Central KTP Programme hmang

KTP General Conference-in a lo rêl tawh angin, KTP Central Comm.Member-ten khawpui chhûng Branch an tlawh mêkah, June ni 21 zânah Central KTP Comm.Member Pu H. Liantluanga (Chhinga Veng Branch) chuan kan branch a rawn tlawh a. Pu Lalnunsiama (Chhinga Veng Bial & Chhinga Veng Br. Treasurer) leh Tv. Chawngthansanga (Chhinga VT Leader, Chhinga Veng Bial Asst.Secy) ten an rawn tawiawm. Inkhawm hi mi 174 kan ni. Inkhâwm kal dân heti angin:- Mt. 34, Mk. 56, Lk. 47, Joh. 29, O.B. 5 leh midang 3, T.T. 174 (30.5%).
Branch Committee-in a lo rêl tawh ang leh Kohhran Committee-in min remtihpui angin, hemi zâna thilpêk Rs. 2,347/- (Rs. 13.48 per member) hi kan member Pastor Vanlalthlamuana bial- Hatiadanga Pastor Quarters (Siliguri Mission Field) thar electric wiring nân hlan a ni. Pawisa mamawh Rs. 4,000 tlin lohna chu Branch sum atangin hnawh khah a ni ang.
Central KTP programme duan lawk ang chuan, June ni 14 zâna min rawn tlawh tûr a ni a. Bial hruaitute leh Bial Zaipâwl-in min rawn tlawh avângin a hun hi sawn a ni.
Pu Tluanga hian May ni 17-ah Khatla branch-ah a kal tawh a, July ni 5-ah Ramhlun East Br. a tlawh leh ang. Kan bial atanga Central Comm.-a tel- Pu Lalnghinglova Hauzel pawhin Chanmari (May 17), Khatla East (June 14) leh Tuikual branch (July 5) te a tlawh dâwn a ni.