Tunkar khan Synod Executive Committee meeting neih a ni a, hetah hian Rev. Zosangliana Colney, Synod Finance Officer-in April, 2011 - October, 2011 chhunga sum hmuh dan a report. Pastoral Budget pum puia hmuh beisei zat Rs.38,40,43,300 (Nuai sangthum zariat sawmli singli sangthum zathum) ah Rs.25,54,29,946 (Nuai sanghnih zanga sawmnga pali singhnih sangkua zakua sawmli leh paruk) hmuh tawh a ni a, hmuh tawh zat hi za zela 66.51 a ni. Mission Budget pum puia hmuh beisei zat Rs.33,80,48,600 (Nuai sangthum zathum sawmriat singli sangriat leh zaruk) atangin Rs.20,72,82,971 (Nuai sanghnih sawmsarih pahnih singriat sanghnih zakua sawmsarih leh pakhat) hmuh tawh a ni a, hmuh tawh zat hi za zela 61.32 a ni.
Synod Budget pum puia hmuh beisei zat chu Rs.72,20,91,900 (Nuai sangsarih zahnih sawmhnih singkua sangkhat leh zakua) a ni a, Rs.46,27,12,917 (Nuai sangli zaruk sawmhnih pasarih singkhat sanghnih zakua sawm leh pasarih) hmuh tawh a ni a, hmuh tawh zat hi za zela 64.08 a ni.
Presbytery malah April 2011 – October 2011 chhunga Synod-a sum chhung lut tam ber chu Aizawl Bethel Presbytery an ni a, Rs.5,45,89,712 (Nuai zanga sawmli panga singriat sangkua zasarih sawm leh pahnih) an theh lut a; Pahnihna chu Aizawl Central Presbytery niin Rs.5,24,44,592 (Nuai zanga sawmhnih pali singli sangli zanga sawmkua leh pahnih) an thehlut a. Pathumna chu Aizawl East Presbytery niin Rs.3,86,59,125 (Nuai zathum sawmriat paruk singnga sangkua za sawmhnih leh panga) an theh lut a ni. Presbytery a\anga Synod-in sum a dawn zawng zawng chu Rs. 44,15,47,257 (Nuai sangli zali sawmpanga singli sangsarih zahnih sawmnga leh pasarih) a ni.
No comments:
Post a Comment