K.Ṭ.P Thupui Innghahna

Thil ṭha ti atân Krista Isuaah chuan siama awmin, ama kutchhuak kan ni si a; chu thil tha tih chu kan awmna tûrin Pathianin a buatsaih lâwk a ni. (Ephesi 2:10)

Thursday, October 24, 2013

Branch Day vawi 35-na


Thawhlehni khan KTP College Veng Branch kum 35 a tlin champha phak a ni a. Hemi pual hian Oct 21, Thawhtanni zan inkhawm khan hun hman a ni a. Hemi zan hian Challenger-in kum 30 a tlinna pualin hun hman nghal a ni bawk.

Branch Day vawi 35-na leh Challenger kum 30-na inkhawm hi
Tv. C. Lalruatsanga, Branch Treasurer-in a kaihruai a, Nl. C. Zonunmawii, Challenger Cir. Manager-in kaihruaiin, Tv. H. Vanlalhriatzuala, Challenger Joint Editor-in Challenger chhuah a nih tan dan report a pe a, Tv. Rochungnunga, Branch Asst. Secretary hnen atangin College Veng Branch KTP chanchin tawi ngaihthlak a ni bawk.

Challenger Editor lo ni tawh thinte atangin Upa HL Lawmzuala, Pu K. Vanlalauva, Pu PC Lalropara, Tv. RL Chhuanthanga, Pu C. Lalrosanga leh Pu F. Lalremruata te rawn inkhawmin, an hnen atangin thusawi tawi ngaihthlak a ni bawk.

October 22, Thawhlehni zing dar 6 atang khan veng chhung tifaia hnatlang neih a ni a, mi 20 vel an thawk chhuak.

Branch Day pual hian October 12, Inrinni khan Gospel Centenary Hall-ah a mamawhte hman turin Synod Hospital Durtlang tan thisen unit 27, mipa 22 leh hmeichhia 5 ten thisen an pe bawk.

No comments:

Post a Comment