Lalramsiami

Keyboardist : Tv. F. Lalzidinga
Tv. V. Lalduhawma

Thilpek lakhawmtu : Nl. Lalchansangi
Nl. C. Lalhriatpuii
Nl. V.L. Hmangaihzuali
Nl. Baby Lalhmunsangi
Receptionist : Tv. C. Lalhriatkima (Convener)
Tv. J.K. Laldinpuia
Tv. H. Vanlalhriatzuala
Tv. F. Vanlallura

Kristian |halai Pawl
Hla hruaitu : Pu. H. Lalhmunsanga
Tv. H.V.L. Biakrinawma
Musician
Keyboardist : Tv. F. Lalzidinga
Tv. V. Lalduhawma
Drummer : Tv. C. Lalbiaktluanga
Bassist : Tv. Lalramchhana Hnamte
Guiter : Tv. Andria V.L. Ruatfela
Hla hriltu : Nl. Rothangpuii
Thilpek lakhawmtu (Thawh\anni zan)
Nl. H. Lalfakawmi
Nl. Lalthantluangi

Kohhran Hmeichhia
Thilpek lakhawmtu : Pi Zodinmawii

Hla hruaitu : Pi Malsawmi Zote
Pi Lalsangpuii

Easter Sunday

Vawiin hi Isua Krista he khawvel mihringte sual tlan nan a thi a, a thawhhlehna hun (Easter Sunday) a ni. He Khawvela kristian ten he hun hi urhsun takin kan hmang mêk a ni. Easter Sunday hi kum 2012 ah chuan April ni 8, a ni leh thla hi he khawvela kristian ten rualkhai taka kan hman tlan theih nan ruat a ni a, a pawimawh ber chu kan thinlungah thihna hnehin a tho leh tih kan chian chuan a tha hle awm e.

Bilble-a chanchintha bu li ten Isua Krista thawhlehna hi an ziak vek. Mari Magdalini hnenah a inlar hmasaber. Tichuan,Galili rama zirtir sawm leh pakhat hnenah leh Emmau khaw pana kal Kleopa leh a thian hnenah te a in lar leh bawk a. A thawhleh hnu rei lote hnuah vanah kan awmna hmun siamin a kal a, keimahni min lam turin a lo kal leh ang. Thil pali kan hriatchian em em mahse kan ngaihtuah chian ngai deuh deuh han tarlang ila.

1. Isua Krista hi kan tan a lo piang tawh a.
2. Kan tan kraws-ah a nun a lo hlan tawh bawk a.
3. Kan tan vek thihna hnehin a tho leh tawh bawk a.
4. Lalpa niah rorel turin a lo kal leh ang.

Easter sunday hi khawvel hmun hrang hrangah lawmna hun hman a ni a.Ram thenkhatah chuan a neilo zawk te tanpuina hun atana hmangte an awm nawk mai. Vineyard Church chuan he hun lawm nan hian ei tur a thlawnin an sem. Queen Elizabeth pawh vênpui zanah khan Westminster Abbey Biak Inah a inkhawm ve a, he hun hi a kum 85 tlin nen a inrual thu Buckingham Palace chuan a sawi. America ram president Obama pawhin a chenna White House Easter breakfast a buatsaih naah thu sawiin kan mithianghlim Isua Krista thawhlehna hian a tha zawngin thil engkim a thlen a ni a ti. India ramah pawh hmun hrang hrangah Easter Sunday lawmna hun hman a ni a, chawlh atan Good friday leh Easter sunday hi sawrkar in a puang a, New Delhi-ah chuan Sacred Heart Cathedral Biak In Connaught hmun a mi kristian ten an thlawh theih nan Airport Metro Line chu a chuan man za a sawmnga in an ti tlawm. He hunpui hi hmun dangah chuan mite tanpuina hun atan an hmang thin.
Church of Sepulcher hi Isua an khenbehna hmun niin Archaeologist te chuan an ngai a, he lai hmun hnaiah tho hian Isua pawh kha khengbet ngei niin an ngai bawk.

KTP Faithpromise- April thla

Venghlui Pastor Bial Zaipawl 2011-13

VENGHLUI PASTOR BIAL ZAIPAWL 2011-13

Venghlui Pastor Bial zaipawl kum 2011-13 member turte ruatfel an ni a, kan Kohhran atangin heng mite hi ruat an ni.

Saprano 1.Nl. Lalrinsangi
2.Nl.Dr Shirley Lalbiakzuali Chhangte.

Contralto 1.Nl Lallianpuii
2.Nl K Lalthakimi

Tenor 1.Tv.C Lalbiaktluanga
2.Tv.H T Hmingliana

Bass 1.Tv C Lalhriatkima
2.Tv Lalmawizuala Tochhawng.
Venghlui Kohhran atangin mi pakua ruat an ni a, Aizawl Kohhran atangin mi pasarih ruat a ni.Dt 26.04.2011 (Tuesday) tlai dar 5-ah Venghlui Kohhran Hall-ah Bial KTP hruaitute leh Bial zaipawl member thar te hian inhmukhawmin zanriah an kilho nghal ang.

Bial Inkhawmpui neih zawh a ni ta

Zirtawpni atang khan Venghlui Pastor Bial Inkhawmpui vawi 40-na chu Venghlui Kohhran Biak Inah neih a ni a. Zirtawpni chhûn khan Finance Committee leh Nomination Committee an thu a, zan lamah Palai Lawmna leh Report inkhawm neih a ni a. He hunah hian kan Kohhran zaipawlte an zai.

Inrinni nileng khan Palai ten ro an rel a. Rorelnaah hian General-ah Agenda 5 a awm a, tin, Upa leh Tual Upa thlan dilna ngaihtuah a ni bawk. Kan Kohhran atangin Synod Endowment Fund atanga Zirlai harsa zual te tanpuina hi tun aia tam zawkin Synod-in pe thin tawh rawh se, tih chu Presbytery-a kal zel tura pawm a ni a. Durtlang damdawi ina doctor an indaih theih nana hma la turin Synod-a thu thehlût tura rawtna pawh pawm a ni bawk. Pentikos Ni chu Thlarau Thianghlim Thlen Ni, tia thlak rawtna, Aizawl atanga lut chu tuna kan kaldan ngai hi a tha tawk e, tiin dah a ni a. Pastor leh Pro Pastor Induction programme hi inangtlanga neih rawtna chu remtih a ni bawk.

Pathianni chawhma inkhawmah kan kohhran zaipawlte thiam takin an zai a, chawhnu inkhawmah Lalpa Zanriah Sakramen kil a ni a, zanah Bial Chairman kalchhuak Upa F. Zakhuma hnen atangin thuchah ngaihthlak a ni. Nakkuma Bial Khawmpui neih lehna tur hi Aizawl Kohhran a ni a, tuna Bial Chairman thar hi Upa Rochungnunga niin, Upa Zatlaia chu Bial Chairman elect a ni.

Kan veng atanga Class X pass tharte

Tihsual leh tihhmaih a awm mai thei; chutiang a lo awm a nih chuan ngaihdam kan dil nghal nise. Pic hi a tet deuh chuan pic-ah hian tlik la a lang lian mai ang

Branch Committee Vawi 5-na

Ningani zan dar 7 khan Committee Room-ah Br
anch KTP chuan Committee vawi 5-na a nei a. Hetah hian Branch KTP Sports leh Retreat cum Leadership Training neih chungchangte rel a ni.
Retreat cum Leadership Training hi March 26 kha neih hun tura ruahman a lo ni tawh a, mahse Blanket sûk a nih tak avangin a hun hi sawn hlat niin, hun remchang hmasa bera neih tura ruahman a ni a. Resource person leh neih dan tur chungchang chu Branch Secretary-te pahnih bawhzui tura dah a ni. Sports chungchang ngaihtuah a ni a, Sports hi May 7 hian hawnna, kan veng field-ah neih a ni ang a, May 14-ah field item neih chhunzawm a ni ang. Indoor item neih hun tur hi May 8, 9, 15 leh 16 te ruahman a ni a, May 30 hian Sports kharna leh result puan a ni ang. Sports fee hi Rs. 500 tur a ni. Group champion-in Rs. 2,000 an dawng ang a, discipline thenkhat titha berte hnenah lawmman siam a ni ang a, lawmman hi a duh tan sponsor theih a ni ang.

May 1 hian Group colour pawh tur a ni ang, Group colour turte chu - Green, Red, White, Blue. Group hrang hrangin a hranin bûk kan nei lo ang a, hmun khatah awm khawm vek tur a ni.

Suggestion Box

Branch chuan Challenger Room bulah Suggestion Box a hûng a, Pathianni leh Thawhtan zanah te hun chhuah thin a ni. Branch kalphung emaw, hruaitute emaw, leh thil dang hrim hrima sawisel leh fak duh neite tan, mahni hming ziak lang lovin suggestion box-ah hian dah theih reng a ni.

Thu sepsel

• Nilai zan inkhawm khan Biate North Kohhran atangin kan Kohhranah Pu Ngurzampuia te chhungkua member pathum chu lawmluh an ni.
• Pavalai Pawl: Tun Inrinni khan Pavalai Pawl chuan hnatlangin Biak In bula zun in tifaiin rawngte an hnawih thaa, he zun in hi tifai tur inruatin, kar tin, kumin chhungin tihfai an tum a, Local Council te pawh an dilin an hriattir tawh a ni.
• Kan Biak In enkawltu Pu C. Lalfakzuala chu Presbyterian Hospital-a enkawl a nih hnuah Zirtawpni khan dam takin a rawn chhuak. A taksa a chak chhoh deuh deuh nan tawngtaipui thin ang u.

KTP boulder phah hnatlang

Vawiin hian Branch KTP chuan Sahuan hlui bulah boulder phaha hnatlang a nei. Hnatlangah hian mi 50 chuang lai thawhchhuah a ni a, hruaitute an lawm hle. Boulder hi metre khatah Rs. 30 hisapa phah a ni.

Generator thar

Kohhran chuan Generator thar kan nei ta a. Zirtawpni khan Generator thar hi a lo thleng. a, tunah chuan power lamah kan hnianghnar deuh tawh ang. Kan generator thar hi a ri thupna awm nghal chi a ni a, bengchheng pawh a siam tlêm tawh lo deuh tura ngaih a ni. Rs. 246,000 a lei a ni a, a phurh manah hian Rs. 11,390 sen a ni a, power a pek chhuah theih zat hi 10 kv a ni. La install loh a ni a, a thâwm (ri a pek chhuah) azirin a dahna hmun tur pawh hi tihfel a la ni chauh ang.

Thu sepsel

• Nilai zan inkhawm khan mi pahnih chuan kohhran thununna an tâwk a. Kristian Thalai member-ten tan la ila, mahni theuh invêngin, Biak In hawng ngeia nupui pasal neih i tum ang u.
• Kan member Pu Reuben VR Beiseia leh Nl. Lalhmangaihi Sailo te rawngbawlna team Soldiers for Christ te chuan ni 26 March, Inrinni atang khan Lungchhuan Kohhranah crusade an nei a, i tawngtaipui ang u. Tun Thawhtanni hian lo lêt leh tura beisei an ni.
• Kan rawngbawlpui Tv. C. Malsawmzuala te team, Krista Thupuangtu Team chuan nizan atang khan NE Khawdungsei-ah rawngbawlna an nei a, Pathianni leh thleng khi a awh ang. An rawngbawlna a lo hlawhtlin theih nan leh, Thlarau Thianghlimin zalên taka hna a thawh theih nan i tawngtaipui ang u.
• Kan rawngbawlpui Nl. Lalmuanzovi, Mission Foundation Movement buatsaih, Discipleship Traning Centre-a missionary training mek chu Outreach neiin Cherragi-ah an kal a, kar lehlamah an rawn haw ang.

Group News

Matthaia
Thawhlehni zan khan Matthaia Group te chuan Pu R. Dokunga te balu thiarin an inhlawh a, inhlawhna siamsaktu leh Group member-te chungah lawmthu an sawi tak meuh meuh a ni.
Marka
Marka Group ten Leprosy Choir CD album an zawrh lo leisaktu zawng zawngte chungah Marka Group chuan lawmthu an sawi tak meuh meuh.
Luka
Luka Group te chuan Group member tlawh chhuah an nei mek a. Tunah hian Upa Bial (nikuma bial then angin), 6 & 7 na an tlawh zo tawh a. Thawhlehni zan hian Upa Bial 5-na an tlawh leh dawn a, member-te lo awm turin an inngen a. Thawhlehni zan dar 6:30-ah Biak In kawtah Group Committee member-te kim turin an inngên.
Johana
Ningani zan khan Johana Group te chuan Pi Lalthianghlimi te rora thiarin an inhlawh a. Inhlawhna siamsaktu te leh member thawk chhuakte chungah lawmthu an sawi.