K.Ṭ.P Thupui Innghahna

Thil ṭha ti atân Krista Isuaah chuan siama awmin, ama kutchhuak kan ni si a; chu thil tha tih chu kan awmna tûrin Pathianin a buatsaih lâwk a ni. (Ephesi 2:10)

Thursday, August 22, 2013

Chhûngkaw Zan hman a ni

Venghlui Pastor Bial Kohhran Hmeichhe rorel angin, Aug. ni 22, 2013 Ningani zanah Bial chhunga chhungkaw in tinah 'Chhungkaw zan' hman a ni. 

Hemi hunah hian, Mizoram Presby. Kohhran Hmeichhe Inkhawmpui Lian buatsaih 'Aia Upa Zah' tih chu chhiar chhuah turin chhungkaw tinah sem a ni a, Kohhran pawl dangte pawh he hun hmang tur hian ngen an ni. He thu hi Kohhran Hmeichhe Inkhawmpui Lian vawi 45-na in 'Ram pum hualpin aia upa zah chungchang hi inzirtir ni rawh se' tia a rel bawhzuina a ni a. 'Aia upa zah' tih lehkhabu te (booklet) hi Upa K. Rosiamliana ziak a ni.
He booklet-ah hian ṭhen tesep 16 a awm a, chungte chu- 1) Mizo nun ze mawi: Aia upa zah, 2) Upate zahna a tlahniam ta, 3) A upa pa chhuakah, 4) Ka thu a nia, rawn inrawlh suh, 5) Nu leh pain fate an hlau, 6) Zilh loh fa an tam ta lutuk, 7) Hlauh tur 'Val Upa' an awm tawh lo, 8) Engtin chuan kan ti dawn ni maw?, 9) Chhungkuaah inzirtir thar leh tur, 10) An zah tur leh hlauh tura awm a ṭul, 11) Tiang hmang hreh suh, 12) Kohhranah inzirtir tur, 13) Sikul zirlaia telh, 14) Chetziaa lantir, 15) I bawhzui nghal ang aw tih leh 16) Tih tur, tihte a ni. Booklet hi A5 size-a chhut, phek 11 a ni.  
Sawiho turte:- (1) Tunlai khawvela aia upate zahna lo tlahniam ta hi ṭhangtharte thiam loh nge nu leh pate? Engnge a chhan? (2) Aia upate zah chungchang inzirtir nan eng hmun nge ṭha ber ang? Engvang nge?, (3) Aia upa zah inzirtir kawngah Kohhran Hmeichhiate tih ve tur leh hmalakna tur kawng thum emaw han sawi teh u, tih te a ni. 

No comments:

Post a Comment