Fapa thar

Kan Branch Secretary Pu Lalthangvunga Sailo chuan fapa duhawm tak a nei ve ta heu mai. Thawhlehni, ni 15, February khan a hmang koh hi a piang a, a lai-ah hmingah Lalvenhima Sailo phuah a ni. Kan lawmpui tak meuh meuh a, tunah chuan 'Pa' tia koh theih a ni ta.

SUNNA

18/02/2011 (zirtawp) tlai dar 5:00 khan Pi Chalmawii (88) m/o Nl.Hmingthangsangi chuan Zunthlum natna avangin New Life Hospital-ah min boral san. 19/02/2011 (inrinni) 12:00 Noon ah Bialtu Pastor, Pastor C.Sangliana'n a vui.
Khawhar chhungte kan tawrhpuiin, Pathianin awmpui zel turin i tawngtaipui ang u.
Pi Chalmawii hi kan Kohhran Indan tirh atanga kan rawngbawltu pawimawhtak a thihni thleng hian a ni.

Pu F.Lalremruata thlah ani

Thawhtan zân (14/02/2011) inkhâwmah, kum over avânga kan hruaitu kalchhuak ta Pu F.Lalremruata chu NGAIHHRUINA thilpek (Certificate) hlan a ni. He thlahna inkhâwm hi Pu C.Lalrinawma'n (Fin.Secretary) a kaihruai a, Tv.JH Lalchhanhima a tan a, Tv.R.Lalhmunsanga, Br. Leader-in thlahna thu tlêm sawiin, thilpêk a hlan a. Pu F.Lalremruata hnên atang hian fuihna thuchah tha tak "I rawngbâwlna kha hlen rawh" tih thupui hmangin Pathian thuchah kan ngaithla.

Pu F.Lalremruata inkhâwmah hian a nupui fanaute leh a farnu ten an rawn tawiawm bawk. Inkhâwm bânah Branch Committee Member-ten Pu F.Maruata te inah thingpui an inho a ni.

FAPA PEK AN NI TA

Kan Branch Secretary Pu Lalthangvunga Sailo chu a nupui Pi Partei'n, Vawiin (Feb. ni 15) chawhma dar 10:50 khan FAPA duhawm tak Kg 3.250 a hrinsak ta, kan lawmpui e.

Kum 2011 Member thar lawmna nei

February ni 7, thawhtan zân inkhâwmah kum 2011 Branch Member thar lawmna inkhâwm neih a ni a. Branch Leader Tv. R. Lalhmunsangan inkhâwm a kaihruai a, Rev. Remlalfaka, MTC Lecturer-in thuchah a sawi. inkhâwmah hian Tv. C. Lalbiaktluanga a solo a, Faith Promise intiamna neih a ni bawk. Hemi zâna inkhâwm kal tha ber lawmman chu Luka Group-ten an dawng. Inkhâwm thawhlawm Rs. 1,799/-

Inkhâwm kal dan:- Matthaia Group: 45, Marka Group: 39, Luka Group: 46, Johana Group: 40; Branch O.B.: 5 leh midang: 4; T.T. : 179

Hna hmu thar

Kan member, Nl. C. Lalnunsiami (Manunsiami) d/o C. Lalsawmliana chuan MPSC-in Combined Exam a buatsaih hmasak berah, Circle Officer (Group- B, Non- Gazette Officer)-in Social Welfare Department-ah a tling a. Kan lawmpui takzet a ni.

Ani hi a nau Isak Lalrempuia (Luka Group Secretary) nen MCS 2010 interview-ah an vanduai hlauh a, heti anga a tling chho leh hi kan lawmpui takzet a ni.

Report khaikhâwm