Branch Committee vawi 9-na neih a ni

Kristian Thalai Pawl College Veng Branch Committee vawi 9-na chu, June ni 17 ningani zânah Kohhran Committee Room-ah neih a ni a. Member 22 kalin, Kohhran aiawh chiah a tel thei lo a ni. Committee chuan Tual Upa (Kohhran Comm. Member) atâna Branch Treasurer T.L. Haungura thlan tlin a ni chu lâwmawm a ti hlê.
Thurel thenkhat te:-
(1) Half-Year Meet inbuatsaihna: July ni 17 & 18-a KTP Venghlui Pastor Bial Half-Year Meet kan thlen tûra chanvo hrang hrang neite hmalâkna report thlîrho a ni a. Hmei puala Budget-a kan dah, Rs. 20,000/- chuan a daih tûrah Comm.chuan a ngai. Refreshment min buaipuisak tûrin Kohhran Hmeichhe lam sâwm rêl a ni a, July ni 17 inrinni chhûna seminar neih tûrah tuihnai deuh hlek siam remtih a ni.
(2) Bawngkawn Br. nên Jt. Service: Kan sâwm angin, Bawngkawn Br.chuan Jt. Service neih an remti a, a hunah July ni 5, 2010 ruat a ni. Prog. chu heti ang hi a ni ang:-
Biak In programme
Hruaitu : Tv. K. Lalrotlinga, Asst. Leader, BK
Tantu : Nl. C. Lalbiaksiami, Comm. Member, CV
Sermon : Pu F. Lalremruata, Asst. Leader, CV
Secretary reports:Branch pahnih Secretary-te
Zaipawl : College Veng Kohhran Zaipawl
Male Voice : K.T.P Bawngkawn Branch

Fellowship Programme
Hruaitu: Pu Lalthangvunga Sailo, Asst. Secretary, CV
Special Items: 1) K.T.P Band (BK)
2) Female Voice (BK)
3) Gospel Dance (Comedy! :BK)
4) Solo: Nl. Dr. Shirley Lalbiakzuali Chhangte (CV)
5) Short Play (CV)
(3) Literature Week neih: Literature Sub-Committee rawtna angin, Aug. ni 2-8 chhûngin Literature Week neih a ni ang. Ni 2 zânah Literature Night hman a ni ang a, ni 8 Pathianni Fellowship-ah mizo tawng hman dân dik inzirtîrna neih a ni ang. Hemi kâr tluan hian lehkhabu tha chhiar tam tûra infuihin a chhiar tam 1-na atanga 3-na lâwmman pêk te, article inziahsiakna neih te, short play mins. 15 chan inziahsiak te leh Bible kan ziah mêkah infuih tharte a tel. Kohhran Committee-ah Kohhran Library tihchangtlun kawnga hmala tûra ngen rêl a ni bawk.
(4) Hatiadanga Pastor Quarters electric wiring: Kan member, Pastor Vanlalthlamuana, i/c Hatiadanga Pastorate, Silguri Mission Field atanga ngenna dawn angin, Pastor Quarters sak thar electric wiring-na atan Rs. 4,000/- pêk remtih a ni a. Hemi pual hian June ni 20, thawhtan zan inkhâwm thawhlawm chu hman a ni ang a, a bâk chu branch sum atanga pêk tur a ni.

---