LAWRKHÂWM

1. Upa Bial 3-na, Upa Lalbiaktluanga bial chu a zau deuh avâng leh, a bialtu hriselna that lutuk loh avângin T/Upa H. Rosema chu he bial pui tûra ruat a ni.
2. Kohhran suma Synod hnuaia 'Keyboard' zir tûrin Tv. Lianhmingthanga s/o Zahmingliana (Upa Bial 4-na) chu thlan a ni. Ani hian July-December chhûng a zir ang.
3. July ni 4, Pathianni chawhnu inkhâwma 'Health Sunday' puala thawhlawm chu Rs. 2,408/- a ni a, hei hi vêngchhûnga damlo kan nân hman a ni ang. Zân inkhâwmah 'Presbyterian Hospital- Durtlang' puala thilpêk lakkhâwm chu 3,891/- a ni.
4. MHIP Day (July ni 6)-ah Marka Group chuan Rs. 3,000/- budget-ah an pe a, Group budget pe hmasaber an ni. Group tinin Rs. 9,000/- theuh budget an nei a ni.
   
5. Johana Group chuan hemi ni hian sam henna-in sum an tuak a, member engemawzât an thawkchhuak a. Inhlawhna remchang siamsaktute chungah an lawm hle.
6. College Veng Branch YMA President nilai Pu K. Pazawna chu Champhai-a post a nih avângin a nihna a pha a. July ni 4, Pathianni tlaia Branch Y.M.A Committee chuan heti ang hian O.B. post an thlang a, an insiamrem:- President: Pu R. Zapliana, V/President: Pu K. Zohmingthanga, Secretary: Pu H.S. Lalrampara (a ngai), Asst. Secy: Pu C. Lalbiaksanga, Treasurer: Nl. H. Lalchansangi (a ngai) leh Fin. Secretary: Pu V . Lalrohlua te. Branch YMA Committee Member-te hian ni July ni 6 (MHIP Day) tlaiah President kalchhuak inah zanriah an kilho a ni.
7. Rev. K. Lalrinmawia, Field Secretary, Assam Mission Field atanga thu kan dawn dânin a bial chhûng Bhyabari Pum, Marigaon District-a chêng, Muslim mi pahnih Nurul Haque leh Abul Kalam te chu Kristianah an inpe a. Hei vâng hian an vêng miten dâwra thil lei pawh phal lovin leh kawng hrang hrangin an enhrang/ tiduhdah a. An in lama haw tûr pawhin harsatna an siamsak bawk. Anmahni leh an chhûngte tân kan tawngtaina lama hre reng tûrin min chah a ni.
8. Kristian Chhûngkaw Committee chuan August ni 13, zirtâwp zan khian Chhûngkaw Zân hman a rêl a; dâr 6:30-7:30 chhûng chhûngkuaa hun hmanho tûr a ni ang. Hemi huna hun hman dân tur pawh Kohhran chhûngkaw tinah la sem a ni ang. Tin, Aug. ni 7-9 chhûng hian Kristian Chhûngkaw Seminar neih a rêl bawk a, ni 9 zân hi Thalai Pual tûr a ni. Hun hmang tûrin Rev. C.Chanchinmawia or Rev.Zothansanga, Director FG/CC or Bialtu Pastor C. Sangliana biak an ni ang (a hman remchang ber). Hêng thurêlte hi Kohhran Committee remtihpuina a la ngai thung.