K.T.P Bawngkawn Branch nen Joint Service hlim taka hman a ni

Branch Committee pahnihte lo remtih tawn ang leh, Kohhran Committee-te remtihpuina angin July ni 5, 2010 thawhtan zân khân KTP Bawngkawn Branch kan tlawh a. Bus pathum, motor tê 5 vêl leh two wheeler 20 vêl hmanga kalin member 161 kan kal thei. Bawngkawn lamin Member Inkhawm Kim Zan puangin inkhâwm an tha hlê a, banner 3- welcome banner, Biak In leh Hall lamah te tarin min lo lâwm a ni. Zaiho boruak a nuam a, chanvo neiten an hlen tha hle. Inkhawm tanna hun Nl. C.Lalbiaksiami'n a hmang a, Pathian thuchah Pu F. Lalremruata, kan Branch Asst. Leader-in a sawi a, Kohhran Zaipawl ten Upa P.C.Tlangmawia (L) hla 'Lal sût vuanin' tih an sa a, inkhawm boruak a nuam hle. Inkhawm thawhlawm hi Rs. 3,490/- a ni. Fellowship chu Pu Lalthangvunga Sailo (Asst.Secy.)-in a hruai a; item hrang hrang- KTP Band (BK- KTP Gen.Conference Mamit participant) te, Gospel Dance (Comedy- BK) te, Female Voice (BK) te, Solo: Dr. Shirley leh Short Play te neih a ni. Fellowship hi dar 10:40-ah khamlo takin kan tin.

Rawngbâwlna report:- Branch din hun: BK- 5th Nov., 1967-ah Durtlâng atangin; CV- 22nd Oct., 1978-ah Venghlui atangin Member: BK- 777 (mipa-454+ hmeichhia323); CV- 550 (mipa 242+ Hmeichhia 318) Member thi- BK- 2; CV- 1 (Zochhuanmawia) Biak Ina innei- BK- 9; CV 10 Hmundanga innei-BK- 3; CV- 6 Branch committee neih zât: BK- Vawi 7; CV- Vawi 9 Branch Committee Member zât: BK- 38 (Ex-Officio 3 tiamin); CV- 22(Kohhran aiawh 1 nen) Thawhtan zân inkhawm: BK- 16.5% (130 vêl); CV- 20.17% (109 vê) Kristian Thalai lâk zât: BK-158; CV- 103 Missionary châwm zât: BK-6; CV- 5 Missionary-a chhuak mêk: Bk-9; CV- 2 Branch budget: BK- Rs. 3,98,600/-; CV: Rs. 2,70,000/- (Group budget: BK- Rs. 12,000/- CV- Rs. 9,000/-) Hmuh tawh zawng zawng: BK- Rs. 2,30,818/-; CV- Rs. 1,66.955/- Hman tawh zawng zawng: BK- Rs. 1,65,767/- ; CV- Rs. 1,09,450/- Sum tuak dân:- BK- Faith Promise, Inkhawm thawhlawm, variety show, thirchhe zawn, lehkha chhe hralh, BP check, inbûkna ken kual, blanket sûk, mombati zawrh, sangha zawrh, request programme, sarêp zawrh, potholder zawrh, jumble sale; CV: Faith Promise, Inkhawm thawhlawm, Blanket sûk, Thawhlawm Ip, Lei laih, Insakna bungraw thiara inhlawh, Lehkhabu zawrh, World Cup Fixture zawrh, Lehkha chhe hralh, Sim card buaipui, Sarêp zawrh, Hatkora zawrh, Sorkar atanga Advertisement hmuh.
Kumpuan bawhzui dân:- BK: Branch Comm. Memberten Apr. thla khân intuaitharna hun an hmang a, thawhtan zân inkhâwm bânah an tawngtai rual thin, Member tlawhchhuah tum 2 an neiin tawngtaina hun an hmang, thawhtan zân inkhawm banah remchang apiangten tawngtai rualna hun an hmang thin; CV: Member intlawhchhuah tum thum (3) kan nei tawh a, Member Inkhawm Kim Zan kan nei a, Kohhranin Gospel Camping a buatsaihah tanpuina kan pe. Evangelical Cell hmalâkna: BK: Pathianni tlaiah group-a inthenin harsatna neite inah hun an hmag thin, Greenwood Hosptl-a room tinah tawngtaina hun an hmang tawh bawk. CV:Pathianni tlaia Biak Ina tawngtaina neih thin te, Street Preaching neih te leh a tul angin a mamawhte counselling neihpui thin te. Anni bultum hian Kohhranin Gospel Camping a buatsaihah tawngtai maicham neih a ni.

1. Group 4-ah ve ve kan inthen- Mt., Mk., Lk. & Joh. tiin
2. Branch hnuaiah Sub.comm-6 an nei; an neih zîng kan neih ve loh- Music sub-committee
3. Branch chanchinbu: BK- 'Thalai Hruaitu' (estd. 1988) copy 650; CV 'Challenger' (estd 1983 copy 370)
4. Kum puan thupui:- BK- 'Tho la i Pathian ko rawh' (Jona 1:6); CV- 'Inkhâwm Uar Kum'
5. Chhiatni-ah:- BK- Kohhran mi, thi an awmin Pathianni remchang hmasaber tûkah tawngtai inkhawm an neihpui, an member thi an awmin Rs. 1,000/- in an râl; CV- Kohhran mi thi an awmin Rs. 400/- in kan râl a, min sâwm chuan kan Pathian fakin kan zaikhâwm thin.
6. Inneih:- BK- Biak In hawnga nupui pasal nei te lawmpuina certificate, Kristian Hlabu leh Holy Bible an pe; CV- Lawmpuina Certificate leh Rs. 1,000/- man hu thilpêk kan hlân